Jeremaia 48:41 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴¹ Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Jeremaia 48:41 ပူးပေါင်းရင်းမြစ်များ

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Jeremaia 49:22

Ia gan! Apaniba Bosran nguibam gasɨghasɨghasa puvɨra izi, mati isam mɨghegha pɨn ghuavanabogha, tuigha izaghira asɨzim iniasa avɨziba one. Eghtɨ dughiar kamɨn, Idomɨn mɨdorozir gumaziba atiatigh okam nɨghnɨgham, mati amiziba boriba batasa mɨzaziba barasi.”

Jeremaia 30:6

Manmaghɨn ami? Gumaziba ti boriba bati, a? Puvatɨgham. Ezɨ manmaghsua, kɨ gumazibar garima, me vaghvagha dafariba isa uan navibagh arɨki, mati amizim borim batasa mɨzazir ekiam isi moghɨn arai. Manmaghsua, men guaba igharagha otivigha gari, mati gumazim bar puvɨram atiati.

Jeremaia 6:24

Ezɨ Jerusalemia kamaghɨn mɨgei: “E apanir kam, an eghaghanim baregha gɨfa. Egha e men atiatia agharapaniba bar en amia. E nɨghnɨghava avenge, en ararem mati, amizim borim batasa mɨzazir ekiam isava arai.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Jeremaia 51:30

Babilonɨn mɨdorozir gumaziba mɨdorozim ategh, mɨdorozir dɨpenir gavgavimɨn aven ikiam. Egh me amizibar mɨn ikɨva, gavgaviba puvatɨgham. Apaniba Babilonian dɨpenibar apongɨva, egh nguibabar dɨvazibar tiar akaba akaram.

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Jeremaia 49:24

Damaskusɨn gumazamiziba ua gavgaviba puvatɨ. Me mati amizir mam arasa atiatim a gamima an aran ibura. Me mɨzazir ekiam ko osɨmtɨzim iti, mati amizim borim batasa mɨzazim isi.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Jeremaia 4:9

Ikiavɨra Itir God, kamaghɨn mɨgɨa ghaze, “Dughiar kamɨn, atrivim uan gumazir dapaniba ko bar atiatigham. Eghtɨ ofa gamir gumaziba, ko akam inigha izir gumaziba, dɨgavir kuram damigham.”

Jeremaia 48:24

Keriot ko Bosra. Moapɨn nguibar ekiar roghɨra itiba ko, saghon itiba, me bar moghɨra ivezir kuram ini.

Jeremaia 50:37

Babilonɨn hoziaba ko karisba bar ikuvigham. Eghtɨ kantrin igharazibar mɨdorozir gumazir Babilonɨn akurvaziba, me bar ikuvigham. Me amizibar mɨn otivigh gavgaviba puvatɨgham. Babilonian bizir bar aghuiba ikuvigham. Apaniba izɨ bizir kaba inigh, ada ater mangegham.

Amos 2:2

Kamaghɨn amizɨ, kɨ avim isɨ Moapɨn kantrin anekunightɨ, Keriotɨn nguibamɨn dɨpenir gavgaviba bar isigham. Eghtɨ mɨdorozir bar ekiam otoghtɨ, mɨdorozir gumaziba pamten dɨmɨva sɨghabagh iviam. Eghtɨ Moapia mɨdorozir kamɨn tongɨn arɨmɨghiregham.