Jeremaia 5:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ikiavɨra Itir God kamaghɨn ia mɨgɨa ghaze, Ia manmaghsua nan damazimɨn atiatiava agoir puvatɨ? Kɨ ongarim dɨpɨr izɨ mɨtivasa danganimɨn abaragha gɨfa, ezɨ ongarir dadarim an ongarim dɨpɨr izɨ tuivamin dɨvazimɨn mɨn ikɨ mamaghɨra ikiam. Eghtɨ ongarir ekiam pamten dɨpɨr izɨ, egh dɨvazir kam azovagh mangɨghan kogham.

Jeremaia 5:22 ပူးပေါင်းရင်းမြစ်များ

Onger Akaba 104:9

Ongarim ikiamin danganim, nɨrara an abaragha gɨfa, eghtɨ ongarim nɨ atɨzir danganir kam gitavɨraghan kogham. Gɨn ongarim ua nguazir kam bar an evaraghan kogham.

Jopɨn Akɨnafarim 26:10

An ongarim gisɨn, gumazimɨn damazim gan mangɨ gɨvaghamin mɨtaghniam, iver agharimɨn mɨn, a gighua an osiri. Mɨtaghniar kam, aruem ko dɨmagarim abɨsi.

Aghuzir Akaba 8:29

Ezɨ an Akar Gavgavimɨn ongarim mɨgɨa ghaze, Ongarim, nɨ izɨvagh mangɨ mɨtaghniar kɨ atɨzimɨn tugh, egh an ikiavkɨnan markɨ. Kɨ itima, God nguazim ikiamin danganimɨn abara.

Onger Akaba 119:120

Kɨ bizir nɨ damuasa e mɨkemezibagh nɨghnɨsi. Egha kamaghɨn, kɨ bar nɨn atiatima, nan mɨkarzim nɨghava agoi.

Godɨn Araziba 28:58

“Eghtɨ ia Akɨnafarir kamɨn itir Akar Gavgavir osiriziba, deragha dar gɨn mangan kogh, deragh Ikiavɨra Itir God, en Godɨn ziam fan koghtɨ,

Nahum 1:4

An ongarim dagarvagh an atartɨ, ongarim dakegham. Egha uaghan fanebagh ami da dati. Egh a suam, biziba ikuvigham, eghtɨ azeniba ko, grazir aghuariba mɨsɨngigh arɨmɨghiregham. Basanɨn nguazir aghuimɨn itir azeniba ko, Karmelɨn Mɨghsɨamɨn itir temeba ko, Lebanonɨn kantrin itir akɨmariba, da bar mɨdiava ariaghiri.

Jeremaia 10:7

Nɨ kantriba bar dar gumazamiziba bar me gativagha men gari, ezɨ me bar nɨn atiating nɨn apengan ikɨ nɨn ziamra fam. Ezɨ nguazir kamɨn fofozir aghuiba itir gumaziba ko atriviba, men tav nɨn mɨn amir puvatɨ.

Mak Osirizir Akar Aghuim 4:39

Ezɨ Iesus dɨkavigha akar gavgavim amɨnim ganɨga, egha kamaghɨn ongarim mɨgei, “Gua amɨragh, nɨmɨra ikɨ!” A mɨgeima, amɨnim amɨrazɨ, dɨpam pura nɨmɨra irɨghav iti.

Akar Mogomem 15:4

Ekiam nɨ uabɨra guizbangɨra God. Eghtɨ gumazamiziba bar nɨn atiating ziar ekiam nɨ danɨng. Nɨn arazir aghuiba bar azenim girɨgha gɨfa, kamaghɨn amizɨ, kantriba bar dar gumazamiziba bar izɨ nɨ bagh teviba apɨr nɨn ziam fam.”

Amos 9:6

Ikiavɨra Itir God, uan Dɨpenim uan Nguibar bar pɨn itimɨn an ingarigha, egha overiam gamizɨ, a bar pɨn ikia nguazim avara, mati dɨpenimɨn siriam anevara. Egha an ongarimɨn diazɨ, a dɨkavigha izima, ana isa nguazim gisɨn a inge. God uabɨra bizir kabagh ami, ezɨ an ziam kamakɨn, Ikiavɨra Itir God.

Onger Akaba 99:1

Ikiavɨra Itir God, an atrivimɨn iti. Kamaghɨn gumazamiziba an atiatiava agoi. A uan atrivir dabirabim enselɨn bar gavgavibar torimɨn a gapera, kamaghɨn amizɨ, nguazim agoi.

Onger Akaba 33:7

Gumazim dɨpam isa itam guruizɨ moghɨn, an ongarim isa danganir vamɨran anekufa. Egha ongarim gamizɨ a bar konegha nguazimɨn apengan itir danganimɨn vɨn mar iraghu.

Matyu 10:28

Ia gumazir namnar kɨnibav sozibar atiatingan markɨ. Me ian duabav sueghan kogham. Puvatɨ. Ia Godram atiating. A namnam ko duam uaghara aning isɨva helɨn avimɨn aning gasɨghasɨghamin gavgavim iti.

Aisaia 50:2

“Egha kɨ iza ia bagha rui gari, ezɨ manmaghɨn amizɨ gumazitam itir puvatɨ? Egha kɨ ian deir dughiamɨn, ia tizim bagha nan dɨmdiam ikarvaghan aghua? Ia ti ghaze, kɨ ua ia inian gavgaviba puvatɨ. Ia ghaze, kɨ ian akurvaghamin gavgaviba puvatɨ. Kɨ mɨkɨmtɨ, ongarim bar dakegham. Kɨ mɨkɨmtɨma, faner ekiaba bar dakegh gigir kɨnibar otivigham. Eghtɨ dar osiriba arɨmɨghiregh kuram.

Luk Osirizir Akar Aghuim 12:5

Ezɨ, ia tinarama atiatingam, kɨ ian akagham. Ia Godɨn atiating, a ian namnam gasɨghasighɨva, gɨn ia inigh helɨn avim mɨkɨnamin gavgavim iti. Ezɨ kɨ guizbangɨra ia mɨgei, ia Godɨn atiating.

Daniel 6:26

Kɨ kamaghɨn ia mɨgei, ia nan kantrin gumazamizir kɨ ativaziba, ia ziar ekiam Danielɨn God danɨng, egh Godɨn kamɨn atiating an apengan ikɨ. “Kar Godɨn Ikia Mamaghɨra Itim, egh an atrivimɨn ikɨ mamaghɨra ikiam. An Dughiar an Atrivimɨn Ikiamim ko an gavgavim gɨvaghan kogham.

Aisaia 66:5

“Ia Ikiavɨra Itir Godɨn akam baragh an apengan ikia, an akamɨn atiatia agoi darasi, ia akar kɨ datɨrɨghɨn ia mɨkɨnamim baragh! Ia an gɨntɨghasa bar gavgafi, kamaghɨn amizɨ, ian adarazi bar ia gifongezir puvatɨgha, akɨrim ragha ia gasaragha ghaze, ia men tongɨn ikian kogham. Egha me dɨbovir akabar ia mɨgɨa, kamaghɨn mɨgei, ‘Ikiavɨra Itir God uan gavgavir ekiam ko izɨ ia damutɨ, ia bar akongeghtɨ, e ganika.’ Ezɨ kɨ kamaghɨn ia mɨgei, Ia men gantɨ, me bar aghumsigham.

Jenesis 1:9

Egha gɨn God kamaghɨn mɨgei, “Dɨpar overiamɨn apengan itim sɨvagh mangɨ danganir vamɨran uabɨ akuvaghtɨ, nguazir mɨsɨngizim otogh.” Ezɨ nguazir mɨsɨngizim oto.

Jopɨn Akɨnafarim 38:8

“Dughiar ongarim nguazim abigha azenan otogha anadimɨn, tinara an tiar akam asarazɨ, a itir danganimra iti, ezɨ aperiam otozir puvatɨ? Kɨrara, kɨ bizir kam gami.

Onger Akaba 46:3

Ongarim dɨkav pamten dɨpɨrighɨrɨ mangɨ mɨghsɨabav soghtɨ, da nuighnuigham, eghtɨ e akongan kogham. (Ighiam gamua an suiam atugha avughsegha ua ighiam gami.)

Aisaia 64:2

Nɨ gumazim dazir suzibar avim atɨzɨ, dɨpam isiaghtui moghɨn, nɨ uan ziar ekiam isɨ uan apanibar akagham. Eghtɨ Kantrin Igharazibar Gumazamiziba nɨn damazimɨn atiating bar puvɨram akongam.

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

1 Atriviba 13:28

Ezɨ a tuavimɨn ghua garima akam inigha izir gumazimɨn kuam tuavimɨn irɨghav iti. Ezɨ donki ko laion an kuamɨn boroghɨn tughav iti. Laionɨn kam, an kuam apir puvatɨgha, bizitamɨn donki gamizir puvatɨ.

Jopɨn Akɨnafarim 37:24

Kamaghɨn amizɨ, gumazamiziba an atiati. Ezɨ gumazir uarira uari feba ghaze, me fofozir avɨriba iti, God gumazir kaba barazi puvatɨ.”

Jeremaia 31:35

Ikiavɨra Itir God angazangarim anɨngasa aruemɨn ingari, egha a iakɨnim ko mɨkoveziba dɨmagaribar angazangarim anɨngasa dar ingarigha, dar danganibar da arɨki. Egha an ongarim fezɨ, ongarir ekiaba dɨkava pamtemɨn dɨpɨraghira tɨngazi. An ziam kamakɨn, Ikiavɨra Itir Godɨn Gavgaviba Bar Itim. A kamaghɨn mɨkeme:

Jona 1:16

Bizir kamɨn kurimɨn ingarir gumaziba bar Ikiavɨra Itir Godɨn atiatigha, gɨn an ofa gamua akam akɨrigha, an ziam fe.