Jeremaia 49:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ia oragh. Kɨ Ikiavɨra Itir Godɨn Gavgaviba Bar itim, kɨ ian Ekiam, kɨ guizbangɨra mɨgei, kɨ nɨn boroghɨn itir darazi bar me feghtɨ, me izɨ nɨ damutɨ, nɨ bar atiatigham. Eghtɨ me ia batueghtɨ, ia arɨ tintinibar danganibar mangegham. Eghtɨ ua ia geghuv ia akuvamin gumaziba puvatɨgham.

Jeremaia 49:5 ပူးပေါင်းရင်းမြစ်များ

Jeremaia 49:29

Egh men purirpeniba ko sipsipba ko, purirpenibar iniba ko, men bizir maba saram ater mangɨ. Egh uaghan men kamelba inigh mangɨ. Egh kamaghɨn men dɨm: Bizir ia damutɨ ia atiatingamim, a bar danganibar iti.”

Jeremaia 46:5

Ezɨ datɨrɨghɨn manmaghɨn ami? Kɨ Ikiavɨra Itir God, kɨ Isipian garima, me bar puvɨram atiatigha ara uamategha ize. Apaniba men mɨdorozir gumazir gavgaviba dɨkabɨra, ezɨ Isipia mɨdorozim ategha zuamɨra ua ize. Me atiatir biziba da tintinibar iti. Kamaghɨn me ua ikɨgha gɨrakɨrangɨn garir puvatɨ.

Amos 4:3

Apaniba ia inigh nguibar ekiamɨn dɨvazim akaraghirezɨ naghɨn mangɨ azenan otogham, egh ia isɨ Harmonɨn danganir bizir kuraba akurimɨn, ia akunightɨ, ia magɨregham. Kɨ Ikiavɨra Itir God, kɨ kamaghɨn mɨkemegha gɨfa.”

Jeremaia 20:4

Egha Ikiavɨra Itir God kamaghɨn akam nɨn iti, ‘Kɨ bizir kuram damightɨ a nɨ ko nɨn roroabar amightɨ ia bar atiatingam. Egh nɨ gantɨ apaniba mɨdorozir sabamɨn nɨn roroabav soghtɨ me bar arɨmighiram. Egh kɨ Judaba bar me isɨ Babilonɨn atrivimɨn agharim datɨghtɨ, a taraziv sueghtɨ me arɨmɨghireghtɨ, a tarazi me inigh mangɨ Babilonɨn pura ingangarir gumazir kɨnibar mɨn me arigham.

Jeremaia 15:8

Eghtɨ men mɨdorozir gumazir ariaghirezibar amuir odiaribar dɨbobonim nan damazimɨn bar ghuanabogh, ongarir gigimɨn dɨbobonim gafiragham. Kɨ aruer arɨzimɨn apaniba amadazɨ, me iza, men mɨdorozir gumazir igiabav soghezɨ me ariaghire. Ezɨ bizir kam gumazir igiar kabar amebabagh amizɨ, me dɨgavir kuram gamigha, osɨmtɨzir ekiamɨn ikia bar atiatingi.

Aisaia 16:3

Ezɨ, e kamaghsua, ia en akaba tuisɨghɨva, kotɨn aven guizɨn arazimɨn gɨn mangɨ en akuragh. E kamaghɨn ifonge, ia en danganir mogomemɨn mɨn otogh. E mati gumaziba temer ekiamɨn apengan mangɨ aruer dafamɨn mɨzazimɨn uari muegh, an orangtɨzimɨn ikiam moghɨn, e izɨ ian kantri uari mongam. En apaniba en nguibabar en agɨrazɨma, e datɨrɨghɨn pura guighav iti. Kamaghɨn, ia ua e isɨ, apanibar agharim datɨghtɨ, me izɨ pazɨ e damuan markɨ.

Aghuzir Akaba 28:1

Gumazir arazir kurabagh amiba puram atiatia aragharui. Ezɨ gumazir aghuiba laionbar mɨn tuiva gavgavigha atiatir puvatɨ.

Jopɨn Akɨnafarim 15:21

Me nɨgɨniba barazir dughiabar, me bar puvɨram atiati. Me ghaze, bizir kurar me gasɨghasɨghamim izi. Egh me suam, osɨmtɨziba puvatɨ, dughiar kamɨn apaniba izɨ, men bizibagh asɨghasɨgh men biziba okɨmam.

2 Atriviba 19:7

Ia oragh. Kɨ uan Duamɨn gavgavimɨn, Asirian atrivim damightɨ an okam nɨghnɨgham. A mɨgɨrɨgɨar kɨnim baregh pura uamategh arɨ uan kantrin mangɨgham. An Asirian kantrin ikɨvɨra ikɨtɨ, kɨ gumazitabar amightɨ, me a mɨsueghtɨ an aremegham.’ ”

Josua 2:9

Egha kamaghɨn aning mɨgei, “Kɨ fo, Ikiavɨra Itir God, kantrin kam isa Israelia ian agharim gatɨ. Ezɨ kɨ guizbangɨra gua mɨgei, atiatir bar ekiam en itima, agorogem e mɨsozima, aghariba en amɨra.

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Jeremaia 6:25

Apaniba me bar gumazir kuraba, egha danganiba bar adar iti. Egha mɨsoghasavɨra gara itima e atiatingi. Kamaghɨn amizɨ, e tuaviba ko azenibar aruan kogham.”