Jeremaia 5:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Gumazamizir kaba arazir kurar avɨribagh amua, egha dughiar avɨribar Ikiavɨra Itir God, akɨrim ragha a gasara. Bizir kam bagh, men apaniba, laionɨn ruarir ghuribar itiba azenan izɨ me mɨsoghtɨ me arɨmɨghiram. Apanir kaba, afiar atiar danganir kɨnibar itibar mɨn izɨ me gasɨghasɨgham. Apanir kaba, kaziar atiar ekiabar mɨn izɨ, Judan nguibar ekiabar boroghɨn mongegh ikɨ ganam, eghtɨ gumazim o amizitam nguibam ategh azenan izɨtɨ, apaniba kaziar ekiar kabar mɨn uari fɨ me mɨkɨn, men mɨkarziba abɨghɨrarigham.”

Jeremaia 5:6 ပူးပေါင်းရင်းမြစ်များ

Sefanaia 3:3

Men gumazir dapaniba mati laionba, mɨtiriam men azima me pamten arava aroi. Ezɨ men gumazir kotiaba tuisɨziba, mati afiar atiaba mɨtiriam puv men azi, ezɨ me asɨziba apava, gurumzaraghan bagha agharitam atɨzir puvatɨ.

Habakuk 1:8

“Men hoziaba bar puvɨra ivemari, egha me asɨzir atiar ruarimɨn ikia puvɨra ivemaribagh afira. Egha hoziar kaba bar puvɨra mɨsosi, ezɨ me mɨsozir arazim, afiar atiabar mɨdorozir arazim gafira. Hoziar kaba uari fa, uari akuri, ezɨ mɨsoghamin gumaziba, me hoziar kabagh apiagha, nguibar bar saghon itibar ikegha, mɨdorozim foreghasa izi. Me bar puvɨram akɨgh izam, mati kuarazir isam nguazim gisɨn uan asɨzimɨn apigha a mɨsuegh anemasa, pura tuigha iraghu.

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”

Esekiel 22:27

“Ian gumazir aruaba, mati afiar atiaba asɨzim mɨsuegha uarir tongɨn an kuam getuima, a dɨghoraghire. Me bizir avɨriba ikiasa gumazibav suagharɨgha, egha ifara pura men biziba isi.

Akar Mogomem 13:2

Asɨzir atiar kɨ datɨrɨghɨn garir kam, a kaziar atiar ekiar me kamaghɨn dɨborim lepat, an an mɨn gari. Ezɨ an sueba, asɨzir atiar kurar me kamaghɨn dɨborim bea, an an suebar mɨn gari. Ezɨ an akam laionɨn akamɨn mɨn gari. Ezɨ asɨzir atiar kam, kuruzim uan gavgavim ko atrivir dabirabim ko bizibagh ativamin gavgavir ekiam a ganɨngi.

Hosea 5:14

Kɨ datɨrɨghɨn bar gavgavigh laionɨn gavgavimɨn mɨn otogh Efraimia ko Judabav sogham. Kɨ uabɨ tintinimɨn me abɨghɨrarigh me kurvagh mangɨtɨ, gumazitam men akuraghan kogham.

Daniel 7:6

Egha kɨ garavɨra itima asɨzir atiar kaziamɨn mɨn gari, ezɨ me a dɨbora ghaze lepat, an oto. An akɨragharim avɨzir 4pla an iti. Da kuarazir avɨzibar mɨn gara, dapanir 4pla iti. Egha me bizibagh ativagh dar ganamin gavgavim a ganɨngi.

Daniel 7:4

Ezɨ farazim laionɨn mɨn gara, avɨzimning ikia taragiar ekiamɨn mɨn gari. Kɨ garavɨra itima me an avɨzimning asigha an suemning asarazɨ a gumazim mɨn tughav iti. Ezɨ me gumazibar nɨghnɨzim a ganɨngi.

Esekiel 23:19

Ezɨ a tintinimɨn gumaziba koma akuir arazir kam gami an ekɨva ghuavanagavɨra iti, mati a faragha Isipɨn igiamra ikia tuavimɨn amizimɨn arazir kam gami.

Esekiel 16:25

Nɨ ghaze, nɨ bar amizir ganganir bar aghuim gamim, egha gumaziba tuavibar izima, nɨ me gekua uan mɨkarzim isa pura gumazir kɨnibagh anɨdi. Egha nɨn arazir tuavimɨn amiziba amir arazir kam, ekɨva ghuavɨra iti.

Jeremaia 49:19

Kɨ zuamɨra Idomian nguazimɨn me batuegham, mati laionba sipsipbagh ami mokɨn. Laion Jordanɨn Fanemɨn boroghɨn itir ruarir pɨzimɨn ikegha otogha ghua, sipsipba graziba apa itir danganir aghuimɨn men gɨntɨki. Ezɨ kɨ gumazitam amɨseveghtɨ, a nguazir kam gativagh an ganam. Kɨ kamaghɨn damuamin dughiamɨn, gumazir manam na ko ga akamɨn uaning mɨsogham? Ezɨ tina nan mɨn gavgavir kam iti? Eghtɨ gumazir sipsipbar garir manam na ko apanim damuam? Bar puvatɨgham.

Jeremaia 30:24

Ikiavɨra Itir Godɨn anɨngagharim ikɨ mangɨvɨra ikɨtɨ, bizir a damuasa nɨghnɨziba, a bar moghɨra dar amu da gɨvagham. Eghtɨ ia dughiar abuananamɨn, bizir kabagh fogham.

Jeremaia 30:14

Ia arazir kurar avɨribagh amigha osɨmtɨzir ekiam iti. Kamaghɨn amizɨ, kɨ ia gasɨghasɨki, mati gumazim uan apanimɨn apangkuvir puvatɨgha, a gasɨghasɨki. Kamaghɨn amizɨ, iavzika, gumazir fomɨra ian namakabagh amiziba, me ia gɨn amadagha gɨfa, egha me ua ia gɨnɨghnɨzir puvatɨ.

Jeremaia 25:38

Ikiavɨra Itir God dɨkavigha, laionɨn mɨn uan danganir mogomem ataki. Ikiavɨra Itir God bar anɨngaghegha apaniba amangizɨ, me iza Judabav sosi. Ezɨ men nguazim bar ikuvigha, danganir kɨnim gava.

Jeremaia 14:7

Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Jeremaia 2:17

Israelia, kɨ Ikiavɨra Itir God, ian God, kɨ ia inigh tuavir aghuimɨn izasa, ezɨ ia aghuagha akɨrim ragha na gasara. Ia uari kamaghɨn amizɨ, osɨmtɨzir kam ia bato.

Jeremaia 2:15

Apanir kaba Israelia abɨragha mati laionbar mɨn pamtemɨn me dazera tiariba akara iti. Egha me Israelian nguazim gamizɨ a danganir kɨnir mamɨn mɨn iti. Egha ian nguibabagh apongezɨ da isigha, nguibar sueriabar otifi.

Aisaia 59:12

“O Ikiavɨra Itir God, en arazir kuraba nɨn damazimɨn bar avɨraseme. Egha da e isa kot gatɨ. Ezɨ akaba batozir arazimɨn osɨmtɨzim, en poroghavɨra iti. Ezɨ e uari uan arazir kurar e amibagh fo.

Onger Akaba 104:20

Nɨ mɨtatem gami, a dɨmagaribar otifi. Ezɨ dɨmagaribar asɨzir atiaba arui.

Esra 10:10

Ezɨ ofa gamir gumazim Esra dɨkavigha tugha kamaghɨn me mɨgei, “Ia nguazir kamɨn ikɨzibar amizir God gɨfozir puvatɨzibar iti, ezɨ arazir kamɨn, ia Godɨn akam batoke. Egha Israelian arazir kuram osɨmtɨzim gamima, a bar ekefe.

Esra 9:6

“O God, nɨ nan God. Kɨ uan guam fegh nɨn ganan bar aghumsɨki, Kɨ fo, en arazir kuraba bar ekevegha ghua en dapanibagh afiragha bar pɨn ghu. En osɨmtɨzim bar ekevegha ghua overiamɨn mɨn pɨn mar ghuavanabo.

Dɨboboniba 32:14

Ia oragh! Ia datɨrɨghɨn uan afeziabar danganiba inigha, arazir kurabagh amir gumazamizibar otifi. Egh ia ti Ikiavɨra Itir God damutɨ, an anɨngagharir bar kuram uam Israelia damuam.

Onger Akaba 80:13

Dar atiaba a dɨkabɨntɨ, asɨzir atiaba anemam.

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Jeremaia 30:15

Ia uan duar kaba bagh azirakar avɨribar amuan markɨ. Duar kaba akumighan kogham. Ia arazir kurar avɨribagh ami, egha osɨmtɨzir ekiam iti. Kamaghɨn kɨ arazir kamɨn ia gami.

2 Eghaghaniba 36:14

Ezɨ ofa gamir gumazibar dapaniba ko, gumazamiziba bar moghɨra akɨrim ragha Ikiavɨra Itir God gasaragha, kantrin igharazibar arazir bar kurar God bar aghuazibagh amua ghuavɨra iti. Me kamaghɨn amua, Ikiavɨra Itir Godɨn Dɨpenir Jerusalemɨn itir a ua baghavɨra inabazim gamima, an an damazimɨn mɨze.

Jopɨn Akɨnafarim 10:16

Egh kɨ bar akuegh suam, kɨ gumazir aghuim, eghtɨ nɨ zuamɨra nan agɨragham, mati laion asɨzimɨn agɨragha a mɨsoghezɨ an areme. Egh nɨ na abɨnsɨ, dɨgavir kuram gamir arazir avɨribar amuam.

Aisaia 1:23

O Jerusalem, nɨn gumazir dapaniba, me gumazir akaba batoziba, egha me uaghan okɨmakɨar gumazibar namakaba. Me zurara kotiabar dughiamɨn, me gumazir arazir kurabagh amibar amamangatɨzɨ, me uarir akurvaghasa me givizivigha, dagɨaba ko biziba me ganɨdi, ezɨ me men akurvasi. Egha me kotiaba barazir dughiamɨn, me borir ameboghfeziaba oveaghuezibar akurvazir puvatɨ, Egha me uaghan deragha kuariba arɨgha oragha, amizir paba oveaghuezibar osɨmtɨziba akɨrir puvatɨ.

Jeremaia 2:31

Ia Israelian datɨrɨghɨn iti darasi, kɨ Ikiavɨra Itir God, kɨ ia mɨkɨmasa. Ia deraghvɨra kuariba arigh, nan akam baragh. Ia ti ghaze, kɨ bizir kuram, egha mati danganir dakɨghtɨzim? Kɨ mati danganir bar mɨtatem, a? Bar puvatɨ. Egha manmaghsua ia nan gumazamiziba ghaze, Datɨrɨghɨn e uari uan ifongiabar gɨn mangɨ tintinibar daruam. E ua nɨ bagh izan kogham.

Jeremaia 8:7

E fo, kuarazir ekiaba ko doziba mɨghegh mangɨ ikegh, ua izamin dughiam me a gɨfo. Ezɨ nan gumazamiziba, me bizir kɨ damuasa mɨkemeziba me dar gɨn zuir puvatɨ.