Jeremaia 5:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Ezɨ ia gumazamiziba bar igharaghava ami. Egha bar puvɨra nan akaba batogha uan nɨghnɨziba bar dar kumi. Egha akɨrim ragha na gasaragha tintinibar ghue.

Jeremaia 5:23 ပူးပေါင်းရင်းမြစ်များ

Jeremaia 6:28

Ezɨ kɨ an akam ikaragha ghaze: “Gumazamizir kaba me akaba batogha, akaba uarigh asa gɨrakɨrangɨn uarira uariv gei. Me ifavaribagh amua men araziba bar ikufi. Egha men naviba ain ko brasɨn mɨn bar gavgavigha, arazir kurabar amuasa bar gavgafi.

Hosea 11:7

Me zurara akɨrim na gasi, kamaghɨn ivezir kurar kɨ me danɨngamim, me a gitaghan kogham. Me uarir akurvaghsɨ asebar dɨmam. Eghtɨ aser kɨnir kaba men akuraghan kogham.

Onger Akaba 95:10

Gumazamizir kabar naviba bar saghon ikia nan gɨn zuir puvatɨ. Tuavir kɨ me bagh atɨzim, me zurara a gitavɨrasi. Kamaghɨn, kɨ 40plan azenibar gumazamizir kabar anɨngaghe.

Godɨn Araziba 21:18

Egha Moses ua kamaghɨn mɨgei, “Gumazitam otarir tam ikɨtɨ, otarir kam zurara akaba batogh amebam ko afeziamɨn akaba baragh dar gɨn mangan koghtɨ, me ivezir kuram a danɨngtɨ, a uaghan aning bareghan kogham.

Hibru 3:12

Kraisɨn adarasi, ia uari bagh deravɨra gan, ian tongɨn tav nɨghnɨzir kuratam an navir averiamɨn ikɨtɨ a nɨghnɨzir gavgavim ategh, akɨrim ragh Angamɨra Itir God gasan markɨ.

Hosea 4:8

Nan gumazamizibar arazir kuraba mati ian daghem. Kamaghɨn amizɨ, me arazir kurabar amuvɨra ikiasa ia bar ifonge.

Jeremaia 17:9

Ikiavɨra Itir God, kamaghɨn mɨgɨa ghaze, “Gumazamizibar navir averiaba arazir kurabara damuasavɨra me dɨkafi. Egha men nɨghnɨziba bar kufi. Ezɨ tina arazir kamɨn mɨngarim gɨfogham? Bar puvatɨ.

Jeremaia 5:5

Kamaghɨn amizɨ, kɨ mangɨ gumazir dapanibar gan, me ko mɨkɨmam. Me ti Ikiavɨra Itir God, men God, a me damuasa ifongezir arazibagh fo. Ezɨ kɨ fo, gumazir dapanir kaba uaghan Ikiavɨra Itir Godɨn akaba batuegha, an ifongiamɨn gɨn mangan aghua.

Aisaia 31:6

Ia Israelia, ia Ikiavɨra Itir God, deragha a barazir puvatɨgha an akaba batosi. Egh ia uan navibagh iragh uamategh a bagh izɨ.

Aisaia 1:5

Egha manmaghsua ia Godɨn akam batoghavɨra iti? Ia ti zurara mɨzaziba inian aghua, a? Israelia, ia mati gumazir me bar puv mɨsoghezim, ezɨ an mɨkarzim ikufi, egha gavgaviba puvatɨ. Ezɨ duaba bar an dapanim gizɨfa.

Onger Akaba 78:8

Me uan inazir afeziabar arazibar gɨn mangan markɨ. Men inazir afeziaba orazir puvatɨgha Godɨn akam batoke. Egha nɨghnɨzir gavgavim an itir puvatɨgha, an akaba zurara dar gɨn zuir puvatɨ.

Jeremaia 4:17

Kɨ Ikiavɨra Itir God, kɨ kamaghɨn mɨgɨa ghaze, Ia Jerusalemia nan akam batoke. Kamaghɨn, apaniba Jerusalem avɨnigham, mati gumaziba dagher azenim dɨvazimɨn mɨn an okari.

Sefanaia 3:1

O Jerusalem, nɨ ikuvigham. Nɨn gumazamizibar araziba, Ikiavɨra Itir Godɨn damazimɨn bar mɨzegha, kurigha bar ikufi. Me an akaba batogha uan adarazira, paza me gami.

Godɨn Araziba 31:27

Kɨ fo, me gumazamizir akaba batoziba. Datɨrɨghɨn, kɨ angamɨra ikiavɨra itima, me Ikiavɨra Itir Godɨn akaba batosi. Eghtɨ kɨ aremeghtɨ, nan gɨn, men arazir kurar kam ti mangɨ bar ekevegham.