Jeremaia 48:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Keriot ko Bosra. Moapɨn nguibar ekiar roghɨra itiba ko, saghon itiba, me bar moghɨra ivezir kuram ini.

Jeremaia 48:24 ပူးပေါင်းရင်းမြစ်များ

Amos 2:2

Kamaghɨn amizɨ, kɨ avim isɨ Moapɨn kantrin anekunightɨ, Keriotɨn nguibamɨn dɨpenir gavgaviba bar isigham. Eghtɨ mɨdorozir bar ekiam otoghtɨ, mɨdorozir gumaziba pamten dɨmɨva sɨghabagh iviam. Eghtɨ Moapia mɨdorozir kamɨn tongɨn arɨmɨghiregham.

Jeremaia 48:41

Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Josua 21:36

Ezɨ me Rubenɨn anabamɨn nguibar ekiar 4pla isa, Merarin ikɨzimɨn adarazigh anɨngi, dar ziabar kara: Beser, Jahas,

Godɨn Araziba 4:43

Nguibar ekiar kabar kara: Beser, a Rubenɨn anabamɨn mogomer nguibam, a gumazamiziba puvatɨzir danganimɨn ikia danganir zarimɨn iti. Ramot, a Gatɨn anabamɨn mogomer nguibam, a Gileatɨn danganimɨn iti. Ezɨ igharazim a Golan, a Manasen anabamɨn mogomer nguibam, a Basan nguazimɨn iti.

Jenesis 36:33

Egha Bela aremezɨ, Seran otarim Jobap an danganim inigha atrivimɨn iti. Sera, a Bosran nguibamɨn gumazim.

Aisaia 63:1

Ia gan! Mar gumazir manam atrivimɨn mɨn bar deravɨra kurkegha Idomɨn kantrin aven, Bosran nguibam ategha azenan izi? Mar gumazir manam uan dapanim aviragha uan gavgavir ekiam sara izi? Ezɨ an korotiam bar aghevezɨ moghɨn gari. “Kar kɨ Ekiamra. Kɨ gumazamizibar akurvazir gavgavim iti, egha kɨ kamaghɨn mɨkɨmasa, nan arazir aghuimɨn, kɨ men apaniba abɨragha gɨfa!”

Jeremaia 49:13

Kɨ Ikiavɨra Itir God, kɨ guizbangɨra uabɨ uan ziamɨn pɨn arɨgha, kamaghɨn mɨgɨa ghaze, kɨ Bosran nguibam bar pazavɨram a gasɨghasigham, eghtɨ a danganir kɨnimɨn otogham. Eghtɨ igharaz darazir gumazamiziba bizir kɨ Bosran amizir kaba baregh, me atiatingɨva, dɨgavir kuram damigham. Egh me dɨpov akar asuibar Bosran mɨkɨmam. Ezɨ gumazamizir kaba uari akar kurabar uan apanibav kɨmamin dughiamɨn, me kamaghɨn mɨkɨmam, ‘Ia Bosra ikuvizɨ moghɨn ia ikuvigham.’ Kɨ Idomian nguibabara bar dagh asɨghasigham, eghtɨ da ikuvigh mamaghɨra ikiam.”