Jeremaia 5:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ “Nan gumazamizibar tongɨn marasi, arazir kurabagh amir adarasi. Me gumazamizir igharaziba arazir kurabar me damuasa mɨzua iti. Mati gumazim kuarazim izɨ ivemɨn aven mangasa aneguragha a mɨzua iti.

Jeremaia 5:26 ပူးပေါင်းရင်းမြစ်များ

Aghuzir Akaba 1:11

Eghtɨ kamagh garir gumaziba kamaghɨn mɨkɨmam, “Nɨ izɨ, e mangɨ tuavir mɨriamɨn muegh ganam. Eghtɨ gumazir manaba izɨtɨ, e me mɨsueghtɨ me arɨmɨghiregham. Gumazir manaba iza uarir akurvaghamin tuaviba puvatɨ, e uan ifongiamɨn gɨn mangɨ pura me mɨsueghtɨ me arɨmɨghiregham.

Jeremaia 18:22

Nan apaniba nan suiragh na gasɨghasɨghasa, mati asɨzim mozimɨn magɨrasa mozim gutui, egha mati gumazim asɨzimɨn suighasa azuazim aguragha a mɨzua iti. Kamaghɨn amizɨ, nɨ zuamɨra gumazir kuraba ameghtɨ me izɨ gumazir kaba ko mɨsogh, me gasɨghasɨkigh, eghtɨ me bar puvɨram atiatingɨva, uan dɨpenibar aven mongegh bar puvɨram arangam.

Onger Akaba 64:5

Me gumaziba bagh azuazim aguaraghtɨ a men suighasa me uariv gei. Me arazir kurar kam damuasa nɨmɨra uarira uariv gɨa, gavgavim uari ganɨga ghaze, “Tina e gɨfogham?”

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Aisaia 32:7

Ezɨ ifavarir gumazamiziba, nɨghnɨzir kurar bar avɨriba men dapanibagh izɨfa. Me gumazamizir biziba puvatɨziba, dɨkabɨnasa men kotiaba adafi. Me, onganarazibagh amir gumazir arazir kurabagh amir puvatɨziba, me kotɨn aven ifavarir arazir igharazibar mɨgɨrɨgɨabar me gami.

Jeremaia 9:8

Men mɨzeba, mati barir gumazibagh asi me ariaghɨriba. Me ifavarir gumazamiziba. Me uan namakaba akar aghuibar me mɨgɨa, egha men navir averiaba, me me gasɨghasɨghasa nɨghnɨsi, mati gumazim asɨzimɨn suighasa azuazim agura.

Jeremaia 18:20

Gumazitam arazir aghuim damutɨ, gumaziba ti a ikaragh arazir kuram a danɨngam, o? Puvatɨ. Eghtɨ gumazir kaba na gasɨghasigham, me mati gumazim mozim gutui, eghtɨ asɨzim atamakuigh an magɨrɨgham. Nɨ, arazir kɨ fomɨra amizim gɨnɨghnɨgh. Kɨ nɨn boroghɨra iza me bagha nɨn azangsɨgha ghaze, nɨ uan anɨngagharim agɨvagh, gumazamizir kaba deraghvɨra me damu.

Maika 6:10

Ia gumazir arazir kurabagh amiba, ia bizir aghuiba uan dɨpenibar aven da mongezɨ da ikiavɨra iti, ezɨ bizir ia itir kaba, kar ia arazir kuram gamua inizir biziba. Ia uan biziba gumazir igharaziba bagha da amadir dughiam, ia ifara deragha dar osɨmtɨziba tuisɨgha dar ivezibar abarir puvatɨ. Kɨ arazir kurar kam bar an aghua.

Maika 7:2

Gumazir aghuitam nan kantrin aven itir puvatɨ. Gumazitam guizbangɨra Godɨn gɨn zuir puvatɨ. Bar puvatɨ. Dughiabar zurara gumazamiziba uarira uarir apanibagh amua uarigh asɨghasɨghasa uari bagha tuaviba buri, mati gumazim asɨzibav soghasa, azuazim agura.