Jeremaia 49:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ “O Amon, nɨ fo, nɨn danganir zariba bar dera, ezɨ nɨ zurara uabɨ fa, dagher danganir kamɨn otiviba bagha mɨgɨa, egha bar akonge. Nɨ akaba batozir guivimɨn mɨn iti, nɨ manmaghsua akar kabav gei? Nɨ uan dagɨaba ko bizibagh nɨghnɨgha, ghaze, ‘Tina izɨ na mɨsogham?’

Jeremaia 49:4 ပူးပေါင်းရင်းမြစ်များ

1 Timoti 6:17

Gumazamizir dagɨar avɨriba ikia nguazir kamɨn itiba, nɨ kamaghɨn me mɨkɨm, me uari uan ziaba fan markɨ. Egh me uan bizir pura ikuviba nɨghnɨzir gavgavim dar ikian markɨ. Me guizbangɨra nɨghnɨzir gavgavim Godra ikɨ. An e damutɨ, e bar akongeghasa, a bizir aghuir avɨriba e ganɨdi.

Jeremaia 21:13

“O Jerusalem, kɨ Ikiavɨra Itir God, kɨ guizbangɨra nɨ mɨgei. Nɨ oragh! Nɨ bar pɨn mar aperaghav ikia danganir zarir vɨn itibar gari. Nɨ mati dagɨar bar pɨn itim. Nɨ ghaze, ‘Tina izɨ e mɨsogham? Tinara izɨva en nguibar e aven modimɨn aven izam?’ Ezɨ puvatɨ.

Jeremaia 9:23

Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Jeremaia 48:7

“Moap, nɨ ingarizir biziba ko, dagɨaba bagha pamtemɨn nɨghnɨgha ghaze: Bizir kaba nɨn akuraghtɨ nɨ deraghvɨra ikiam. Ezɨ nɨn nɨghnɨzir kam derazir puvatɨ. Kamaghɨn amizɨ, nɨn apaniba mɨdorozimɨn nɨ dɨkabɨragham. Egh me nɨn aser kam Kemos inigh mangɨ kantrin igharazimɨn kalabus datɨgham. Egh me uaghan Kemosɨn ofa gamir gumaziba ko, an ingangarir gumazibar dapaniba sara iniam.

Jeremaia 3:14

“Kɨ Ikiavɨra Itir God, kɨ kamaghɨn mɨgɨa ghaze, Ia gumazamizir akɨrim ragha na gasaraziba, kɨrara ian Ekiam, ezɨ ia nan boribara. Kɨ vaghvagh ian nguibaba ko ikɨzibar aven, ian tarazi inigh ua uan mɨghsɨam Saionɨn izam. Kamaghɨn amizɨ, ia uamategh na bagh izɨ.

Onger Akaba 62:10

Ia mɨdorozir arazim ko okɨmakɨar arazim kamaghɨn aning gɨnɨghnɨghan markɨ, “Aning dera, aning e damightɨ e dagɨar avɨriba ikiam.” Ian dagɨaba ko ian biziba bar avɨrasemeghtɨ, ia kamaghɨn mɨkɨman markɨ, “Bizir kaba darara en gavgaviba.”

Onger Akaba 52:7

“Ia gumazir kamɨn gan! Gumazir kam God a geghuv egh deragh an ganan an aghua. A uan dagɨaba ko bizir avɨribagh nɨghnɨgha ghaze, an arazir kuraba an akuraghtɨ a deragh ikiam.”

Onger Akaba 49:6

Gumazir bizir avɨriba itir kaba, me uan bizibagh nɨghnɨgha uari uan ziaba fa mɨgɨrɨgɨabagh ami. Ezɨ kɨ men atiatir puvatɨ.

Akar Mogomem 18:7

A uabɨra kamagh uabɨn mɨgɨa ghaze, ‘Kɨ atrivir amizim, egha atrivir dabirabim gaperaghav iti. Kɨ amizir odiarimɨn mɨn itir puvatɨ, eghtɨ osɨmtɨziba na bativan koghtɨ, kɨ azian kogham!’ A uabɨ uan ziar gavgavim fa egha arazir mɨzɨrɨzir avɨribagh amua, egha arazir kurar igharaziba saram ami. Kamaghɨn amizɨ, ia mɨzazir kurar ekiam ko osɨmtɨzir bar ekiam a danɨngigh, mangɨ an amir arazibar ikegh mangɨ tuzɨ naghɨram, a danɨng.

Hosea 4:16

Israelian dapaniba bar gavgafi, mati bulmakaun amebar igiar akaba batoziba. Me ghaze, Ikiavɨra Itir God me geghuvam, mati sipsipbagh eghuvir gumazim uan sipsipɨn nguzibagh eghufi. Kɨ garima, me puv akaba batosi, eghtɨ kɨ manmaghɨn me geghuvam? Ti puvatɨgham!

Jeremaia 49:16

Nɨ ifaghata ghaze, nɨ kantrin igharazibagh amima me puvɨram atiati. Egha nɨ ti ghaze, nɨ bar dera. Puvatɨ, nɨ uabɨ fer nɨghnɨzimra nɨ gifari. Dagɨar gavgavir ekiaba ian nguibar ekiam, dɨvazimɨn mɨn avɨnizɨma, ia mɨghsɨamɨn bar pɨn mar iti. Nɨ uan nguibam kuarazir isaba uan mɨkonibar ingarir danganibar an ingari. Eghtɨ kɨ nɨ gekuightɨ nɨ izighiram. Kɨ Ikiavɨra Itir God, kar nan akam.”

Jeremaia 7:24

Ezɨ ian inazir afeziaba nan akam baraghan aghua. Men naviba arazir kurabar amuasavɨra nɨghnɨgha, uan ifongiabar gɨn ghua akɨrim ragha na gasaragha, uamategha bar saghon ghuavɨra iti.

Aghuzir Akaba 10:15

Gumazamizir dagɨar avɨriba itiba, men dagɨar avɨriba me geghuva men garima, me deraghvɨra iti, mati nguibamɨn dɨvazir gavgavim anekɨaruzɨ an gumazamiziba deravɨra iti. Ezɨ onganarazibagh amir gumazamiziba biziba puvatɨ, kamaghɨn me ikuvigham.

Jeremaia 31:22

Ia mati nan guivim, egha ia akɨrim na gasara. Ia manadɨzoghɨn navir pumuning itir arazim ategham, egh ua na bagh izam? Kɨ Ikiavɨra Itir God, kɨ arazir igiam atɨzɨ a nguazir kamɨn oto. Arazir kam kamakɨn: Mati amizim ua uan pam gifuegha, an ikiasa an azangsɨsi.”