Jeremaia 48:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Me kamaghɨn mɨgei: Ia zuamɨram aregh. Puvatɨghtɨ ia ikuvigham. Ia asɨzir atiabar mɨn mangɨ gumazamiziba puvatɨzir danganimɨn mongegh.

Jeremaia 48:6 ပူးပေါင်းရင်းမြစ်များ

Jeremaia 17:6

A mati temer muziarim dɨpaba puvatɨzir danganimɨn ikiava aghui. Danganir kam gumaziba puvatɨzɨ, nguazim amangsɨzim a gizɨfa. Gumazir kamaghɨn garim, dabirabir aghuiba puvatɨgham.

Jeremaia 51:6

Ia Israelia ko Judaba, ia arɨmangegh deraghvɨra ikiam. Puvatɨghtɨ, ia Babilonian tongɨn ikɨ, men osɨmtɨzim bangɨn me ko ikuvigham. Datɨrɨghɨn Ikiavɨra Itir God, Babilonɨn arazir kuraba bagh ivezir kuram a danɨngamin dughiam. Kamaghɨn amizɨ, ia zuamɨra Babilon ategh mangɨ.

Hibru 6:18

Egha datɨrɨghɨn akar pumuning iti, kar Godɨn akar dɨkɨrɨzim, ko Godɨn arazir uan ziam dɨborim, aning otevkɨnighan kogham. God uabɨ ifarir puvatɨ. Kamaghɨn amizɨ, e gumazamizir ara ghua Godɨn boroghɨn mongeziba, e Godɨn akar dɨkɨrɨzim gɨnɨghnɨgh egh e uan naviba gavgavim dar anɨng, egh bizir aghuir e fogha iniamiba mɨzuamvɨra ikiam.

Luk Osirizir Akar Aghuim 3:7

Ezɨ Jon gumazamizir bɨzir ruasa a bagha izibav gei, “Ia kuruzir divir anababa! Tina ia mɨkemezɨ ia Godɨn anɨngagharir gɨn izamimɨn arɨ mangasa?

Onger Akaba 11:1

Kɨ nɨghnɨzir gavgavim Ikiavɨra Itir Godɨn ikia kamaghɨn fo, a na geghuva nan gari. Nɨ ti onganigh kamagh na mɨkɨm suam, “Nɨ kuarazimɨn mɨn mɨghegh mɨghsɨamɨn mavanang.”

Jenesis 19:17

Egha aning me inigha azenan ghugha gɨvagha, kamaghɨn me mɨgei, “Ia zuamɨram arɨmangegh, puvatɨghtɨ ia uaghan ovegham. Ia uamategh ragh gɨn ganan markɨ. Egh ia danganir zarir munamɨn dapiagh avughsan markɨ. Ia ovengan aghuaghsɨ, egh arɨ mɨghsɨabar ghuavanang.”