Jeremaia 48:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Apaniba izɨ nguibaba bar dagh asɨghasigham, eghtɨ nguibatam deragh ikian kogham. Kɨ Ikiavɨra Itir God, kɨ mɨkemezɨ moghɨn, me danganir zariba ko, danganir mɨghsɨabar itibagh asɨghasigham.

Jeremaia 48:8 ပူးပေါင်းရင်းမြစ်များ

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Esekiel 25:9

Kamaghɨn amizɨ, kɨ apanibar amamangatɨghtɨ, me izɨ Moapɨn kantrin mɨtaghniamɨn boroghɨn itir nguibar ekiar gavgavibagh asɨghasigham. Egh me men nguibar ekiar dirir kaba, Bet Jesimot, Balmeon, ko Kiriataim, bar dagh asɨghasigham.

Jeremaia 51:56

Gumazir bizibagh asɨghasɨziba, me izɨ Babilon mɨsogh me dɨkabɨragham. Egh me Babilonɨn mɨdorozir gumaziba kalabus darɨgh, men piba apɨrarigham. Ikiavɨra Itir God, a Godɨn guizbangɨn iveziba ikarvazim. Egh guizbangɨra a Babilonian arazir kuraba bagh ivezim me danɨngam.

Jeremaia 48:18

“Gumazir Moap gasɨghasɨghamin ingangarim itim, a ia batogh ian dɨvazir gavgavibagh asɨghasigham. Kamaghɨn amizɨ, ia Dibonɨn nguibar ekiamɨn gumazamiziba, ia mati atrivimɨn guivir dirim uan ziam fe, egh ia uan ziar ekiaba gɨn amadagh, gumazir kɨnibar mɨn nguazir mɨdiarim dapiagh.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Jeremaia 15:8

Eghtɨ men mɨdorozir gumazir ariaghirezibar amuir odiaribar dɨbobonim nan damazimɨn bar ghuanabogh, ongarir gigimɨn dɨbobonim gafiragham. Kɨ aruer arɨzimɨn apaniba amadazɨ, me iza, men mɨdorozir gumazir igiabav soghezɨ me ariaghire. Ezɨ bizir kam gumazir igiar kabar amebabagh amizɨ, me dɨgavir kuram gamigha, osɨmtɨzir ekiamɨn ikia bar atiatingi.

Josua 13:21

Nguibar kaba da, mɨghsɨar orazimɨn danganir bar zarir ekiam itir nguaziba, dar aven itir nguibaba bar moghɨra. Kar Amorian Atrivim Sihon uabɨ Hesbonɨn nguibar ekiamɨn ikia, egha nguibar ekiar kabagh ativagha dar gari. Moses a ko mɨsogha anebɨragha uaghan Midianian gumazir dapanir kabav sogha me abɨra. Men ziabar kara: Evi, Rekem, Sur, Hur, ko Reba. Me faragha bar moghɨra nguazir kamɨn apiagha itima, Atrivim Sihon ingangarim me ganɨngizɨ me itir danganibar gari.

Josua 13:17

Egha bar ghua Hesbonɨn nguibar ekiamɨn otogha ghua, mɨghsɨar orazimɨn danganir bar zarir ekiam itir nguaziba, dar aven itir nguibar kaba sara ini. Dar ziabar kara: Dibon, Bamotbal, Bet Balmeon,

Josua 13:9

Ezɨ men nguazim, an Arnonɨn Fanemɨn danganir zarimɨn tongɨn itir nguibamɨn ikegha notɨn zui. Ezɨ uaghan Arnonɨn Fanemɨn notɨn mɨriamɨn itir nguibam Aroer, a uaghan men nguazim. Egha men nguazim ghua mɨghsɨar orazimɨn danganir bar zarir ekiam itir nguaziba inigha ghua Medeban nguibamɨn otogha ghua Dibonɨn nguibamɨn tu.