Jeremaia 48:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Moap ikuvigham, eghtɨ men boribar ararem bar ekevegham.

Jeremaia 48:4 ပူးပေါင်းရင်းမြစ်များ

Onger Akaba 137:9

Gumazir kam nɨn borir iririviba inigh, dagɨabav kɨnightɨ me bar ikuvigham. Kamaghɨn, gumazir kam bar akuegham.

Esta 8:11

Ezɨ akɨnafarir kabar osiziribar averiabar, atrivimɨn akar gavgavim dar iti. Da kamaghɨn mɨgɨa ghaze, nguibar an ativagha garibar aven, Judaba ko mɨsoghsɨ izɨ uari uari akɨrɨva uari bagh gan, egh uarir akurvagham. Eghtɨ atrivim garir nguibabar dar mɨdorozir gumazir manaba, me izɨva Judaba mɨsoghsɨ izɨtɨ, atrivim Judabar amamangatɨgham. Eghtɨ me uan ifongiamɨn gumaziba ko, amiziba ko, boriba ko mɨsogh me agɨvagh men biziba bar ada iniam.

Jeremaia 20:16

Ikiavɨra Itir God, nguibar ekiabagh asɨghasɨghizɨ moghɨn, gumazir kam ikuvighasa kɨ ifonge. Ikiavɨra Itir God, nguibar ekiar kabar apangkuvizir puvatɨ. Ezɨ bar mɨzaraghara, gumazamiziba apanibar ganigha bar puvɨram azi. Egha aruer arɨzimɨn apaniba nguibamɨn aven zegha mɨsoghasa pamten dei. Gumazir kam, arazir kamra, God a gasɨghasɨghasa kɨ ifonge.

Jeremaia 48:3

“Ia dɨmdɨar ararer ekiar Horonaimɨn nguibamɨn otozim baragh. Me kamaghɨn dei: Biziba bar ikufi.

Jeremaia 48:5

Moapia, me aregham. Me bar puv arava, Luhitɨn tuavimɨn ghuavanaga, Horonaimɨn nguibamɨn ghuaghiri. Ezɨ men ararem ghuavɨra ikiava bar ekefe.