Jeremaia 49:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Dughiar kɨ arazir kurar ia amiziba bagh ivezir kuramɨn ia ikarvaghamim, kɨ anemɨsevegha gɨfa. Egh kɨ dughiar bar kuram damightɨ, a Idomia bativam. Ia Ison ovavir boriba, ia bar ikuvigham. Kamaghɨn, ia Dedanɨn gumazamiziba, ia nguibam ategh arɨ mangɨ deraghvɨra mongegh.

Jeremaia 49:8 ပူးပေါင်းရင်းမြစ်များ

Jeremaia 25:23

Egha kɨ ghua Dedanɨn gumazamiziba ko, Teman gumazamiziba ko, Busɨn gumazamiziba ko, gumazamizir uan dapanir mɨnedevir arɨzibar pɨra da oteviba, sara bar me ganɨngi.

Jeremaia 46:21

Ezɨ igharaz darazir gumaziba, Isipia uan mɨdorozir gumazibar ikiasa me givese. Egha Isipia bar deraghavɨra men gari, ezɨ me bar deraghavɨra iti, mati bulmakaun mɨkarzim saram aghungiziba. Egha apaniba otivizir dughiamɨn, gumazir kaba mɨdorozim ategha are. Ezɨ Isipɨn mɨdorozir gumaziba uaghan kamaghɨn ami. Ezɨ mɨdorozimɨn aven, dughiar bar kuram me batozɨ, me bar ikufi. Kamaghɨn amizɨ, me mɨdorozim bagha tuivigha gavgavizir puvatɨ. Ezɨ dughiar kamɨn me arazir kurar me amiziba bagha ivezir kuram isi.

Jeremaia 49:30

Ikiavɨra Itir God, kamaghɨn Hasorɨn gumazamizibav mɨgei, “Babilonɨn Atrivim Nebukatnesar, a ia gasɨghasɨghasa nɨghnigha gɨfa. Kamaghɨn amizɨ, ia ivemar saghon mangegh, deraghvɨra mongegh.”

Aisaia 21:13

Arebia bar ikuvighasa, Ekiam akar kam anɨngi. Ia Dedanian gumaziba, ia kamelɨn bɨzibagh apiagha, danganir dɨpaba puvatɨzibagh aruava, bizibagh iveza da amadi. Egh ia arɨ mangɨ Arebian ruarimɨn danganir dɨpaba puvatɨzimɨn muegham.

Akar Mogomem 6:15

Ezɨ nguazimɨn atriviba ko gumazamizir ziaba itiba ko mɨdorozir gumazir dapaniba ko dagɨaba itir gumazamiziba ko gumazamizir gavgaviba ko pura ingangarir gumazamizir kɨniba ko gumazamizir fɨriaghɨreziba, me bar moghɨra ghua marazi dagɨar toribar aven mongezɨ marazi mɨghsɨabar itir dagɨar ekiabar gɨrakɨrangɨn monge.

Jeremaia 50:27

Mati gumaziba bulmakaubav sozi moghɨn, ia Babilonɨn mɨdorozir gumazir gavgaviba bar me mɨsoghɨrarɨkigh. Ikiavɨra Itir God me gasɨghasɨghamin dughiam an otivasa, kamaghɨn amizɨ, me bar moghɨra ikuvigham.

Jeremaia 49:32

Ia men kamelba ko men bulmakauba ko sipsipba inigh. Gumazir pura gumazamiziba puvatɨzir danganimɨn ikia, egha uan dapanir dakurir arɨzibagh isiba, kɨ me batueghtɨ me tintinibar mangegham. Kɨ Ikiavɨra Itir God, kɨ apaniba ia damightɨ, ia tintinibar danganiba bar dar otivightɨ, Hasor bar dughiar kuram batogham.

Jeremaia 48:44

Eghtɨ gumazitam atiatim gumazamizibagh anɨdir bizibar, arɨ mangam, a mozir ekiamɨn magɨram. Egh a mozim ategh anangɨva otoghtɨ, ivem an suiragham. Kɨ Ikiavɨra Itir God, kɨ guizbangɨra mɨgei: Kɨ Moapia gasɨghasɨghasa dughiar kam amɨsefe, ezɨ kɨ me gasɨghasɨghasava ami.

Jeremaia 48:28

“Ia Moapia, ia uan nguibaba ategh mangɨ dagɨabar tongɨn mongegh. Ia kuaraziba danganir kurabagh isɨn mɨkonibar ingari moghɨn damu.

Jeremaia 48:6

Me kamaghɨn mɨgei: Ia zuamɨram aregh. Puvatɨghtɨ ia ikuvigham. Ia asɨzir atiabar mɨn mangɨ gumazamiziba puvatɨzir danganimɨn mongegh.

Jeremaia 6:1

Ia Benjaminɨn anabamɨn adarasi, ia Jerusalem ategh arɨ mangɨ. Puvatɨghtɨ, ia bar ikuvigham. Ia Tekoan nguibamɨn aven sɨghabagh ivi mangɨ, Bet Hakeremɨn nguibamɨn avim atɨghtɨ an mɨgharim mavanangam, eghtɨ gumazamiziba an ganigh fogh arɨ mangam. Bizir kurar ia gasɨghasɨghamim notɨn amadaghan dɨkavigha, bar roghɨra izi.

Aisaia 2:21

Dughiar kamɨn, Ikiavɨra Itir God, uan anɨngagharim ko angazangarir gavgavim sara gumazamizibar araziba tuisɨghsɨ izam. Eghtɨ gumazamiziba atiatigh ivezir kuram gitaghsɨ, arɨ mɨghsɨar ekiabar ghuavanegh mozir torir kuiziba ko dagɨar toribar aven mongegh ikiam.

1 Samuel 13:6

Filistiaba ko Israelia uariv sosi. Ezɨ Filistiaba bar pamtemɨn mɨsozima, Israelia uarir gari me mɨdorozim gafiraghan kogham. Kamaghɨn amizɨma, Israelian marazi ghua nguazir toribar aven ghue, ezɨ marazi benir epariabar aven monge, ezɨ marazi mɨghsɨamɨn dagɨar toribar aven monge, ezɨ marazi dagɨar ekiabar tizibar monge, ezɨ marazi mozir dɨpabar aven, dar akɨribar monge.

Gumazir Dapaniba 6:2

Guizbangɨra, Midianian adarazir gavgavim bar Israelian gavgavim gafira, kamaghɨn, Israelia Midianian adarazir arava dagɨar toribar moga, uaghan danganir gavgavir aghuir mabar modi.

Aisaia 34:5

Ikiavɨra Itir God kamaghɨn mɨgei: “Nan anɨngagharim, a mɨdorozir sabamɨn mɨn iti, egh mɨdorozir sabar kam pɨn ikegh, ivezir kuram anɨngamin ingangarim agɨvagh, egh overiam ategh magɨrɨ, Idomia bagh izɨ ivezir kuram me danɨngɨva me mɨsoghtɨ me arɨmɨghiram. Kar kɨ asɨghasɨghasa mɨkemegha gɨvazir darasi.”

Esekiel 25:13

Kamaghɨn amizɨ, kɨ Ikiavɨra Itir Godɨn Ekiam, kɨ kamaghɨn mɨgɨa ghaze: Kɨ datɨrɨghɨn uan agharir gavgavim isɨ Idomɨn kantrin amadagh, a gasɨghasɨgham. Egh Temanɨn nguibamɨn ikegh mɨdorozir sabamɨn gumazamiziba ko asɨzibav soghɨrarɨgh mangɨ Dedanɨn nguibamɨn tugham. Eghtɨ Idomɨn kantri pura ikiam.

Malakai 1:3

Iso uan ovavir boriba ko, me Idomia me garɨsi, ezɨ kɨ me gifongezir puvatɨ. Kamaghɨn amizɨ, kɨ Ison danganir mɨghsɨam gasɨghasigha gɨfa, egha an nguazim gamizɨma, an afiar atiabar nguibamɨn oto.”

Malakai 1:4

Eghtɨ Idomia kamaghɨn mɨkɨm suam, “En nguibar ekiaba ikuvigha gɨfa, ezɨ e uam adar ingaram,” eghtɨ Ikiavɨra Itir Godɨn Gavgaviba Bar Itim men akam ikaragh mɨkɨm suam, “Ia uam adar ingartɨ, kɨ da apɨrarightɨ da ua bar ikuvigham. Eghtɨ gumazamizir igharaziba, me Idomia ia mɨkɨm suam, ‘Me gumazamizir kuraba,’ egha ‘Me gumazamizir, Ikiavɨra Itir God zuraram atariba.’ ”