Jeremaia 5:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Kɨ Ikiavɨra Itir God, kamaghɨn Israelia ia mɨgɨa ghaze, Ia Israelia, ia oragh! Kɨ saghon itir nguibar mamɨn mɨdorozir gumaziba inigh izɨtɨ, me ia ko mɨsogham. Me fomɨra uan kantrin ikia iza datɨrɨkɨn, egha me gumazamizir bar gavgaviba. Egh ia men akar me mɨgeim mɨkɨman iburagham. Egh uaghan a gɨfoghsɨ damuva avegham.

Jeremaia 5:15 ပူးပေါင်းရင်းမြစ်များ

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Jeremaia 4:16

Ikiavɨra Itir God, gumazir kabav gɨa ghaze, Ia Kantrin Igharazibar Gumazamizibav kemegh, ‘Apaniba Judan otivigha gɨfa.’ Egh ia Jerusalemia kamaghɨn me mɨkemegh, ‘Apaniba nguibar saghon itiba ategha iza, Judan nguibaba ko mɨsosi. Me nguibar kaba avɨnigh, pamten tiariba akar, egh akar ekiamɨn gumazamizibav kɨmam.’

Aisaia 33:19

Akaba barazir puvatɨgha uarira uan ziaba fer gumazir kaba, ia ua men guatamɨn apighan kogham. Egh ia ua me uan akabar mɨgeir mɨgɨrɨgɨaba baraghan kogham, akar me mɨkɨmamim, gumazitam deragh an mɨngarim gɨfoghan kogham.

Aisaia 28:11

Bar guizbangɨra, gumazamizir kaba, nan akaba baraghan bar aghua, kamaghɨn amizɨ, Ikiavɨra Itir God uan akam nguibar igharazimɨn gumazim danightɨ, a uan nguibamɨn akamɨn mɨkɨm gumazamizir kabav kɨmam.

Aisaia 5:26

Egh Ikiavɨra Itir God kantrin bar saghon itimɨn mɨdorozir gumaziba bagh dɨmdɨar ababanitam damightɨ, me izɨ an gumazamizibagh asɨghasɨgham. Ia gan! Mɨdorozir gumazir kaba bar puvɨra ivemar akɨzɨrɨgh izam.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Jeremaia 1:15

Nɨ gan! Kɨ Ikiavɨra Itir God, kɨ datɨrɨghɨn nɨ mɨgei, nɨ deraghvɨram oragh. Kɨ datɨrɨghɨn notɨn itir kantribar atrivibar diaghtɨ, me uan mɨdorozir gumaziba ko izam. Eghtɨ atrivir kaba izɨ uan atrivir dabirabiba Jerusalemɨn tiar akabar boroghɨn dar afegham. Egh me nguibar ekiam aghuizir dɨvazir gavgaviba akararigham. Egh me uaghan Judan nguibar igharaziba kamaghɨra dar amuam.

1 Korin 14:21

Godɨn Akɨnafarimɨn aven osizirim kamaghɨn iti: “Ekiam kamaghɨn mɨgei, Gumazamiziba nguibar igharazibar akabav geir tuavimɨn, kɨ dar aven gumazamizir kabav kɨmam. Kɨ nguibar igharazibar gumazamizibar amutɨ, me me mɨkɨmtɨ, me nan akaba baraghan aghuagham.”

Esekiel 18:31

Arazir kurar ia amiba, ia bar ada atakigh. Egh nɨghnɨzir igiam ko navir igiam inigh. O Israelɨn ikɨzim, ia manmaghsuava ovengasava ami?

Jeremaia 9:26

Ia nguibar kabar gumaziba, kar Isipia, Judaba, Idomia, Amonia, Moapia ko gumazir pura gumazamiziba puvatɨzir danganimɨn ikia uan dapanir dakurir arɨzibagh isezɨ da oteveziba, gumazamizir kaba me gumazir God gɨfozir puvatɨziba. Ezɨ Israelia uaghan men arazibar gɨn zui. Israelian gumaziba uan mɨkarzir mogomer iniba aghoregha, uan navir averiabagh irazir puvatɨ. Egha me mati gumazir uan mɨkarzir mogomer iniba aghorezir puvatɨziba.”

Jeremaia 6:22

Ikiavɨra Itir God kamaghɨn mɨgei, “Ia gan! Mɨdorozir gumaziba notɨn amadaghan ikegha izasava ami. Me bar gavgavigha, bar saghon ti. Egha me mɨsoghasa mɨdorozir biziba akɨra iti.

Jeremaia 5:11

Guizbangɨra, Israelia ko Judabar gumazamiziba, me akɨrim ragha bar na gasaragha gɨfa. Kɨ Ikiavɨra Itir God, kɨ mɨkemegha gɨfa.”

Jeremaia 2:26

Ikiavɨra Itir God, ua kamaghɨn mɨgei: “Me okɨmakɨar gumazimɨn suirazɨ an aghumsɨghizɨ moghɨn, kamaghɨra ia Israelia bar aghumsigham. Ian atriviba, ko gumazir dapaniba, Godɨn ofa gamir gumaziba, akam inigha izir gumazamiziba, ko Israelian gumazamiziba bar, ia uaghan aghumsɨzim iniam.

Aisaia 29:6

Ikiavɨra Itir Godɨn Gavgaviba Bar Itim otoghɨva, arariba ko mɨkɨmkɨzim, ko nɨgɨnir bar dafam, ko amɨnir bar gavgavim, amozir bar dafam ko, avir mɨzariar bar kurar biziba bar da tueghamim sara izam.

Aisaia 29:3

Kɨ nɨn apaniba inigh izɨtɨ, me nɨ ekɨarugham. Egh me nɨ mɨsoghsɨ, nguaziba inigh nɨn dɨvazir gavgavimɨn mɨriamɨn uarigh isɨn darigh dɨvazim bar an okarigham, egh nguazir kam gisɨn dakozibar ingarigh, mɨtivigh nɨ mɨsogham.

Aisaia 5:7

Ikiavɨra Itir Godɨn Gavgaviba Bar Itimɨn wainɨn azenim, a Israelian gumazamiziba. Bar guizbangɨra, Judan gumazamiziba, an oparizir wainɨn agharir aghuir a bar ifongeziba. Me guizɨn arazir aghuibara damu ikiasa a ifonge, ezɨ puvatɨ. Me gumazibav sozi me ariaghiri. Me arazir aghuibar igharaz darazir amuasa a ifonge, ezɨ puvatɨ. Ararer kuram men danganibar otiva ghuavɨra iti.

Daniel 7:7

Egha kɨ garavɨra itima, namba 4ɨn asɨzir bar dafam oto. An guam bar igharagha gari, egha gavgavir ekiam iti. Ezɨ kɨ bar puvɨram an atiatingi. An ainɨn atarir bar ekiaba ikiava, biziba bar da apava da orovorogha dagh asɨghasɨsi. Egha gɨn mɨnezir ireziba dɨkava da mɨsaragharɨsi. Asɨzir kam 10plan komba an dapanimɨn iti. Kamaghɨn amizɨ, a 3plan asɨzir faragha otivizibar mɨn garir puvatɨ.

Jenesis 11:7

Kamagh, e ua magɨrɨ akar me mɨgeim abɨghɨrarightɨ, me uan akar mɨngaribagh foghan koghɨva uariv kɨman kogham.”

Godɨn Araziba 28:33

Egh ikɨzir igharazibar gumazamizir ia fozir puvatɨziba izɨ dagher ia puvɨra ingarava opariziba iniam. Egh me zurara pazɨ ia damu, egh mɨzaziba ia danɨngam.

Onger Akaba 81:5

God Isipia ko mɨsozir dughiam an akar kam, e Josepɨn ovavir boriba an e ganɨngi. Kɨ akar otevir kam baragha fozir puvatɨ tina a mɨgei.

Aisaia 39:3

Ezɨ Babilonɨn izezir gumaziba uamategha ghuezɨ, Godɨn akam inigha izir gumazim Aisaia, iza kamaghɨn Atrivim Hesekian azara, “Gumazir kaba manmaghɨra mɨgei? Me kantrin manamɨn gumaziba?” Ezɨ Hesekia kamaghɨn an akam ikaragha ghaze, “Me kantri Babilonɨn gumaziba, me nan ganasa saghuiamɨn ikegha ize.”

Daniel 1:4

Egh a kamaghɨn garir gumazir igiaba iniam: me guar aghuiba ikɨva, namnar aghuiba ikɨva, egh tav mɨkarzir tam ikuvighan kogh, egh fofozir avɨriba ikɨva, suren aghuibar amuva, uaghan zuamɨra fofozim inigham. Eghtɨ me atrivimɨn dɨpenimɨn ingaramin fofozim ikiam. Egh Aspenas uabɨ men sure damutɨ me Babilonɨn akam osirɨva egh a dɨponam.

Amos 6:14

Ezɨ Ikiavɨra Itir God, a Godɨn Bar Gavgaviba Itim kamaghɨn mɨgei, “Israelia, kɨ kantrin igharazibar mɨdorozir gumazitaba amadaghtɨ, me izɨ ia ko mɨsogham. Egh me notɨn amadaghan itir nguibam Hamatɨn ikegh ia gasɨghasɨgh, mangɨ sautɨn amadaghan Araban Fanemɨn tugham.”

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.