Jeremaia 49:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Kɨ Ikiavɨra Itir Godɨn Gavgaviba Bar Itim, kɨ guizbangɨra mɨgei: Dughiar kamɨn apaniba Damaskusɨn gumazir igiabav sueghtɨ, me arɨghirɨva, tintinibar uari akuvir danganibar irɨv ikiam. Eghtɨ apaniba bar moghɨra Damaskusɨn mɨdorozir gumazibav sueghtɨ, me arɨghiregham.

Jeremaia 49:26 ပူးပေါင်းရင်းမြစ်များ

Jeremaia 50:30

Kɨ Ikiavɨra Itir God, kɨ guizbangɨra mɨgei, Dughiar kamɨn ia apaniba, Babilonian gumazir igiabav soghɨrarɨgham, eghtɨ me danganir uari akuvibar tintinibar irɨv ikiam. Egh ia Babilonɨn mɨdorozir gumazibav soghtɨ me arɨghiram.

Amos 4:10

“Kɨ faragha Isipia bagha arɨmariar mam amadazɨ moghɨn, kɨ datɨrɨghɨn ian marazigh asɨghasɨghasa arɨmariar mam ia bagh anemada. Mɨdorozir dughiamɨn, kɨ apanibar amamangatɨzɨ, me ian gumazir igiabav soghezɨ me ariaghire. Kɨ ian apanibar amamangatɨzɨ, me ian hoziaba okeme. Gumazir ariaghirezibar kuaba, kɨ dagh amizɨ, dar mughuriar kuraba ian fetoribar aven zui. Kɨ bizir kabagh amizɨ, ia tong uan navibagh iraghasa nɨghnɨzir pu. Bar puvatɨ. Kɨ Ikiavɨra Itir God, kɨ kamaghɨn mɨkeme.”

Jeremaia 11:22

“Kɨ Ikiavɨra Itir Godɨn Gavgaviba Bar Itim, kɨ guizbangɨra mɨgei: Kɨ Anatotɨn gumazamiziba pazɨvɨra me damighɨva, ivezir kuram me danɨngam. Kɨ me mɨsoghsɨ apaniba amadaghtɨ me izɨ men gumazir igiabav sueghtɨ me arɨmɨghiregham. Eghtɨ dughiar kamɨn, Anatotɨn gumazamiziba dagheba puvatɨghtɨ, men otariba ko guiviba arɨmighiram.

Esekiel 27:27

Ezɨ nɨn dagɨaba ko, dagɨaba bagha amadir bizir aghuiba ko, kurkazir biziba ko, kurimɨn suirazir gumaziba ko, nɨn ingangarir gumaziba ko, nɨn kurimɨn ingarir gumaziba ko, nɨn biziba amadir gumaziba ko, nɨn mɨdorozir gumaziba ko, kurimɨn aruir gumaziba, me bar kurimɨn itima, kurim ikuvizɨma, me bar ongarir torimɨn ovenge.

Jeremaia 9:21

“Ovevem e batogha gɨfa. A en dɨpenir gavgaviba ko danganir mogomoebar aven izegha gɨfa. Boriba ikarara tuavibar itima ovevem me batifi. Egha uari akuvir danganibar gumazir igiaba batifi.”