Jeremaia 47:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ikiavɨra Itir God kamaghɨn mɨkeme: “Ia gan! Apaniba notɨn ikia uari akuvasava ami, mati notɨn amadaghan itir dɨpaba bar ekefe. Egha da bar puvɨra ivemara, dar aperiaba bar gavgafi. Apaniba nguazir kam avaragham, mati aperiam nguazim ko an itir biziba bar ada avegham. A nguibaba ko dar itir gumazamiziba saram avaragham. Kamaghɨn nguibar kabar gumazamiziba bar atiatingɨva, pamtemɨn dɨmɨva, bar puvɨram arangam.

Jeremaia 47:2 ပူးပေါင်းရင်းမြစ်များ

Jeremaia 46:20

Ikiavɨra Itir God kamaghɨn mɨgei, “Isipɨn kantri, mati bulmakaun amebar igiar bar dirim. Ezɨ dɨfuar bar kurar mam notɨn amadaghan ikegha iza a givi.

Jeremaia 8:16

Ezɨ apaniba notɨn amadaghan, Danɨn anabamɨn adarazir nguazimɨn otivigha gɨfa, ezɨ e hoziaba barazi me bar puv avɨghagha pamtemɨn arai. Ezɨ hoziar kaba araima, en nguazir oteviba ivazvazima, e bar puvɨrama atiati. E fo, apaniba Jerusalemɨn nguibam ko an tir gumazamiziba ko, bar en nguazimɨn itir biziba bar dagh gasɨghasɨghasa izi.”

Jeremaia 1:14

Ezɨ Ikiavɨra Itir God kamaghɨn na mɨgei, “Bizir kam a kamakɨn: Bizir bar kurar mam notɨn amadaghan ikegh izɨ, en nguazir kamɨn gumazamiziba bar me gasɨghasɨgham.

Akar Mogomem 17:15

Ezɨ ensel kamaghɨn na mɨgei, “Dɨpar nɨ ganizir kabanang, amizir arazir kurabagh amim dagh isɨn aperaghav iti, dar mɨngarimra kara: da mɨkarzir igharagha gariba ko, dakoziba bar dar gumazamiziba ko, kantriba bar dar gumazamiziba ko, vaghvagha akabav geir gumazamiziba.

Akar Mogomem 17:1

Ezɨ 7plan enselɨn itarir 7plan suighizir kabanangɨn mav iza kamaghɨn na mɨgei, “Nɨ kagh izɨ. Eghtɨ kɨ amizir ivezir kuram iniamim, nɨn akaghasa. Amizir kam, arazir kurabagh amir amizim, a dɨpar ekiar avɨribagh isɨn apiav itir amizim.

Jems 5:1

Ezɨ datɨrɨghɨn, bizir avɨriba itir gumazamiziba, kɨ akam ia mɨkɨmasa ifonge. Ia oragh! Ia osɨmtɨzir ekiar ia bativamibagh nɨghnigh, pamtem dɨmɨva arang ikɨ.

1 Korin 10:28

Eghtɨ tav ia mɨkɨm suam, “Dagher kaba, me da isa, marvir guabar ofa gami.” Eghtɨ ia gumazim o amizir ia mɨkemezim bagh nɨghnigh, daman markɨ. Ia pazɨ damuan markɨ.

1 Korin 10:26

E fo, Godɨn Akɨnafarim ghaze, “Nguazir kam ko an itir biziba bar, da bar moghɨra Ekiamɨn biziba.”

Nahum 1:8

An aperiar ekiamɨn mɨn, Niniven nguibar ekiam bar a gasɨghasigham. Egha gumazir an akam batoziba, a me mɨsozi me ariaghiri.

Daniel 11:22

Eghtɨ mɨdorozir gumazir avɨrim a mɨsoghsɨ izɨtɨ, a me dɨkabɨragh bar me a gevegham. Egh uaghan, a Godɨn Ofa Gamir Gumazibar Dapanir Ekiam dɨkabɨragham.

Jeremaia 48:39

Bar guizbangɨra, Moap bar bɨghiregham, eghtɨ gumazamiziba bar puv arangam. Moap, a aghumsɨzir gumazimɨn mɨn otoghɨva, uan guam modogham. Moapɨn boroghɨra itir kantribar gumazamiziba bizir kamɨn gantɨ, a Moapɨn otivtɨ, me bar atiatigh dɨbovir akar Moapɨn mɨkɨmam.”

Jeremaia 46:13

Babilonɨn Atrivim Nebukatnesar izɨ Isipɨn kantri ko mɨsoghamin dughiamɨn, Ikiavɨra Itir God akar mam isa uan akam inigha izir gumazim Jeremaia ganɨngi. Akar kam kamakɨn:

Aisaia 59:19

Ikiavɨra Itir God puv ingara, mati amɨnim iza dɨpam giverazɨ, dɨpam bar puvɨra ivemari moghɨn, Ikiavɨra Itir God izam. Eghtɨ nguazir kamɨn ruaghateviba bar dar itir gumazamiziba, aruem anadi naghɨn tugha ghua aruem uaghiri naghɨn, me Ikiavɨra Itir Godɨn ziar ekiam ko gavgavim gɨfogh, an ziamɨn atiating an apengan ikiam.

Aisaia 28:17

Kɨ Godɨn guizɨn arazim damightɨ, a mati gumazir mam bizimɨn ruarimɨn ababanim tuisɨghsɨ, benim amɨkɨrɨvagh bizimɨn ruarimɨn dɨbobonim gɨfogham, egh men araziba tuisɨgham. Eghtɨ arazir aghuim, mati gumazir mam bizibar osɨmtɨziba gan dagh foghsɨ, a skelɨn mɨn otogh ian akaba tuisɨgham. Ia ti ghaze, ian arazir ifavariba ian akuraghtɨ, ia deravɨra ikiam. Ezɨ puvatɨ. Kɨ bar dughiar kuram damightɨ a ia batogham. Egha ia, mati aperiar dafam otogha gumazamizibagh asɨghasɨghizɨ moghɨn, ia bar ikuvigh mangɨ mongamin danganiba puvatɨgham.

Aisaia 22:1

Ikiavɨra Itir God, Irebamɨn Mɨn Garir Biziba Otivamin Danganir Zarim bagh akar kam anɨngi. Ia Jerusalemɨn itir gumazamiziba, ia bar manmaghɨra nɨghnigha, dɨa nɨgɨnir dafam gamua, egha bar akonge? Ia uan dɨpenir inogoribar ghuavanega pamtem deima, ian nɨgɨnim nguibar ekiamɨn ruaghateviba bar dar ghu. Ian gumazir ariaghireziba, me mɨdorozir gumazir gavgavibar mɨn mɨsoghava ariaghirezir puvatɨ.

Aisaia 15:8

Bar guizbangɨra, me uarir akurvaghamin ararem bar ekevegha men kantrin danganiba bar dar ghu. Eklaimɨn nguibar ekiam ko, Berelimɨn nguibar ekiam ko, kantri Moapɨn itir nguibar ekiar avɨribar gumazamiziba, men ararem baraki. Guizbangɨra, Moapian ghuzim Dimonɨn dɨpam gizɨfa. Ezɨ Ikiavɨra Itir God kamaghɨn mɨgei, A uam puv Moapia damigham. Moapian arav ghueziba ko, kantri Moapɨn ikiavɨra itir varazira, a laionɨn bar kuram mɨkemeghtɨ, a izɨ bar me gasɨghasigham.

Aisaia 14:31

“Ia Filistian nguibar ekiaba ko, gumazamizir men itiba, ia bar moghɨram atiatingɨva, nɨghɨva akong puv aziva, pamtemɨn dɨm gan, mɨdorozir gumazir bar bɨzir dafam, notɨn amadaghan ikegha izi. Me izima, mati avir mɨturim men gɨrakɨrangɨn otifi. Mɨdorozir gumazir kaba, me mɨdorozir gumazir bar gavgaviba, ezɨ, men tav uabɨra gɨn izir puvatɨ, me bar moghɨra uari inigha izi.”

Onger Akaba 98:7

Nɨ ongarim, nɨ ko nɨn itir osiriba, ko bizir nɨn aven itiba, ia bar pamten dɨm mɨkɨm. Nɨ nguazim, nɨ ko nɨn itir gumazamiziba ko bizir nɨn itiba, ia bar onger akabar amu.

Onger Akaba 96:11

Nguazim ko overiam, gua bar akongegh, ongarim, nɨ bar akuegh egh nɨgɨnir dafam damu. Ia ongarimɨn aven itir biziba, ia uaghan bar akongegh.

Onger Akaba 50:12

Mɨtiriam nan aghɨtɨ, kɨ dagheba bagh ian azaraghan kogham. Guizbangɨra, nguazim ko bizir an itiba, da bar nan biziba.

Onger Akaba 24:1

Nguazir kam ko an itir biziba bar, da bar Ikiavɨra Itir Godɨn bizibara. Ezɨ nguazimɨn itir gumazamiziba bar uaghan an bizibara.

Jeremaia 6:22

Ikiavɨra Itir God kamaghɨn mɨgei, “Ia gan! Mɨdorozir gumaziba notɨn amadaghan ikegha izasava ami. Me bar gavgavigha, bar saghon ti. Egha me mɨsoghasa mɨdorozir biziba akɨra iti.

Jeremaia 46:12

Nɨn mɨdorozir gumaziba tintinibar are, egha me uarira uarigh ivezegha, uari inigha ire. Nɨ mɨdorozimɨn irɨgha bar aghumsɨki, ezɨ kantrin igharaziba nɨn aghumsɨzir akam baraki. Nɨn ararem bar nguazir kamɨn danganiba bar adagh izɨfa.”

Jeremaia 46:24

Kɨ Isipia isa notɨn amadaghan itir gumazibar dafarim gatɨzɨ, me bar aghumsɨki.”