Jeremaia 5:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Guizbangɨra, akam inigha izir gumaziba akar kabar e mɨgei. Ezɨ men akar kabar mɨngariba puvatɨ, da mati amɨnim ivai. Ikiavɨra Itir God, akatam me ganɨngizir puvatɨ. Kamaghɨn, bizir manam me a mɨgei, bizir kamra ua ragh maghɨra me gasɨghasɨgham.”

Jeremaia 5:13 ပူးပေါင်းရင်းမြစ်များ

Jeremaia 14:15

Kɨ Ikiavɨra Itir God, kɨ gumazir iza nan ziamɨn akam akunizir kaba, kɨ men gun nɨ mɨgɨa ghaze, Kɨ me amangizir puvatɨ. Me ifara pura iza nan ziamɨn ghaze, ‘Mɨdoroziba ko dagheba puvatɨghamin dughiam kantrin kamɨn otivan kogham.’ Ezɨ kɨ ia mɨgei, Mɨdoroziba ko mɨtiriar arazimra, Godɨn akam inigha izir gumazir kabara bativ bar me kuavaremegh.

Jeremaia 14:13

Ezɨ kɨ an akam ikaragha ghaze, “Oio, Ikiavɨra Itir God, en Ekiam, nɨ oragh. Nɨn akam inigha izir gumazir maba akar igharagha garibar gumazamizibav gei. Me kamaghɨn nɨn akam akura ghaze, Apaniba ia mɨsueghtɨ ia arɨmɨghireghan kogham. Egh ia dagheba otevegha arɨmɨghireghan kogham. Egh Ikiavɨra Itir God deragh ia damightɨ, ia nguazir kam bar deraghvɨrama an ikiam.”

Jopɨn Akɨnafarim 8:2

“Nɨn mɨgɨrɨgɨam a kamaghɨra iti, egha derazir puvatɨgha, mati amɨnir ekiam ivai. Nɨ dazoghɨn mɨgɨrɨgɨar kam ategham?

Hosea 9:7

God pazɨ ia damuamin dughiam otogha gɨfa. Eghtɨ ia uan arazir kurar amizibar ivezir kuram iniam. Arazir kam otoghamin dughiamɨn, ia Israelia fogham, kar dughiar God ia ikarvaghamim. Ia kamaghɨn na mɨgei, “Akam inigha izir gumazir kam ongani. Gumazir Godɨn Duam itir kam, a nɨghnɨzir aghuiba puvatɨ.” Ia gumazamiziba, ian arazir kuram bar ekefe, kamaghɨn amizɨ, ia bar na gifongezir puvatɨ.

Jeremaia 28:3

Azenir pumuning ikɨvɨra ikɨtɨ, kɨ ua Ikiavɨra Itir Godɨn Dɨpenimɨn aven ingangarim damuamin bizir kaba bar ada inigham, kar bizir Nebukatnesar inigha Babilonɨn ghuziba, ezɨ kɨ ua da inigh Jerusalemɨn izam.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Jopɨn Akɨnafarim 6:26

Osɨmtɨzir kam bar na gasɨghasɨki. Kamaghɨn, nan mɨgɨrɨgɨaba derazir puvatɨ. Ezɨ ia ghaze, da amɨnimɨn mɨn pura ivai. Egha ia ghaze, ia ti na akɨrigham? Bar puvatɨ.

2 Eghaghaniba 36:16

Ezɨ gumazamiziba, akam inigha izir gumazibar akabar aghuagha dar abara me dɨpovavɨra iti, ezɨ Ikiavɨra Itir Godɨn anɨngagharim oto. Egha an anɨngagharir kam an gumazamizibar ikiavɨra iti, ezɨ me a gitavɨraghan tuaviba puvatɨ.

Aghuzir Akaba 25:14

Gumazamiziba bizir aghuim anɨngasa akam akɨrigha egha anenɨngizir puvatɨ, me mati amɨnim ko ghuariam izi, ezɨ amoziba puvatɨ.

Aisaia 41:29

Ia gan! Aser kaba da pura bizir kɨniba. Dar nedaziba mati amɨnim pura ivai. Da bizitam damuamin gavgaviba puvatɨ.”

Jeremaia 22:22

Kamaghɨn amizɨ, apaniba amɨnir gavgavimɨn mɨn izɨva, nɨn gumazir dapaniba inigh mangam. Apaniba izɨ nɨn gumazir nɨ ifuegha me ko arazir kurabagh amiba inigh mangɨtɨ, me kantrin igharazimɨn kalabusɨn ikiam. Egh dughiar kamɨn nɨ uan arazir kurar nɨ amiziba bagh, bar aghumsigham.

Jeremaia 43:2

Hosaian otarim Asaria, ko Karean otarim Johanan, ko gumazir akaba batozir maba, me kamaghɨn Jeremaia mɨgei, “Nɨ ifari. Ikiavɨra Itir God, en God, e mangɨ Isipɨn ikiasa en anogorogha, e mɨkɨmasa nɨ amadazir puvatɨ. Bar puvatɨ.