Jeremaia 5:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Me ifavarir arazibagh amua gumazir igharazibar bizir avɨriba puram ada isi. Mati gumazim ivem aguragha kuarazir avɨriba inizɨ an akɨram izɨfa. Egha arazir kamɨn me gavgavigha ikia, dagheba ko bizir avɨriba iti.

Jeremaia 5:27 ပူးပေါင်းရင်းမြစ်များ

Akar Mogomem 18:2

A pamten diagha kamaghɨn mɨgei: “Babilonɨn nguibar ekiam ikuvigha gɨfa! A bar ikufi! Ezɨ datɨrɨghɨn duar kuraba ko adariar mɨzɨrɨzir kuraba ko kuarazir mɨzɨrɨziba ko kuarazir kuraba, darara an iti.

Maika 1:12

Ikiavɨra Itir God Jerusalem gasɨghasɨghamin dughiam bar roghɨra ize, kamaghɨn amizɨ, Marotɨn nguibamɨn adarazir naviba bar osemegha, uarir akurvaghasa gumazamiziba bagha pura mɨzua iti.

Jeremaia 9:6

Me uarira uari abɨrir arazim gamua ghuavɨra ikia, egha ifavarir arazibagh amuavɨra iti. Me nɨghnɨzir gavgavim nan ikɨ, nan gɨn mangan aghua. Kɨ Ikiavɨra Itir God, kɨ kamaghɨn mɨkemegha gɨfa.”

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Jeremaia 12:1

O Ikiavɨra Itir God, nɨ kotiaba tuisɨzir arazim a bar dera, ezɨ kɨ zurara uan osɨmtɨzim akɨrsɨ akamadarim nɨ ko a damuan kogham. Ezɨ arazir kɨ fozir puvatɨzir maba iti, ezɨ guizɨn nɨn arazir kotiaba tuisɨzim, kɨ a bagh nɨn azangsɨghasa. Manmaghɨram amizɨ gumazamizir arazir kurabagh amiba me zurara deragha iti? Ezɨ manmagh amizɨ, ifavaribagh amir gumaziba deraghavɨra ikia ghuavɨra iti?

Sefanaia 1:9

Dughiar kamɨn, gumazamizir asebar ziaba fa, uan gumazir ekiamɨn dɨpenim damutɨ a izɨvasa, me okɨava gumazibav sozi me ariaghiri, gumazir kaba, kɨ me gasɨghasigham.

Jopɨn Akɨnafarim 12:6

Ezɨ okɨmakɨar gumazamiziba ko Godɨn akaba batozir gumazamiziba, men ikɨrɨmɨrim a dera. Me uan fofozim ko gavgavimɨn garima, bizir kamning me bagha ikɨrɨmɨrir aghuim gamima, an otifi, ezɨ bizir kam mati men asemɨn mɨn oto.

Aisaia 3:14

Egha Ikiavɨra Itir God uan gumazamizibar gumazir dapaniba ko gumazir aruaba ko kotiam gamua kamaghɨn me mɨgei, “Nan gumazamiziba mati, nan wainɨn azenim, ezɨ iarara azenir kam gasɨghasigha, an itir biziba bar da okeme. Ia gumazamizir biziba otevezibar apangkuvir puvatɨ. Bar puvatɨ. Men bizir muziariba, ia me da da isava uan dɨpenibar da pozibav kɨri.

Hosea 12:9

Ezɨ kɨ Ikiavɨra Itir God, kɨ ian ifavarim gɨfogha gɨfa. Kɨ fomɨra kantri Isipɨn ia inigha ian akua azenan ize. Egh kɨ ia damutɨ, ia uan dɨpenir aghuiba ategh ua purirpenibar dakuam, mati kɨ ia ko gumazamiziba puvatɨzir danganimɨn itima, ia amizɨ mokɨn.