Jeremaia 48:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Moapɨn ziar ekiam a iraghugha gɨfa. Apaniba Hesbonɨn nguibamɨn otifi, egha me Moapia gasɨghasɨghamin arazimɨn akam mɨsosi. Me kamaghɨn mɨgei, ‘Aria, e mangɨ gumazamizir kaba bar me agɨvaka, eghtɨ Moapɨn kantri ua ikian kogham.’ Ia Matmenia, apaniba bar ia gasɨghasɨghtɨ, ia matmatɨn mangam.

Jeremaia 48:2 ပူးပေါင်းရင်းမြစ်များ

Jeremaia 31:36

“Kɨ Ikiavɨra Itir God, kɨ guizbangɨra mɨgei, Israelian adarasi, me zurara ikɨ mamaghɨra ikiam, mati aruem ko iakɨnim ko mɨkoveziba. Eghtɨ aruem ko iakɨnim ko mɨkoveziba, me uan ingangarir kɨ me ganɨngizim damuan kogham, eghtɨ dughiar kamra Israelian adarazi gɨvagham.

Aisaia 16:14

Egha Ikiavɨra Itir God datɨrɨghɨn ua kamaghɨn mɨgei, “Moapia uan bizir aghuiba sara bar gɨvaghamin azenir 3plara iti. 3plan azenir kabanang, dar arueba kɨ vaghvagha, bar deraghavɨra da medi. Ezɨ namba 3ɨn azenimɨn, kɨ mɨkemezɨ moghɨn kɨ bizir kabar amuam. Moapɨn ziam datɨrɨghɨn bar pɨn iti, egh a gɨn bar gɨvagham. Gumazamizir bar avɨrim datɨrɨghɨn kantri Moapɨn iti, eghtɨ men kantri ikuvamin dughiamɨn, gumazamizir varazira an ikɨva gavgaviba puvatɨgham.”

Dɨboboniba 32:37

Ezɨ Rubenɨn anabamɨn gumazamiziba ua, nguibar ekiam Hesbon, ko Eleale, ko Kiriataim,

Jeremaia 49:3

“Ain nguibar ekiam ikuvigha gɨfa, kamagh amizɨ, Hesbonɨn nguibar ekiamɨn gumazamiziba, ia pamtemɨn azi. Ia Raban gumazamiziba, ia uaghan azi. Apaniba izɨ asem Milkom a inigh, mangɨ kantrin igharazimɨn kalabus datɨgham, egh an ofa gamir gumaziba ko Amonian gumazir dapaniba sara iniam. Kamaghɨn amizɨ, ia azirakar korotiar pɨzibar aghuigh, apangkuvir onger akaba bangɨ. Egh arɨ mangɨ uan dagher azenibar mongegh.

Jeremaia 48:45

“Moapian gumazamiziba apanibar atiatigha, arɨ mangɨ Hesbonɨn nguibamɨn mongasa. Ezɨ Puvatɨ. Mati Hesbonɨn nguibam fomɨra Atrivim Sihonɨn dughiamɨn isizɨ moghɨn, me an garima a ua isia iti. Kamaghɨn amizɨ, me nguibamɨn aven mangeghan kogham. Me bizitam damuamin gavgaviba puvatɨ. Avir kam kantrin kamɨn biziba bar adagh apongezɨ da isi. Kantrin kamɨn mɨtaghniamɨn boroghɨn iti darasi, ko kantri kamɨn aven itir mɨghsɨabar pɨn iti darasi, mɨdorozim bagha bar ikuvigha puv mɨsozir gumazir kaba, me bar moghɨra isigham.

Jeremaia 48:42

Kɨ Ikiavɨra Itir God, Moapia uari fa na batoke. Kamaghɨn amizɨ, Moap bar ikuvigham. Gɨn kantri Moap ua ikian kogham.

Jeremaia 48:17

Ia Moapian boroghɨra itir darazi ko, gumazir an ziar ekiam gɨfoziba, ia an apangkuvigh kamaghɨn azi mɨkɨm, ‘Iavzika, ian nguibar kamɨn ziar ekiam ko gavgavim a irɨgha gɨfa.’

Jeremaia 46:28

Kɨ Ikiavɨra Itir God, kɨ kamaghɨn mɨgei: Kɨ ia ko ikɨ ian akurvagham. Kamaghɨn amizɨ, Ia Israelia, ia nan adarasi, ia nan ingangarir gumazamiziba, ia atiatingan markɨ. Kɨ ia batoghezɨ, ia ghua kantrin igharazibar tongɨn iti. Eghtɨ kɨ kantrin kaba bar me agevegham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Jeremaia 33:24

“Gumazamiziba ghaze: ‘Fomɨra Ikiavɨra Itir God Israelia ko Judaba me amɨsevezɨ, me a baghavɨra ikɨzir pumuningɨn iti. Ezɨ datɨrɨghɨn an akɨrim ragha me gasaragha gɨfa.’ Gumazamizir kaba akar kamagh garibav gɨa, egha me nan gumazamizibagh ifongezir puvatɨgha, ghaze, men ganganimɨn, nan gumazamizibar kantri ovegha gɨfa.

Jeremaia 25:17

Ezɨ kɨ Ikiavɨra Itir Godɨn dafarimɨn wainɨn kavɨn kam inigha, gumazamizir kaba bagha ghugha, me gamizɨma me aneme.

Jeremaia 25:15

Ikiavɨra Itir God, a Israelian God, a kamaghɨn na mɨgei, “Jeremaia, wainɨn kavɨn kɨ suirazir kam, kar nan anɨngagharimɨn ababanim. Nɨ kavɨn kam inightɨ, kɨ nɨ amadaghtɨ, nɨ gumazamizir avɨriba bagh mangɨgh, me damightɨ, me wainɨn kavɨn kamɨn itim amɨ.

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Aisaia 15:5

Mevzika! Kɨ uaghan Moapian apangkuvigha, me bagha azi. Kɨ garima, me uan nguibam ategha, ara ivemara Soarɨn nguibar ekiam ko, Eklat Selisian nguibar ekiamɨn zui. Me aziavɨra ghua Luhitɨn nguibar ekiamɨn tuavimɨn ghuavanadi. Egha me uan osɨmtɨzir ekiam gɨnɨghnɨgha pamtem aziava ara Horonaimɨn nguibar ekiamɨn tuavimɨn zui. Ezɨ men ararem bar ekefe.

Aisaia 15:1

Ikiavɨra Itir God kantri Moap gɨnɨghnɨgha akar kam anɨngi: Apaniba dɨmagarimɨn iza kantri Moapɨn otogha, Arɨn nguibar ekiam gasɨghasɨsi. Me ghua Kirɨn nguibar ekiam gasɨghasɨghizɨ, Moapɨn kantri datɨrɨghɨn bar ikufi.

Jeremaia 49:37

Apaniba izɨ Elamia mɨsoghtɨ me arɨghiramin dughiam, kɨ me damightɨ me foghɨva, bar puvɨram atiatigham. Kɨ Ikiavɨra Itir God, kɨ uan anɨngagharim akakaghsɨ, bizir bar kuram damightɨ, an Elam batogham. Egh kɨ mɨdorozir gumazibar amightɨ, me, me mɨsogh men agɨntɨgh mangɨtɨ, me bar arighireghamin dughiamɨn tugham.