Jeremaia 49:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ia gan! Apaniba Bosran nguibam gasɨghasɨghasa puvɨra izi, mati isam mɨghegha pɨn ghuavanabogha, tuigha izaghira asɨzim iniasa avɨziba one. Eghtɨ dughiar kamɨn, Idomɨn mɨdorozir gumaziba atiatigh okam nɨghnɨgham, mati amiziba boriba batasa mɨzaziba barasi.”

Jeremaia 49:22 ပူးပေါင်းရင်းမြစ်များ

Hosea 8:1

Egha Ikiavɨra Itir God kamaghɨn mɨgei: “Ia mɨdorozim damusɨ sɨgham givi. Apaniba atamra izɨ nan Dɨpenim mɨsoghasava ami, mati kuarazir isam asɨzim iniasa zuamɨra mɨghegha nguazimɨn izaghiri. Guizbangɨra, nan gumazamiziba Akar Dɨkɨrɨzir Gavgavir kɨ me ko amizim abɨki, egha nan akam batoke.

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Jeremaia 49:24

Damaskusɨn gumazamiziba ua gavgaviba puvatɨ. Me mati amizir mam arasa atiatim a gamima an aran ibura. Me mɨzazir ekiam ko osɨmtɨzim iti, mati amizim borim batasa mɨzazim isi.

Jeremaia 30:6

Manmaghɨn ami? Gumaziba ti boriba bati, a? Puvatɨgham. Ezɨ manmaghsua, kɨ gumazibar garima, me vaghvagha dafariba isa uan navibagh arɨki, mati amizim borim batasa mɨzazir ekiam isi moghɨn arai. Manmaghsua, men guaba igharagha otivigha gari, mati gumazim bar puvɨram atiati.

Jeremaia 6:24

Ezɨ Jerusalemia kamaghɨn mɨgei: “E apanir kam, an eghaghanim baregha gɨfa. Egha e men atiatia agharapaniba bar en amia. E nɨghnɨghava avenge, en ararem mati, amizim borim batasa mɨzazir ekiam isava arai.

Jeremaia 4:13

Ezɨ kɨ Jeremaia, kɨ Ikiavɨra Itir Godɨn akamɨn, kamaghɨn gumazamizibav gei, “Ia gan! Apaniba ghuariar pɨzimɨn mɨn pɨghatome, men mɨdorozir gumazibar karisba, mati amɨnir bizibagh asɨghasɨzim pamten iza tɨngagha nɨdi, ezɨ men hoziaba mati kuarazir bagabar mɨn akɨzɨrɨgha bar puvɨra izi. Evzika! E datɨrɨghɨn bar ikuvigha gɨfa.

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Daniel 7:4

Ezɨ farazim laionɨn mɨn gara, avɨzimning ikia taragiar ekiamɨn mɨn gari. Kɨ garavɨra itima me an avɨzimning asigha an suemning asarazɨ a gumazim mɨn tughav iti. Ezɨ me gumazibar nɨghnɨzim a ganɨngi.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 13:21

Eghtɨ gumazir nɨ namakabagh amigha akurvaghiziba, me izɨ nɨ dɨkabɨragh nɨ gativam. Eghtɨ nɨ manmaghɨn me mɨkɨmam? Nɨ amizim otasa mɨzazim isi moghɨn, nɨ ti mɨzazir bar kuram baragham.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Aisaia 26:17

O Ikiavɨra Itir God, e mati amizim borim batasa mɨzazim isa pamtemɨn arai moghɨn, e nɨn damazimɨn mɨzazim isi.

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Onger Akaba 18:5

Ovevem bar na inizɨ kɨ Gumazamizir Oveaghuezibar Nguibamɨn magɨrasava ami. Mati me nan suighasa azuazim agurazɨ, a nan suighasa iti.

Aghuzir Akaba 30:19

Kar, kuarazir isam pɨn mɨghagha aruir arazim, ko kuruzim dagɨam gisɨn rozir arazim, ko kurim ongarim gisɨn aruir arazim, ko gumazim amizir igiam gifongezir arazim.

Aisaia 11:14

Aning uaning inigh mangɨ aruem uaghiri naghɨn itir Filistiaba ko mɨsogham. Egh aning mɨsoghɨva aruem anadi naghɨn itir gumazamizibar bizir aghuiba iniam. Aning kantri Idom ko Moap ko, Amonɨn gumazamiziba dɨkabɨragh, kantrin kaba gativaghtɨ, me men apengan ikiam.

Jeremaia 50:36

Babilonɨn akam inigha izir gumazir ifavariba ikuvigh, gumazir onganibar mɨn otivigham. Babilonɨn mɨdorozir gumaziba ikuvigham, egh me bar atiatigham.

Obadia 1:9

Ia Temanɨn nguibamɨn gumazir mɨdorozir fofozim itiba, ia bar atiatigham. Eghtɨ mɨghsɨabar pɨn itir Ison ovaviba, kɨ bar me mɨsueghtɨ me arɨmɨghiregham.”

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.