Jeremaia 48:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Moap ikuvighamin dughiam a roghɨra izegha gɨfa. Asɨghasɨzir kam a bar zuamɨram otogham.

Jeremaia 48:16 ပူးပေါင်းရင်းမြစ်များ

Aisaia 13:22

Eghtɨ, atrivibar dɨpeniba ko gumazir ekiabar dɨpeniba, afiar atiaba izɨ dar ikɨ, pura dapur ikiam. Bar guizbangɨra, Babilon ikuvighamin dughiam, a roghɨra izegha gɨfa.

2 Pita 2:3

Ifavarir tisan kaba dagɨar avɨriba baka, kamaghɨn me eghaghanir ifavarir avɨribar amuva, ian dagɨaba ko biziba iniam. Fomɨra God me isɨ kot darɨghasa dughiam atɨgha, ghaze, me bar ikuvigham. Ezɨ God akuir puvatɨ. A fomɨra me mɨkemezɨ moghɨn me gasɨghasɨghasa me bagha gara iti.

Esekiel 12:28

Eghtɨ nɨ me mɨkɨm suam, Kɨ Ikiavɨra Itir Godɨn Ekiam me ikaragha ghaze, Kɨ sughsughan kogham. Bizir kɨ mɨkemeziba, da datɨrɨghɨn otivam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa!”

Esekiel 12:23

Nɨ datɨrɨghɨn me mɨkɨm suam, Kɨ Ikiavɨra Itir Godɨn Ekiam kamaghɨn mɨkɨmasa. Aghuzir akar me zurara mɨgeir kam kɨ datɨrɨghɨn anegɨvagham. Me Israelɨn kantrin aven uam a mɨkɨman kogham. Nɨ kamagh me mɨkɨm suam, ‘Dughiam otogha gɨfa. Eghtɨ irebamɨn mɨn garir bizibar akaba, da vaghvagh guizbangɨra otivam!’

Jeremaia 1:12

Ezɨ Ikiavɨra Itir God, kamaghɨn na mɨgei, “Nɨ deragha mɨgei. Kamaghɨn, kɨ uabɨ uan akam deravɨram an gari. Eghtɨ, kɨ mɨkɨmamin biziba guizbangɨram otivam.”

Godɨn Araziba 32:35

Ikiavɨra Itir God ghaze, Arazir kuraba ikarvaghamin ingangarim, kar nan bizim. Kɨ uabɨ men arazir kuraba ikarvagh egh ivezir kuraba me danɨngam. Eghtɨ dughiar bar ovezimɨn me iregh bar ikuvigham.

Aghuzir Akaba 7:23

Ezɨ gumazir kam kamaghɨn fozir puvatɨ, afuzitam an dɨghorim mɨtivam. A mati kuarazir mam mɨghegha ivem itir danganimɨn zui. Egha a fozir puvatɨ, ivem an suiraghtɨ an aremegham.