Jeremaia 49:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ikiavɨra Itir God kamaghɨn mɨgei, “Kɨ gumazamizir avɨrim ivezir kuram me danɨngam. Osɨmtɨzir ekiaba puvatɨzir darasi, kɨ uaghan me gasɨghasɨgham. Ezɨ Idom, nɨ ghaze kɨ nɨ gitagham, a? Bar puvatɨ. Kɨ nɨ gitaghan kogham. Kɨ uaghan nɨ gasɨghasɨgham.

Jeremaia 49:12 ပူးပေါင်းရင်းမြစ်များ

Obadia 1:16

Egha Ikiavɨra Itir God Judan gumazamizibav gei: “Ia nan Dɨpenimɨn itir mɨghsɨamɨn ikia, mɨsozir dɨpam ame. Kamaghɨra, kɨ kantriba bar men gumazamiziba fofozim me danɨngam, mati kɨ dɨpar mɨsozim me ganɨngi. Eghtɨ me bar moghɨra me agɨvagham.”

Jeremaia 46:27

Ikiavɨra Itir God kamaghɨn mɨkeme: “Ia Israelia, ia Jekopɨn ovavir boriba, ia nan ingangarir gumazamiziba, ia atiatingɨva dɨgavir kuram damuan markɨ. Bar guizbangɨra, ia kantrin saghon itir kamɨn kalabusɨn iti. Eghtɨ kɨ ua ia inightɨ, ia ua uan nguazimra izegh, deraghvɨra dapiagham. Eghtɨ tarazi ua ia damutɨ ia atiatingan kogham.

Jeremaia 30:11

Kɨ Ikiavɨra Itir God, kɨ ia ko ikɨ ian akurvagham. Kɨ ia batoghezɨ, ia ghua kantrin igharazibar tongɨn itiba, kɨ bar me agɨvagham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Jeremaia 25:15

Ikiavɨra Itir God, a Israelian God, a kamaghɨn na mɨgei, “Jeremaia, wainɨn kavɨn kɨ suirazir kam, kar nan anɨngagharimɨn ababanim. Nɨ kavɨn kam inightɨ, kɨ nɨ amadaghtɨ, nɨ gumazamizir avɨriba bagh mangɨgh, me damightɨ, me wainɨn kavɨn kamɨn itim amɨ.

Aghuzir Akaba 17:5

God bar gumazamizibar ingari, egh gumazitam gumazir onganarazibagh amir gumazim akar asuibar a mɨgei, a God gasɨghasɨsi. Ezɨ gumazim, gumazir igharazibar gari, me osɨmtɨziba isima a bar akonge, a ivezir kuram iniam.

Matyu 20:22

Ezɨ Iesus akam baregha kamaghɨn a ikaragha ghaze, “Nɨ azangsɨzir bizir kam, nɨ an mɨngarim gɨfozir puvatɨ, egha nɨ a bagha nan azai.” Egha aningɨn azara, “Gua ti kɨ ateramin osɨmtɨzim, uaghan an ateramin gavgavim iti?” Ezɨ aning ghaze, “Are, ga gavgavim iti.”