Jeremaia 49:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Kɨ zuamɨra Idomian nguazimɨn me batuegham, mati laionba sipsipbagh ami mokɨn. Laion Jordanɨn Fanemɨn boroghɨn itir ruarir pɨzimɨn ikegha otogha ghua, sipsipba graziba apa itir danganir aghuimɨn men gɨntɨki. Ezɨ kɨ gumazitam amɨseveghtɨ, a nguazir kam gativagh an ganam. Kɨ kamaghɨn damuamin dughiamɨn, gumazir manam na ko ga akamɨn uaning mɨsogham? Ezɨ tina nan mɨn gavgavir kam iti? Eghtɨ gumazir sipsipbar garir manam na ko apanim damuam? Bar puvatɨgham.

Jeremaia 49:19 ပူးပေါင်းရင်းမြစ်များ

Jeremaia 12:5

Ezɨ Ikiavɨra Itir God na ikaragha ghaze: “Jeremaia, osɨmtɨzir nɨ datɨrɨghɨn isir kam, a gɨn otivamin osɨmtɨzim mɨn garir puvatɨ. Nɨ gumaziba ko ia tuavimɨn ivemar, nɨ me gitavɨraghsɨ damuva avegham, nɨ avɨghaghegham, egh nɨ manmaghɨn hoziaba ko ivemaram? Nɨ nɨmɨra uan kantrin aven danganir azentuzimra deragh ikɨ, nɨ manmaghɨn mangɨ Jordanɨn Fanemɨn boroghɨn itir ruarir averiamɨn ikiam?

Jeremaia 30:21

Eghtɨ men gumazitam uabɨ men gumazir dapanir ekiamɨn otogh, me gativagh men ganam. Kɨ uabɨ gumazir kamɨn aku uabɨn boroghɨra izam. Guizbangɨra, gumaziba uan ifongiabar gɨn ghua nan boroghɨra izir puvatɨ. Kɨ Ikiavɨra Itir God, kɨ kamaghɨn mɨkemegha gɨfa.

Jopɨn Akɨnafarim 41:10

Tinara an navim giniv, a ko mɨsogh anebɨragham? Gumazir kamaghɨn amitam itir puvatɨ. Ezɨ kamaghɨn tina na ko mɨsogh na abɨragham? Ti puvatɨgham.

Jopɨn Akɨnafarim 9:19

An gavgavimɨn ababanim, nan gavgavim bar a gafira. Egh kɨ kotɨn akam akɨrsɨ nɨghnɨghtɨ, tinara a inigh kotɨn izam? Puvatɨgham.

Josua 3:15

Dughiar kam, me dagher igiaba asir dughiam, ezɨ Jordanɨn Fanem aperiar bar ekiaba otifi. Ezɨ ofa gamir gumaziba ghua faner mɨriamɨn otivigha, uan dagariba isa dɨpam gaghui.

Ua Me Ini 15:11

O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ. Nɨ atrivir ekiam, egha arazir aghuibaram ami. Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ. Nɨrara dɨgavir kuram gamir arazibagh ami, egha ingangarir ekiabagh ami.

Akar Mogomem 6:17

E fo, aningɨn anɨngagharimɨn dughiar ekiam datɨrɨghɨn otozɨ aning gumazamizibar arazir kuraba ikarvaghasa. Eghtɨ gumazitam aningɨn anɨngagharim iriagh, angamɨra ikian kogham!”

Sekaraia 11:3

Atrivibar gavgaviba ko, men ziar ekiaba gɨfa, kamaghɨn amizɨ, men naviba bar osemezɨ, me azi. Ia oragh, atriviba pamtemɨn arava azi. Me mati laionba Jordanɨn Faner mɨriamɨn moga itir ruarir ekiam, me an temer ekiaba okava, a gasɨghasɨghizɨma da aroi.

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”

Aisaia 40:25

Ezɨ Godɨn Bar Zuezim azaragha ghaze, “Tinara nan mɨn gari? Guizbangɨra, gumazitam na ko magh gari puvatɨ.”

Onger Akaba 143:2

Gumazitam bar zuegha nɨn damazimɨn itir puvatɨ. Kamaghɨn, nɨ uan ingangarir gumazim isi kotiam datɨgh a tuisɨghan markɨ.

Onger Akaba 89:8

O Ikiavɨra Itir Godɨn Gavgaviba Bar Itim. Gumazitam bar gavgavigha nɨn mɨn itir puvatɨ. O Ikiavɨra Itir God, nɨ zurara deraghavɨra e gami, egha dughiatamɨn e ataghɨrazir puvatɨ.

Onger Akaba 89:6

O Ikiavɨra Itir God, nɨn Nguibamɨn aven, tav nɨn mɨn itir puvatɨ. Nɨn nguibamɨn enseltam nɨ ko magh ghuzir puvatɨ.

Onger Akaba 76:7

O God, nɨ men ataran bighangɨn, tinara nɨn damazimɨn tuivam? Bar puvatɨ. Gumazamiziba bar puvɨra nɨn atiati.

Jopɨn Akɨnafarim 9:21

Guizbangɨra, kɨ bizitam pazava a gamizir puvatɨ. Egha kɨ nɨghnɨsi, kɨ pura bizir kɨnim, egha uan ikɨrɨmɨrir kam kɨ bar an aghua.

1 Eghaghaniba 12:15

Azenir mamɨn, an iakɨnir faragha zuimɨn, mɨdorozir gumazir kabara, Jordanɨn Fanemɨn aperiar ekiam abigha vongɨn ghue. Dughiar kamɨn, me aruem anadi naghɨn ko aruem uaghiri naghɨn gumazamizir danganir zarimɨn boroghɨn itibav sogha men gɨntɨsi. Ezɨ gumazamiziba tintinibar are.

Dɨboboniba 16:5

Egha a dɨkavigha Kora ko an gɨn zuir adaraziv gɨa ghaze, “Gurum mɨzaraghara, Ikiavɨra Itir God, en akagham, Gumazir manaba, an gumazibara, egha guizbangɨra a baghavɨra iti. Egh gumazir kabar amamangatɨghtɨ, me a bagh izɨ an ingangarim damuam.

Aisaia 46:9

Egha kɨ fomɨram amizir biziba, ia ua dagh nɨghnɨgh. Kɨ uabɨra kɨ God, ezɨ ua godɨn tam ua itir puvatɨ. Kɨ uabɨra kɨ God, ezɨ ua godɨn tam nan mɨn itir puvatɨ.

2 Eghaghaniba 20:6

“O Ikiavɨra Itir God, nɨ en inazir afeziabar God, nɨ uan Nguibamɨn ikiava, nguazimɨn ikɨziba bar me gativagha men gari. Nɨ gavgavir bar ekiam iti. Eghtɨ gumazitam nɨ mɨsogh nɨ abɨraghan kogham.

Onger Akaba 76:8

Nɨ uan Nguibamɨn ikia gumazamiziba isa uan kotiam gatɨ. Nɨ dughiar kamɨn tugha kotiamɨn gun me mɨgei. Egha nɨ iza gumazamizir igharaz darazi paza me gamiba, nɨ men akurvasi. Gumazamiziba bar atiatigha mɨkɨman asa. Me pura uan akabar kumigha iti. (Ighiam gamua an suiam atugha avughsegha ua ighiam gami.)

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Daniel 7:4

Ezɨ farazim laionɨn mɨn gara, avɨzimning ikia taragiar ekiamɨn mɨn gari. Kɨ garavɨra itima me an avɨzimning asigha an suemning asarazɨ a gumazim mɨn tughav iti. Ezɨ me gumazibar nɨghnɨzim a ganɨngi.