Jeremaia 49:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Nɨ ifaghata ghaze, nɨ kantrin igharazibagh amima me puvɨram atiati. Egha nɨ ti ghaze, nɨ bar dera. Puvatɨ, nɨ uabɨ fer nɨghnɨzimra nɨ gifari. Dagɨar gavgavir ekiaba ian nguibar ekiam, dɨvazimɨn mɨn avɨnizɨma, ia mɨghsɨamɨn bar pɨn mar iti. Nɨ uan nguibam kuarazir isaba uan mɨkonibar ingarir danganibar an ingari. Eghtɨ kɨ nɨ gekuightɨ nɨ izighiram. Kɨ Ikiavɨra Itir God, kar nan akam.”

Jeremaia 49:16 ပူးပေါင်းရင်းမြစ်များ

Amos 9:2

“Egh me nan arɨ mangɨsɨ, uari bagh mozibagh ku magɨrɨ Gumazamizir Oveaghuezibar Nguibamɨn ikiam, eghtɨ kɨ uaghan magɨrɨ men suigham. Me pɨn overiamɨn ghuavanaboghtɨ, kɨ uamategh me gekuigh izighiram.

Aisaia 49:25

Ezɨ Ikiavɨra Itir God kamaghɨn Jerusalem mɨgei, “Kɨ guizbangɨra nɨn adarazi ko nɨn bizir aghuiba, apanir gavgaviba ko atrivir kuraba dam ada iniam. Nɨ mɨsozir gumaziba, kɨ nɨ bagh men mɨdoroziba ikarvagham, egh nɨn boribar akuragh ua me inigham.

Jopɨn Akɨnafarim 39:27

Kuarazir bagaba ti nɨ mɨzuai, nɨ dav kemeghtɨ, da mɨghsɨabar mavanang pɨn uan mɨkonibar ingaram?

Aghuzir Akaba 29:23

Gumazim ifaghata uabɨra uan ziam fe, me an ziam dɨkabɨragham. Eghtɨ gumazim uabɨ uan ziam dɨkabɨraghtɨ, me an ziam fam.

Aghuzir Akaba 16:18

Ifaghatir arazim ko uabɨra uan ziam fer arazim, aning nɨ damightɨ nɨ irɨgh bar ikuvigham.

Aisaia 2:21

Dughiar kamɨn, Ikiavɨra Itir God, uan anɨngagharim ko angazangarir gavgavim sara gumazamizibar araziba tuisɨghsɨ izam. Eghtɨ gumazamiziba atiatigh ivezir kuram gitaghsɨ, arɨ mɨghsɨar ekiabar ghuavanegh mozir torir kuiziba ko dagɨar toribar aven mongegh ikiam.

Solomon 2:14

Nɨ uan dɨpenimɨn aven ikia, mati kuarazir bunbam saghon itir mɨghsɨamɨn dagɨar torir muziarimɨn modoghav iti. Nɨ azenan izɨtɨ, kɨ nɨn guar dirimɨn ganɨva, egh nɨn tiarir isɨngtɨzim baragham.

Aghuzir Akaba 18:21

Nɨn mɨgɨrɨgɨaba, da gavgaviba iti. Da gumazim damutɨ a deraghvɨra angamɨra ikiam, o da uaghan gumazim damutɨ a ikuvigham. Kamaghɨn amizɨ, nɨ mɨgɨrɨgɨar aghuibav kɨmamin arazim gifongegh, nɨ deraghvɨra ikiam.

2 Atriviba 14:7

Dughiar mamɨn, Amasia uan mɨdorozir gumaziba ko me ghua Idomian mɨdorozir gumazir 10,000pla, Danganir Zarir Amangsɨzir Avɨrim Itimɨn me ko mɨsosi. Egha me Idomia abɨragha, Selan nguibar ekiam ini. Egha Amasia nguibar ekiar kam, ziam Joktel a gatɨ. Ezɨ me dughiar kamɨn ikegha iza datɨrɨghɨn, ziar igiar kam a garɨsi.

Aisaia 10:14

Nguazir kamɨn itir kantriba bar, mati kuarazir mɨkonir mam, kɨ, men bizir aghuiba, mati kuarazir mɨkonimɨn, gumazim kuarazir aroriaba isi moghɨn, nɨmɨra bar da ini. Kuarazir amebaba ikia, nan gari puvatɨ. Mevzika! Kuarazir amebatam uan aroriaba bagha ara nan agɨntɨghɨzir puvatɨ. Kɨ pura men biziba okemegha da inigha ghu.”

Jeremaia 49:15

Ikiavɨra Itir God kamaghɨn Idomɨn kantri mɨgei: “Idom, nɨ oragh. Kɨ ian gavgaviba abightɨ, kantrin igharazibar gavgaviba ian gavgavibagh afiragham. Eghtɨ gumazamiziba bar ian aghuagh dɨbovir akabar ia mɨkɨm egh akɨrim ragh ia gasaragham.

Jeremaia 50:29

Ikiavɨra Itir God kamaghɨn Babilonɨn apanibav keme: “Babilon bar puvɨra ifaghata na batoke, kɨ Israelian Godɨn Bar Zuezim. Kamaghɨn amizɨ, ia gumazir barir pibar asa foziba, ia izɨ Babilon mɨsogh. Ia Babilon korogh deragh anevɨnigh. Egh ia Babilonɨn tav ateghtɨ an arɨ mangan markɨ. Me igharaz darazigh asɨghasɨghizɨ moghɨn, Ia pazɨ me damuva, bar me gasɨghasɨkigh.

Jeremaia 51:53

Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Habakuk 2:9

“Iavzika! Ia gumazir igharaz darazir bizir avɨriba iniziba, ia bar ikuvigham. Ia bizir kaba isa uan adaraziram anɨngi. Egha ian biziba deravɨra ikiasa, ia da bagha dɨpenir bar gavgavibar ingari, egha ia ghaze, arazir kamɨn osɨmtɨzim izɨ ia gitavɨragham. Puvatɨgham.

Malakai 1:3

Iso uan ovavir boriba ko, me Idomia me garɨsi, ezɨ kɨ me gifongezir puvatɨ. Kamaghɨn amizɨ, kɨ Ison danganir mɨghsɨam gasɨghasigha gɨfa, egha an nguazim gamizɨma, an afiar atiabar nguibamɨn oto.”

Jeremaia 48:14

Ia Moapia, manmaghsua ghaze, ia mɨdorozir gumazir gavgaviba, egha ia bar mɨdorozibar mɨsogha fo?