Jeremaia 47:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Gasaba, men naviba bar oseme, ezɨ me uan dapanir arɨziba apɨri. Ezɨ Askelonɨn nguibam bar ikufi. Ia danganir zarir kamɨn ikiavɨra itir varazira, ian apangkuvim manadɨzoghɨn gɨvaghtɨ, ia tintinibar uan inivafɨziba aghorir arazim ategham?

Jeremaia 47:5 ပူးပေါင်းရင်းမြစ်များ

Jeremaia 48:37

“Moapia bar uan dapanir arɨziba ko ghuamasɨziba apɨr bar adar apangkuvigham. Egh me tintinibar uan dafaribar ghorɨva, apangkuvir korotiabar aghuigham.

Jeremaia 25:20

gumazamizir igharazir Isipɨn tongɨn itiba sara bar me ganɨngi. Egha kɨ ghua Usɨn nguazimɨn atriviba ko, Filistian nguazimɨn atriviba sara, kɨ bar me ganɨngi. Filistia nguibar kaba iti: Askelon, Gasa ko, Ekron ko Asdotɨn nguibamɨn ikiavɨra itir varazira.

Maika 1:16

Egh apanir kaba ian borir ia bar ifongeziba inigh mangegham. Kamaghɨn amizɨ, ia me bagh nɨghnɨgh azi, egh uan dapanir arɨzibagh isegh dapanir tuziba ikiam.

Jeremaia 41:5

ezɨ Sekemɨn nguibam ko, Silon nguibam ko, Samarian nguibamɨn gumazir 80pla arua iza Mispan boroghɨra izi. Me wit ko pauran mughuriar aghuim zuim inigha, Ikiavɨra Itir Godɨn Dɨpenim bagha Jerusalemɨn mangɨ ofa damuasa zui. Gumazir kaba uan ghuamasɨzibagh isava, uan korotiaba abɨgha, tintinibar uan mɨkarzibar ghora uan apangkuvim ko osɨmtɨzim akakaghasa.

Mak Osirizir Akar Aghuim 5:5

A dɨmagariba ko aruebar matmatiam ko mɨghsɨabar purama arua pamtem arava dagɨabar uabɨ uan mɨkarzim aghori.

Esekiel 25:16

Kamaghɨn amizɨ, kɨ Ikiavɨra Itir Godɨn Ekiam, kɨ kamaghɨn mɨgei: Ia oragh! Kɨ uan agharir gavgavim amadagh Filistiaba bar me abɨragham. Men ziar mam Keretia, kar ongarir dadarimɨn ikiavɨra itir darasi, kɨ bar me gasɨghasigham.

Esekiel 7:18

Eghtɨ me azirakar korotiabar aghuigh, puvɨrama atiating akongɨva, bar aghumsigh, uan dapanir arɨziba bar dagh isegh dapanir tuziba ikiam.

Jeremaia 47:4

“Filistiaba gasɨghasɨghamin dughiam a izegha gɨfa. Kɨ men tuavim apɨrigham, eghtɨ me ua Tair ko Saidonɨn akuraghan kogham. Fomɨra Filistian ovaviba Kritɨn Arighatɨzim ategha iza Filistian nguibar ekiabar iti. Ezɨ datɨrɨghɨn, kɨ Ikiavɨra Itir God, kɨ nguibar ekiamɨn itir Filistian varazira gasɨghasɨghasava ami.

Jeremaia 47:1

Ikiavɨra Itir God akam Filistian kantrin adarazir iti. Dughiar kamɨn Isipian atrivim tɨghar Gasa mɨsogham, kar Filistian nguibar ekiar mam. Ezɨ God akam isa an akam inigha izir gumazim Jeremaia ganɨngi.

Jeremaia 16:1

Kɨ Jeremaia, Ikiavɨra Itir God ua kamaghɨn na mɨgei,

Aisaia 15:2

Kamaghɨn amizɨ, Dibonɨn nguibar ekiamɨn itir gumazamiziba, mɨghsɨabar ghuavanabogha, asebar ziaba fer danganibar aziava ara iti. Moapia bar fo, Nebon nguibar ekiam ko, Medeban nguibar ekiam bar ikuvizɨma, kamaghɨn me aningɨn apangkuvigha azi. Me bar aning bagha osemegha, uan dapanir arɨziba ko, ghuamasɨzir arɨzibagh ise.

1 Atriviba 18:28

Ezɨ akam inigha izir gumaziba pamtemɨn dia, egha afuaba ko mɨdorozir sababa inigha uan asemɨn ziam fer arazibar gɨn ghua, uari uan namnaba aghori. Ezɨ ghuziba men namnabar emɨra izaghiri.

Gumazir Dapaniba 1:18

Me uaghan Gasan nguibar ekiam ko Askelonɨn nguibar ekiam ko Ekronɨn nguibar ekiam ko nguazir dar boroghɨn itiba sara ini.

Godɨn Araziba 14:1

Moses kamaghɨn Israelia mɨgei, “Ikiavɨra Itir God, ian God, a ua baghavɨra ia ginabazɨ ia an boriba. Kamaghɨn amizɨ, ian gumazitam aremeghtɨ ia a bagh aziva, ikɨzir igharaziba ami moghɨn, uan mɨkarzibar ghor, egh mɨnedevir arɨzibagh isan markɨ.

Ofa Gami 21:5

“Eghtɨ ia ofa gamir gumaziba, aghuimazir arazimɨn gɨn mangɨva, uan dapanir arɨzir akuatabagh isan markɨ. Egh ghuamasɨzibar mɨriabagh isan markɨ. Egh aghuimazir arazim bagh tintinibar uan mɨkarzibar ghoran markɨ.

Jeremaia 16:6

Kɨ ghaze, nguazir kamɨn gumazamizir ziaba itiba, ko ziaba puvatɨziba sarama arɨghiregham. Eghtɨ gumazir men kuaba mozibar afamiba puvatɨgham. Eghtɨ gumazir me bagh aziva uan apangkuvim akakagh mɨkarzim aghorɨva, dapanir arɨzim gisamiba puvatɨgham.