Jeremaia 48:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ezɨ kɨ Ikiavɨra Itir God, kɨ guizbangɨra mɨgei: Kɨ dughiar mam amɨsefe, ezɨ dughiar kamɨn kɨ gumazitaba amadaghtɨ me izɨ Moapia gasɨghasɨgham, mati gumaziba iza wainɨn kam nguazir kamɨn a ingegha, wain ruir mɨneba abɨagharɨki.

Jeremaia 48:12 ပူးပေါင်းရင်းမြစ်များ

Jeremaia 48:38

Kɨ Ikiavɨra Itir God, kɨ Moapɨn kantri gasɨghasigham, mati nguazir mɨner ingangariba puvatɨziba, gumazim ada abɨagharɨki. Kamaghɨn amizɨ, Moapɨn kantri ararer bar ekiam otogham. Eghtɨ me pɨn dɨpenibar azuaribar ikiam, o danganir me ivɨriabagh amua uari akuva itibar ikɨva, bar puvɨram aziam.

Aisaia 30:14

Bar guizbangɨra, ia bar ikuvigham, mati nguazir mɨnem bigha akuar bar mɨzumzuiaribar ire, ezɨ akuar ekiatam itir puvatɨ, me akua tam isɨ avim isir danganimɨn mangɨ avir mɨkɨam tuighan kogham. O akua tam inigh mangɨ mozir dɨpamɨn an dɨpaba tuan iburagham.”

Onger Akaba 2:9

Nɨ uan agharir gavgavimɨn men suiragh men ganam. Nɨ me abightɨ, me nguazir mɨneba bɨaghiri moghɨn bɨghiregh, mɨzumzuiaribar iregham.”

Jeremaia 48:15

“Atrivir kam, an ziam, Ikiavɨra Itir Godɨn Gavgaviba Bar itim, a kamaghɨn mɨgei: Apaniba izɨ Moap gasɨghasɨgh, an nguibaba iniam. Me Moapian gumazir igiar diribav soghɨrarɨgham.

Jeremaia 48:11

Ikiavɨra Itir God kamaghɨn mɨgei: “Moapɨn kantri fomɨra igiamra ikegha iza datɨrɨghɨn dughiar kamɨn tu, apanitam iza a gasɨghasɨghizir puvatɨ, egha gumazamiziba inigha ghua kantrin igharazimɨn me isa kalabus gatɨzir puvatɨ. Moap mati wainɨn aghuim, gumaziba an ingarigha, anetaghizɨ a iti. Me dɨpar mɨsevir tabar a ruizir puvatɨ. Ezɨ an isɨngtɨzim kamaghɨra ikia, egha an mughuriam dera.

Jeremaia 48:8

Apaniba izɨ nguibaba bar dagh asɨghasigham, eghtɨ nguibatam deragh ikian kogham. Kɨ Ikiavɨra Itir God, kɨ mɨkemezɨ moghɨn, me danganir zariba ko, danganir mɨghsɨabar itibagh asɨghasigham.

Jeremaia 25:34

Ia gumazamizibar gumazir dapaniba ko me geghuva men gariba, mati sipsipbar garir gumaziba uan sipsipbagh eghufi, ia bar puvɨrama azi. Apaniba izɨ ia mɨsoghtɨ ia arɨmɨghiramin dughiam otogha gɨfa. Eghtɨ gɨn me gumazamizir ikiavɨra itiba batuegham. Kamaghɨn amizɨ, ia nguazim giregh a gɨpoghpogh. Ia nguazir mɨner aghuim irɨgha bɨaghirezɨ moghɨn, ia iregh bar ikuvigham.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Jeremaia 19:10

“Jeremaia, nɨ akam akuntɨ gumazamiziba nɨ baragh nɨn gantɨ, nɨ nguazir mɨner nɨ suirazim nɨ anemɨsararɨkigh.

Jeremaia 14:3

Men gumazir dapaniba dɨpaba tuasa ingangarir gumaziba amangizɨ, me mozir dɨpabar ghuegha gari mozir paba dakegha gɨfa. Ezɨ me mɨner mɨseviba ua da inigha nguibar ekiamɨn ghue. Egha me paza uari baragha aghumsigha, osemegha uan guaba monge.

Aisaia 16:2

Egh me kamaghɨn Judan gumazamizibav mɨkɨm, Apaniba en nguibabar en agɨrazɨ, e ara ghua Arnonɨn Fanemɨn mɨriamɨn ikia, deragha itir puvatɨ. E mati kuarazir nguziba uan mɨkonimɨn suaghiregha pura tintinibar ruarimɨn aven arui moghɨn, e ara pura tintinibar arui.

Jeremaia 48:13

Eghtɨ dughiar kamɨn Israelia asem Betel bangɨn aghumsɨghizɨ moghɨn, Moapia asem Kemos bangɨn bar aghumsigham. Me ghaze, aser kam, a men akuragham.