Jeremaia 48:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Ia Moapia, manmaghsua ghaze, ia mɨdorozir gumazir gavgaviba, egha ia bar mɨdorozibar mɨsogha fo?

Jeremaia 48:14 ပူးပေါင်းရင်းမြစ်များ

Onger Akaba 33:16

Atrivim mɨdorozir gumazir avɨriba ikɨtɨ, me an akuragh mɨdorozim damu an apaniba abɨraghan kogham. Ezɨ kamaghɨra mɨdorozir gumazim uan gavgavimɨn apaniba abɨraghan kogham.

Aisaia 10:16

Ezɨ Ekiam, a Ikiavɨra Itir Godɨn Gavgaviba Bar Itim, a ziar ekiam ko gavgavir ekiam iti. Egh a datɨrɨghɨn arɨmariar bar kuratam amadaghtɨ, an Asiriabar mɨdorozir gumazibar amu, men gavgavir ekiam agɨvagham. Egh a uaghan avim damightɨ, a dɨkavigh isi mangɨ men biziba bar da agɨvagham.

Aisaia 10:13

Ekiam orasi, Asirian atrivim uabɨra uabɨ fa, kamaghɨn mɨgei: “Kɨ bizibar amuamin nɨghnɨzir bar aghuim iti. Kamaghɨn amizɨ, nan gavgavim ko fofozimɨn, kɨ bizir kabagh ami. Kɨ kantribar mɨtaghniaba akaragharigha gɨfa, ezɨ da bar nan apengan iti. Egha bizir bar aghuir me akumakua arɨghiziba, kɨ da ini. Kɨ bar gumazir gavgavim, kamaghɨn kɨ kantrin kabar atrivibagh afiragha, me dɨkabɨni, mati bulmakaun apurir ekiam mɨsosi.

Sefanaia 2:10

Moapia ko, Amonia uari fava akaba batosi, egha Ikiavɨra Itir Godɨn Gavgaviba Bar Itimɨn gumazamiziba, me dɨbovir akar kurabar me mɨgei. Kamaghɨn amizɨ, God me ikaragh pazavɨra me damuam.

Esekiel 30:6

“Kɨ Ikiavɨra Itir God kɨ kamaghɨn mɨgei: Gumazir manaba Isipian akurvagha me bagha mɨsosi, me bar arɨmɨghiregham. Egh notɨn amadaghan Mikdolɨn nguibamɨn ikegh mangɨ, Sautɨn amadaghan Aswanɨn nguibamɨn tugham. Eghtɨ Isipɨn mɨdorozir gumazir gavgavir ikia uari feba, me bar arɨmɨghiregham. Kɨ Ikiavɨra Itir Godɨn Ekiam, kɨ kamaghɨn mɨkeme.

Jeremaia 49:16

Nɨ ifaghata ghaze, nɨ kantrin igharazibagh amima me puvɨram atiati. Egha nɨ ti ghaze, nɨ bar dera. Puvatɨ, nɨ uabɨ fer nɨghnɨzimra nɨ gifari. Dagɨar gavgavir ekiaba ian nguibar ekiam, dɨvazimɨn mɨn avɨnizɨma, ia mɨghsɨamɨn bar pɨn mar iti. Nɨ uan nguibam kuarazir isaba uan mɨkonibar ingarir danganibar an ingari. Eghtɨ kɨ nɨ gekuightɨ nɨ izighiram. Kɨ Ikiavɨra Itir God, kar nan akam.”

Jeremaia 9:23

Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Jeremaia 8:8

“Manmaghɨn amizɨma ia Judaba ghaze, ‘E nɨghnɨzir aghuim ko fofozim iti. Ikiavɨra Itir God uan Araziba e ganɨngi.’ Bar guizbangɨra, nan Arazibagh fozir gumaziba bar adagh iragha akar ifavariba osiri. Kamaghɨn amizɨ, ia kamaghɨn mɨkɨman markɨ.

Aisaia 16:6

Ezɨ Judaba Moapian akar kam baregha, me kamaghɨn uarira uariv gei, “E Moapian arazir uari febar eghaghaniba baregha gɨfa. Me puv ifaghata uarira uan ziaba fa, mɨgɨrɨgɨar guar avɨribagh ami. Me ghaze, me uarira ikia, gumazamizir igharazibagh afiragha, me dɨpofi. E fo, Moapia me gumazamizir ifariba. E nɨghnɨzir gavgavim men akabar ikian kogham.

Fofozir Gumazim 9:11

Kɨ uamategha overiamɨn apengan bizir mamɨn gari. Gumazir bar puvɨra atamra ivemariba, me dughiar mabar gumazir igharazibagh afirazir pu. Ezɨ mɨdorozir gumazir gavgaviba, dughiar mabar uan apanibagh afirazir puvatɨ. Gumazir nɨghnɨzir aghuiba itiba, ko fofozir ekiaba itiba, me dughiar mabar dagɨaba ko bizir avɨriba isir puvatɨ. Ezɨ ingangarir guar avɨribagh amir fozir gumaziba, me dughiar mabar ingangarir ekiaba isir puvatɨ. E fo, dughiar kuram dughiatabar bar e bativam.

Onger Akaba 11:1

Kɨ nɨghnɨzir gavgavim Ikiavɨra Itir Godɨn ikia kamaghɨn fo, a na geghuva nan gari. Nɨ ti onganigh kamagh na mɨkɨm suam, “Nɨ kuarazimɨn mɨn mɨghegh mɨghsɨamɨn mavanang.”