Jeremaia 48:45 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁵ “Moapian gumazamiziba apanibar atiatigha, arɨ mangɨ Hesbonɨn nguibamɨn mongasa. Ezɨ Puvatɨ. Mati Hesbonɨn nguibam fomɨra Atrivim Sihonɨn dughiamɨn isizɨ moghɨn, me an garima a ua isia iti. Kamaghɨn amizɨ, me nguibamɨn aven mangeghan kogham. Me bizitam damuamin gavgaviba puvatɨ. Avir kam kantrin kamɨn biziba bar adagh apongezɨ da isi. Kantrin kamɨn mɨtaghniamɨn boroghɨn iti darasi, ko kantri kamɨn aven itir mɨghsɨabar pɨn iti darasi, mɨdorozim bagha bar ikuvigha puv mɨsozir gumazir kaba, me bar moghɨra isigham.

Jeremaia 48:45 ပူးပေါင်းရင်းမြစ်များ

Dɨboboniba 24:17

Kɨ gɨn otivamin bizibar gara, egha uaghan Israelian gari. Atrivir mam men tongɨn otogh, ziar ekiam ko gavgavim ikiam, egh mɨkovezir angazangarim itimɨn mɨn ikɨ gumazamizibagh siragham. Egh Moapɨn gumazir dapanibav sogh bar me agɨvagham. Egh Setɨn ikɨzimɨn gumazamiziba bar me abɨragham.

Dɨboboniba 21:28

Fomɨra, Atrivim Sihonɨn mɨdorozir gumaziba Hesbonɨn ikia dɨkavigha, mati avimɨn mɨn mɨsoghasa ghue. Egha Moapian nguibar ekiam Ar gasɨghasɨki. Me Arnonɨn Fanemɨn boroghɨn mɨghsɨaba itir gumazir aruaba kuavareme.

Matyu 21:42

Ezɨ Iesus kamaghɨn men azai, “Ia Godɨn Akɨnafarimɨn aven itir osizirir kabar ganis, o puvatɨ? Osizirir kaba kamaghɨn mɨgei: “ ‘Kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava. Ekiam uabɨ arazir kam gamizɨma an oto. Ezɨ e an garima, a bar dera.’

Sekaraia 10:4

Eghtɨ Judan anababar tongɨn, gumazir dapanir gavgavir maba otivam, egh me mati dɨpenim aterir dagɨaba ko, dɨpenim aterir guariba ko, mɨdorozir barir pibar mɨn ikiam.

Amos 2:2

Kamaghɨn amizɨ, kɨ avim isɨ Moapɨn kantrin anekunightɨ, Keriotɨn nguibamɨn dɨpenir gavgaviba bar isigham. Eghtɨ mɨdorozir bar ekiam otoghtɨ, mɨdorozir gumaziba pamten dɨmɨva sɨghabagh iviam. Eghtɨ Moapia mɨdorozir kamɨn tongɨn arɨmɨghiregham.

Dɨboboniba 21:26

Amorian Atrivim Sihon, an nguibar ekiam Hesbon. Sihon faragha Moapian atrivir faragha ikezim ko mɨsogha an nguaziba bar da isa ghua Arnonɨn Fanemɨn tu.

Dɨboboniba 21:21

Egha Israelia Amorian atrivim mɨkɨmasa gumaziba amangizɨ, me ghua kamaghɨn a mɨgei,

Dɨboboniba 21:29

Iavzika! Ia Moapian gumazamiziba, ia osɨmtɨzir ekiam iniam. Ia gumazamizir asem Kemosɨn ziam feba, ia ikuvigham. Ian aser kam, a gumazibagh amima, me an gɨn ghua nguibam ategha gumazir kɨnibar mɨn guighav iti. Ian aser kam Amorian Atrivim Sihon gamizɨ, a ian amizibar suighizɨ, me Amorian atrivimɨn ingangarir amizir kɨnibar iti.

Onger Akaba 78:63

Men otarir igiaba mɨdorozimɨn aven bar ariaghirezɨma, men amizir igiaba ikiamin gumaziba puvatɨ.

Onger Akaba 135:11

An atrivir gavgavir kabar maraziv soghezɨ me ariaghire, Sihon Amorian atrivim, ko Ok a Basanian atrivim, ko Kenanian atriviba, bar moghɨra.

Jeremaia 2:16

Ia Israelian gumazamiziba, Isipɨn nguibar ekiar kamning, Memfis ko Tapanesɨn mɨdorozir gumaziba, me izɨ ian dapanir tuaribagh isegham.

Jeremaia 48:2

Moapɨn ziar ekiam a iraghugha gɨfa. Apaniba Hesbonɨn nguibamɨn otifi, egha me Moapia gasɨghasɨghamin arazimɨn akam mɨsosi. Me kamaghɨn mɨgei, ‘Aria, e mangɨ gumazamizir kaba bar me agɨvaka, eghtɨ Moapɨn kantri ua ikian kogham.’ Ia Matmenia, apaniba bar ia gasɨghasɨghtɨ, ia matmatɨn mangam.