Jeremaia 48:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Eghtɨ me kamaghɨn akam ikaragham, ‘Moapɨn kantri a ikuvigha gɨfa, egha datɨrɨghɨn a bar aghumsɨki. Kamaghɨn amizɨ, ia apangkuv, bar pamtemɨn azi. Ia Arnonɨn Fanemɨn mangɨva, kamaghɨn gumazamizibav kemegh, Moap ikuvigha gɨfa.’

Jeremaia 48:20 ပူးပေါင်းရင်းမြစ်များ

Aisaia 16:2

Egh me kamaghɨn Judan gumazamizibav mɨkɨm, Apaniba en nguibabar en agɨrazɨ, e ara ghua Arnonɨn Fanemɨn mɨriamɨn ikia, deragha itir puvatɨ. E mati kuarazir nguziba uan mɨkonimɨn suaghiregha pura tintinibar ruarimɨn aven arui moghɨn, e ara pura tintinibar arui.

Aisaia 15:8

Bar guizbangɨra, me uarir akurvaghamin ararem bar ekevegha men kantrin danganiba bar dar ghu. Eklaimɨn nguibar ekiam ko, Berelimɨn nguibar ekiam ko, kantri Moapɨn itir nguibar ekiar avɨribar gumazamiziba, men ararem baraki. Guizbangɨra, Moapian ghuzim Dimonɨn dɨpam gizɨfa. Ezɨ Ikiavɨra Itir God kamaghɨn mɨgei, A uam puv Moapia damigham. Moapian arav ghueziba ko, kantri Moapɨn ikiavɨra itir varazira, a laionɨn bar kuram mɨkemeghtɨ, a izɨ bar me gasɨghasigham.

Gumazir Dapaniba 11:18

“Egha me gɨn ghua gumazamiziba puvatɨzir danganimɨn zui. Egha me Idom ko Moapian nguazimɨn ghuzir puvatɨ. Me Moapɨn, aruem anadi naghɨn Arnonɨn Fanemɨn vongɨn kaghɨra iti. Me an averpenibar ingarigha iti, kar men nguazir mɨtaghniam. Kamaghɨn, me Arnonɨn Fanem abigha vongɨn ghuezir puvatɨ.

Josua 13:9

Ezɨ men nguazim, an Arnonɨn Fanemɨn danganir zarimɨn tongɨn itir nguibamɨn ikegha notɨn zui. Ezɨ uaghan Arnonɨn Fanemɨn notɨn mɨriamɨn itir nguibam Aroer, a uaghan men nguazim. Egha men nguazim ghua mɨghsɨar orazimɨn danganir bar zarir ekiam itir nguaziba inigha ghua Medeban nguibamɨn otogha ghua Dibonɨn nguibamɨn tu.

Godɨn Araziba 2:36

Ikiavɨra Itir God, en God, en amamangatɨzɨ, e Arnonɨn Danganir Zarimɨn mɨriamɨn aven itir nguibam Aroerɨn ikegha ghua Gileatɨn nguazimɨn otivigha men nguibar kaba bar dagh asɨghasɨki. E zuima, nguibar kaba avɨnizir dɨvazir tam e gamizɨ, e aven mangasa iburazir puvatɨ.