Jeremaia 48:33 - Godɨn Eghaghanim: Akar Gavgavir Dɨkɨrɨzir Ghurim ko Igiam

³³ Moapian nguazim dagher avɨribagh amima da otifi, ezɨ gumazamiziba da isa bar akonge. Eghtɨ, agoroger arazir kam ko akazim, da bar gɨvagham. Kɨ a me damightɨ, me ua wainɨn ovɨziba dɨka da mɨrmɨrir mɨner ekiabar aven, wain damuan kogham. Egh me bar akongɨva dɨmɨva arang wainɨn ovɨziba dɨkabɨnan kogham. Guizbangɨra, me dɨmɨva araghasɨ, egh me agoroger araghasɨzibar amuan kogham.

Jeremaia 48:33 ပူးပေါင်းရင်းမြစ်များ

Hagai 2:16

Dughiar kamɨn bizir maba ia batifi. Ia dagher pozir mam aghuasa ghua ghaze, ia 4plan daghevtaribar aghuigham. Ezɨ puvatɨ, ia daghevtarir pumuningrama aghui. Ia ghaze, ia ti wainɨn tengɨn ekiamɨn mangɨgh, 10plan mɨneba tuigham. Ezɨ puvatɨ, ia mɨner 4plara tui.

Aisaia 5:10

Me wainɨn azenir ekiam oparigham, eghtɨ wainɨn ikarɨziba wainɨn ovɨzir avɨriba dar ituighan kogham, egh da wainɨn dɨpar bar muziarimra otogham. Egh me 10plan witɨn ovɨziba itir mɨtariba oparigh, egha dagh eghuvamin dughiamɨn, me mɨtarir vamɨra daghuigham.”

Joel 1:16

En dagheba en damazimɨn bar ikuvigha gɨfa, e manmaghɨra damuam? E uan Godɨn Dɨpenimɨn mangɨ, bar akuegh ighiabar amuan kogham.

Joel 1:5

Ia gan, odezir kaba bar ian wainɨn ovɨzibagh asɨghasɨki. Kamaghɨn amizɨ, ia gumazir mɨghɨgha wainɨn dɨpam apava onganiziba, ia osegh dɨkavigh azi! Ia gumazamizir wainɨn dɨpaba apiba, ia uaghan uan wainɨn dɨpar isɨngtɨziba bagh azi.

Aisaia 9:3

Ikiavɨra Itir God, nɨ uan gumazamizibagh amizɨma, me bar avɨraseme, Nɨ me gamizɨ, me bar akonge. Me nɨn damazimɨn bar akongezir arazir kam, mati me azenibar dagheba asia da bagha bar akonge. Egha mati mɨdorozir gumaziba mɨdorozim gamigha gɨvagha, bizir me iniziba da tuiragha uari ganɨga bar akonge.

Aisaia 7:23

“Dughiar kamɨn ian azeniba bar moghɨra ikuvigham. Datɨrɨghɨn wainɨn azeniba da wainɨn ikarɨzir 1,000pla iti, ezɨ azeniba vaghvagha dar ivezim 1,000 kina. Eghtɨ gɨn temer ataghatariba itiba ko benir kuraba otivigh azenir kaba avegham. Eghtɨ gumaziba danganir kabar asɨziba burisɨ, me uan barir piba sara mangam.