Jeremaia 48:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ “Moap, kɨ amangsɨzim nɨn nguazim datɨgham. Eghtɨ nɨn nguibaba bar ikuvigh pura ikiam. Eghtɨ gumazitaba dar ikeghan kogham.”

Jeremaia 48:9 ပူးပေါင်းရင်းမြစ်များ

Jeremaia 48:28

“Ia Moapia, ia uan nguibaba ategh mangɨ dagɨabar tongɨn mongegh. Ia kuaraziba danganir kurabagh isɨn mɨkonibar ingari moghɨn damu.

Aisaia 16:2

Egh me kamaghɨn Judan gumazamizibav mɨkɨm, Apaniba en nguibabar en agɨrazɨ, e ara ghua Arnonɨn Fanemɨn mɨriamɨn ikia, deragha itir puvatɨ. E mati kuarazir nguziba uan mɨkonimɨn suaghiregha pura tintinibar ruarimɨn aven arui moghɨn, e ara pura tintinibar arui.

Onger Akaba 11:1

Kɨ nɨghnɨzir gavgavim Ikiavɨra Itir Godɨn ikia kamaghɨn fo, a na geghuva nan gari. Nɨ ti onganigh kamagh na mɨkɨm suam, “Nɨ kuarazimɨn mɨn mɨghegh mɨghsɨamɨn mavanang.”

Akar Mogomem 12:14

God kamaghsua, amizim azenir 3pla ko akuamɨn gumazamiziba puvatɨzir danganimɨn ikɨva, egh a kagh akurvazim iniam. Kamaghɨn amizɨ, a mɨghegh danganir God a bagha dɨkɨrɨzir kamɨn mangasa, God kuarazir anebar ekiamɨn avɨzimning a ganɨngi.

Sefanaia 2:9

Kɨ Ikiavɨra Itir Godɨn Gavgaviba Bar Itim, Israelian God, kɨ zurara angamɨra ikia, guizbangɨra mɨgɨa Akar Gavgavir kam gami, Moapia ko, Amonia me ikuvigham, mati Sodom ko, Gomora ikuvizɨ moghɨn me ikuvigham. Eghtɨ ikarɨzir ataghatariba otivigh men nguazim bar anevegham. Eghtɨ amangsɨzim itir moziba nguibar kamɨn otoghtɨ a bar ikuvigh kamaghɨra ikiam. Eghtɨ nan adarazir ikiavɨra itir varazira, me, me mɨsogh pura men biziba iniva, men nguaziba iniam.”

Jeremaia 46:19

Ia Isipia, ia mangɨ kantrin igharazibar kalabusɨn ikiam, kamaghɨn amizɨ, ia uan bizibar kɨr. Apaniba Memfis gasɨghasɨgham, eghtɨ nguibar kam pura ikiam, eghtɨ gumazamiziba ua an ikian kogham.”

Onger Akaba 55:6

Ezɨ kɨ ghaze, “Kɨ kuarazir bunbamɨn mɨn avɨziba ikɨtɨ deragham. Kɨ danganitamɨn mangɨ ikɨ avughsɨsɨ, mɨghegh an mangam.

Jeremaia 44:22

Ia arazir bar kuribagh ami, ezɨ gɨn Ikiavɨra Itir God ian arazir kurar kam bar a giporpore. Bizir kam bangɨn, a ian nguazim gamizɨ, a ikuvigha nguazir kɨnimɨn oto. Ezɨ gumazitam an itir puvatɨgha iza datɨrɨghɨn tu. Kamaghɨn amizɨ, Kantrin Igharazibar Gumazamiziba akar kurabar uan apanibav kɨmasa kamaghɨn mɨgei, ‘Ia Juda ikuvizɨ moghɨn, ia ikuvigham.’