Jeremaia 48:32 - Godɨn Eghaghanim: Akar Gavgavir Dɨkɨrɨzir Ghurim ko Igiam

³² Jaserɨn nguibam ikuvizir dughiamɨn, kɨ azi. Eghtɨ Sipman nguibam, nɨ ikuvightɨ, kɨ nɨ bagh azivɨra ikiam. Sipma, nɨn wainɨn azeniba, da bar avɨrasemegha ghua, Amangsɨzim Itir Dɨpar Akaremɨn mɨriamɨn tugha ghua, Jaserɨn dɨpar akaremɨn tu. Apaniba izɨ wainɨn ikarɨzir ovɨzir aghuiba, ko nɨn temer taba saram asɨghasɨgham.

Jeremaia 48:32 ပူးပေါင်းရင်းမြစ်များ

Dɨboboniba 21:32

Ezɨ Moses Jaserɨn nguibar ekiam konasa gumazir maba amangizɨ, me moga garir gumazibar mɨn ghua nguibar kam gasɨghasɨghamin tuavir aghuitam gɨfoghasa ghue. Ezɨ Israelia dɨkavigha ghua a korogha an boroghɨn itir nguibar doziba sara, da inigha Amorian gumazamizir dar itibar agɨrazɨ, me are.

Josua 13:19

ko Kiriataim, Sipma, Seretsahar, a danganir zarir kamɨn itir mɨghsɨar muziarim gisɨn iti.

Jeremaia 48:18

“Gumazir Moap gasɨghasɨghamin ingangarim itim, a ia batogh ian dɨvazir gavgavibagh asɨghasigham. Kamaghɨn amizɨ, ia Dibonɨn nguibar ekiamɨn gumazamiziba, ia mati atrivimɨn guivir dirim uan ziam fe, egh ia uan ziar ekiaba gɨn amadagh, gumazir kɨnibar mɨn nguazir mɨdiarim dapiagh.

Jeremaia 48:15

“Atrivir kam, an ziam, Ikiavɨra Itir Godɨn Gavgaviba Bar itim, a kamaghɨn mɨgei: Apaniba izɨ Moap gasɨghasɨgh, an nguibaba iniam. Me Moapian gumazir igiar diribav soghɨrarɨgham.

Jeremaia 48:8

Apaniba izɨ nguibaba bar dagh asɨghasigham, eghtɨ nguibatam deragh ikian kogham. Kɨ Ikiavɨra Itir God, kɨ mɨkemezɨ moghɨn, me danganir zariba ko, danganir mɨghsɨabar itibagh asɨghasigham.

Jeremaia 40:10

Kɨ uabɨ, kɨ Mispan kagh ikiam. Babilonia izɨ en ganamin dughiam, kɨ Judaba e uan abuir gumazimɨn ikiam. Iarara, ia uamategh nguibar ia inizir kabar mangɨ, wainɨn ikarɨzir ovɨziba ko ovɨzir igharazir aghuiba inigh, wain ko borebar ingar, egh gɨn izamin dughiam bagh ada isɨ mɨnebar arɨgh.”

Josua 21:39

ko Hesbon, ko Jaser. Eghtɨ nguazir nguibar ekiar kaba okarigha itiba, Merarin adarazi uan asɨzibar arɨgham.

Dɨboboniba 32:38

ko Nebo, ko Balmeon, me dar ingari. Egha me nguibar ekiam Balmeon, ziar igharazim a gatɨ. Me uaghan nguibar ekiam Sipman ingari. Egha nguibar ekiar me ua ingariziba, me ziar igiaba dagh arɨki.

Dɨboboniba 32:35

ko Atrot Sofan, ko Jaser, ko Jokbeha,

Dɨboboniba 32:1

Dughiar kamɨn, Rubenɨn anabamɨn adarasi, ko Gatɨn anabamɨn adarasi, bulmakauba ko sipsipɨn okoruar bar avɨriba iti. Egha me Jaser ko Gileatɨn Distrighningɨn nguazimɨn garima, bulmakauba ko sipsipba damamin grazir aghuiba iti.

Josua 13:25

Dar ziabar kara: Jaserɨn nguazim, ko Gileatɨn Distrighɨn itir nguibar ekiaba, ko Amonian nguazimɨn akuar mam, a ghua Aroerɨn nguibar ekiamɨn tu. Aroer, a Raban nguibar ekiamɨn boroghɨn aruem anadi naghɨn iti.

Dɨboboniba 32:3

“Nguazir Ikiavɨra Itir God Israelia en akurazɨ, e inizir kam, nguibar ekiar kaba an iti, Atarot, ko Dibon, ko Jaser, ko Nimra, ko Hesbon, ko Eleale, ko Sipma, ko Nebo, ko Beon. Kar bulmakauba ikiamin nguazir bar aghuim. Ia fo, e bulmakaun bar avɨriba iti.