Jeremaia 5:7 - Godɨn Eghaghanim: Akar Gavgavir Dɨkɨrɨzir Ghurim ko Igiam7 Ikiavɨra Itir God akar kam Jerusalemɨn nguibamɨn itir gumazamizibav gɨa ghaze, “Bizir me ifongeziba, kɨ bar ada isa me ganɨngi, ezɨ me ua na ategha aser kabar gɨn zui, mati gumazim uan amuim ategha, tuavimɨn amizibar gɨn ghu. Kamaghɨn, kɨ manmaghsuvɨra ian arazir kuraba gɨn amangam? Bar puvatɨgham. အခန်းကိုကြည့်ပါ။ |
Jeremaia 5:7
39 ပူးပေါင်းရင်းမြစ်များ
Me asebar gɨn ghua dar ziaba fava na gamizɨ, nan navim bar ikuvigha men anɨngaghegha men atari. Aser me ziaba fer kaba, da pura godɨn ifavariba, da guizɨn godba puvatɨ. Kamaghɨn, kɨ ikɨzir pura bizibar mɨn ikia bar onganizim, kɨ me isɨ Israelia bagh me ameghtɨ, Israelian naviba bar ikuvigham. Kɨ gumazamizir fofoziba puvatɨziba inightɨma, bizir kam me damightɨ me ataram.
Gumazamizir uan dɨpenibar isɨriabar ghuavanaga, aruem ko, iakɨnim ko, mɨkovezibar ziaba feba, kɨ me gasɨghasigham. Gumazamizir avɨrim nan ziam fa kamaghɨn mɨgei, ‘E Ikiavɨra Itir Godɨn ziamɨn pɨn an akakagha ghaze, Bar guizbangɨra, e an gɨn zui.’ Ezɨ puvatɨ, me uaghan asem Molekɨn ziam fa ghaze, ‘E asem Molekɨn ziamɨn pɨn akakagha ghaze, Bar guizbangɨra, e asem Molekɨn gɨn zui.’ Kamaghɨn amizɨ, kɨ me gasɨghasigham.
Nguibar kamɨn gumazamizir avɨrim Ikiavɨra Itir God ataki, egha amiziba ko gumaziba uan paba ko amuiba ataghɨragha, tintinibar uari isava akui. Gumazamiziba zurara tuavir kurabar gɨn zui, egha me uan gavgaviba isa puv arazir kuramra anɨga, gumazamizir igharaziba paza me gami. Kamaghɨn amizɨ, Ikiavɨra Itir God, uan akamɨn gɨn ghua nguazir kam gasɨghasɨki. Ezɨ graziba bar mɨsiga gɨfa, ezɨ nguazim azi. Kɨ Ikiavɨra Itir God, kɨ mɨkemegha gɨfa.”
Eghtɨ nan gumazamiziba nan ziam fer araziba, me dughiar kamɨn dar gan dagh fofogham. Fomɨra gumazir kaba nan gumazamiziba, me aser Balɨn ziamɨn guizbangɨra mɨkɨmasa pɨn arɨgha mɨgei, egha nan gumazamizibar sure gami. Me datɨrɨghɨn uari nan ziamɨn pɨn darɨgh guizbangɨra mɨkɨm suam, Ikiavɨra Itir God, a zurara ikɨ mamaghɨra ikiam. Me arazir kabar gɨn mangɨ, uaghan nan gumazamizibar otivigham.
Gumazamizir arazir kurabagh amiba, God Bizibagh Ativamin Dughiamɨn aven mangan kogham. Ia ti kamaghɨn fozir puvatɨ? Ia uari uan navibagh ifaran markɨ. Gumazamizir tintinibar uari isava akuiba, ko gumazamizir marvir guabar ziaba feba, ko poroghamiba uari bakeir arazim gamiba, ko gumazir uarira uari isa akua arazir aghumsɨzibagh amiba,
Egha Ikiavɨra Itir Godɨn Gavgaviba Bar Itim ghaze, “Kɨ izɨ ian araziba tuisɨgham. Kɨ bar zuamɨra kotɨn aven gumazamizir kabar arazir kurabar gun me mɨkɨmam. Gumazamizir kabar kara: imezibagh amir gumazamiziba ko, kukunir gumaziba ko, gumazamizir poroghamibagh asɨghasɨziba ko, gumazamizir kotɨn akabagh ifariba ko, gumazir dapanir deragha uan ingangarir gumaziba ivezir puvatɨziba ko, gumazir amizir odiaribagh ifara pura men biziba isiba ko, gumazamizir afeziaba ariaghirezir boribar biziba isiba ko, gumazamizir Kantrin Igharazibar Gumazamizir men tongɨn itibar akurvazir puvatɨziba. Gumazamizir arazir kaba bar dagh amiba me nan apengan itir puvatɨ.”
Ezɨ gumazamizir maba Samarian asebar ziabar gavgavim uan akabagh anɨga, kamaghɨn mɨgei, ‘E aser Danɨn nguibar ekiamɨn itimɨn ziamɨn, e guizbangɨra mɨgei.’ Egha ‘E aser Berseban nguibar ekiamɨn itimɨn ziamɨn, e guizbangɨra mɨgei.’ Kamaghɨn amizɨ, gumazamizir kaba guizbangɨra osɨmtɨziba ikɨ arɨghiregham, egh ua dɨkavan kogham.”
Me bar poroghamiba tintinibar uari bakɨa uari koma akuir gumazamiziba. Men navir averiaba arazir kam bagha isi, mati bret tuamin danganimɨn mɨn iti. Bretba tuer gumazim avim atɨzɨ a isi, egh aneteghtɨ a ikɨtɨ bret buigham. Bret buigh gɨvaghtɨ, an avim giveraghtɨ a dafogh isi bar ekevegham. Men arazim a kamaghɨn zui.
Kɨ uabɨ gari, nɨ arazir bar kurar kɨ ifongezir puvatɨzibagh ami. Nɨ asebar gɨn mangasa pamtemɨn ingara, mɨghsɨaba ko danganir tuziba itibar dar ziaba fe. Nɨ mati gumazim uan roroamɨn amuim ko dakuasa an gɨriabagh suagha arui, egha mati hoziar apurim pamten hoziar amebamɨn gɨn ghuava aroi. O Jerusalem, nɨn araziba bar mɨze, egh nɨ kamaghɨra ikɨ mangɨ manadɨzoghɨn ua zuegham? Bar puvatɨgham. Noka! Nɨ bar ikuvigham.”
Kamaghɨn deragham, kɨ ti gumazamiziba puvatɨzir danganitamɨn mangɨ tuavir mɨriamɨn averpenir gumaziba daru dakuamin tamɨn ingarigh, an aven ikiam. Nan gumazamiziba bar, Godɨn itir nɨghnɨzir gavgavimɨn arazim anetegha, asebar gɨn ghua arazir mɨzɨrɨzibagh ami. Kamaghɨn amizɨ, kɨ ti me ategh mangɨ saghon ikiam.
Kɨ Ikiavɨra God, kɨ ua kamaghɨn mɨgei, “Israelia, kɨ fomɨra ia damightɨ ia guizbangɨra nan boribar otivasa nɨghnɨsi. Egha nguazir bar aghuir kam ia danɨngasa bar akonge. Nguazir dirir kam, gumazamizir igharazibar nguaziba bar dagh afira. Eghtɨ ia an ikɨ mamaghɨra ikiam. Kɨ kamaghɨn ia gɨnɨghnɨgha ghaze, ia na dɨpon suam, Nɨ en Afeziam. Egh ia zurara nan gɨn izɨ, uamategh mangan markɨ.
Ia Israelian datɨrɨghɨn iti darasi, kɨ Ikiavɨra Itir God, kɨ ia mɨkɨmasa. Ia deraghvɨra kuariba arigh, nan akam baragh. Ia ti ghaze, kɨ bizir kuram, egha mati danganir dakɨghtɨzim? Kɨ mati danganir bar mɨtatem, a? Bar puvatɨ. Egha manmaghsua ia nan gumazamiziba ghaze, Datɨrɨghɨn e uari uan ifongiabar gɨn mangɨ tintinibar daruam. E ua nɨ bagh izan kogham.
Ia uaghan Ikiavɨra Itir Godɨn ofa gamir gumaziba batoke, kar Aronɨn ovavir boriba. Egha Livain anabamɨn adarasi, ia uaghan me batoke. Ia Kantrin Igharazibar Gumazamiziba ami moghɨn, ia uari uari bagha ofa gamir gumazir igharaziba amɨsefi. Gumazir kɨnitam ia bagh bulmakaun apurir igiatam ko 7pla sipsipɨn apuriba inigh izɨtɨ, ia puram anemɨseveghtɨ, a ian ifavarir asebar ofa gamir gumazimɨn otogham.
Ia gumazir igharazibar biziba okɨava, egha gumazibav sozi da ariaghiri. Egha poroghamiba uari isava akuir arazim gamuavɨra iti. Egha uan akaba gavgavim dar anɨngasa akam akɨri, egha ia guizbangɨra akar ifavaribagh ami. Egha ia asem Bal, a bagha ofan mughuriar aghuim zuibagh ami. Egha ia aser ia faragha fozir puvatɨzibar ziaba fe.
Juda garima, Israelia nɨghnɨzir gavgavim nan itir puvatɨgha, gumaziba isa da koma akuir arazim gami. Ezɨ kɨ par ikɨzimɨn anegɨvasa akɨnafarim osirigha a ganɨngi. Ezɨ an buaramizim Juda arazir kamɨn ganigha, atiatir puvatɨgha nɨghnɨzir gavgavir nan itir arazim ataki. A uaghan ghua asebar ziaba fe, mati tuavimɨn amizim arazir gumaziba okɨa me isava akuim gami.
ကြော်ငြာတွေ