Jeremaia 46:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia nan hoziaba, ia ivemar mangɨ. Ia nan karisba, ia bar puvɨra ivemar. Ia nan mɨdorozir gumazir gavgaviba, ia Itiopia ko Libian kantrining, ia aningɨn mɨdorozir gumaziba, ia oraba suizir gumaziba, ia Lidian kantrin pibar asir gumaziba, ia bar moghɨra mangɨ mɨsogh.’

Jeremaia 46:9 ပူးပေါင်းရင်းမြစ်များ

Esekiel 27:10

Persian kantri ko Lidia ko Libia, men marasi, nɨn mɨdorozir gumaziba. Me uan oraba ko dapanir asuaba nɨn dɨvazibar da gui. Gumazir kaba nɨn akuragha mɨsoghezɨ, nɨ ziar ekiam ini.

Aisaia 66:19

Eghtɨ kɨ men tongɨn ababanitam asaragh men akagham. Egh kɨ gumazamizir ikiavɨra itir varazira amangɨtɨ, me saghon itir arighatɨzibar gumazamizir igharaziba bagh mangam. Egh nan ziar ekiam ko gavgavimɨn gun gumazamizir tong oraghizir puvatɨzibav kɨmam. Kɨ kantrin kaba bagh me amangɨtɨ, me mangam, Tarsisɨn kantri ko, Pulɨn kantri ko, Lidian kantri, me barir pibar asir fofozir aghuim itir gumaziba. Egh Tubalɨn kantri, ko Grikɨn kantri, ko nguibar arighatɨzir ongarir torir saghon itiba, me bagh mangam. Gumazamizir ikiavɨra itir varaziran kabanang, kantrin kaba bagh mangegh nan ziar ekiam ko gavgavimɨn gun me mɨkɨmam.

Nahum 3:9

Ia ti fo, Tebes, kantri Isip ko, kantri Itiopian ruaghatevir mam gativagha aningɨn gari. Ezɨ kantrin tam an gavgavim abɨrazir puvatɨ. Ezɨ kantri Put ko, kantri Libia a ko, porogha mɨdorozibagh ami.

1 Korin 1:8

Krais Iesus gavgavim ia danɨngtɨ, ia gavgavigh mangɨ, dughiar abuananamɨn otoghtɨ, bizir kuratam en Ekiam Krais Iesus Uamateghamin Dughiamɨn ian ikian kogham.

Aposel 2:10

Ezɨ marazi Frigian Distrik ko Pamfilian Provinsɨn ize. Ezɨ marazi Isipɨn kantri, ko Libian Distrighɨn aven itir nguibar ekiam Sairinin boroghɨn ikegha ize. Ezɨ marazi Judan gumazir Romɨn nguibamɨn ikegha izeziba. Marazi Judaba, ezɨ marazi Kantrin Igharazibar Gumazamiziba, me Judan Arazibagh amua dar gɨn ghua, egha me uaghan, mati en marasi.

Jeremaia 47:3

Eghtɨ hoziaba ivemar izɨtɨ, dar suer puziba puvɨra nguazim mɨsogh tɨngaghɨtɨ, me da baragham. Eghtɨ me karisbar nɨgɨnim baraghtɨ da puvɨra ivemartɨ, dar wilba pamtemɨn tɨngagham. Eghtɨ gumazamiziba bar puvɨram atiatingɨva, aregham. Eghtɨ ameboghfeziaba onganigh uan boribagh nɨghnɨghan koghɨva, me mɨzuamighan kogham.

Jeremaia 30:5

“Kɨ Ikiavɨra Itir God, kɨ kamaghɨn mɨkeme: E orazima, gumazamiziba navir amɨrizimɨn itir puvatɨgha, bar atiatia dɨgavir kuram gamua bar puvɨram azi.

1 Eghaghaniba 1:11

Isip a ikɨzir kabar ovavim: Lidia, Anam, Lehap, Naptu,

Jenesis 10:13

Isip a ikɨzir kabar ovavim: Lidia, Anam, Lehap, Naptu,

Jenesis 10:6

Ezɨ Hamɨn otaribar ziabar kara: Kus, Isip, Libia ko Kenan.

Jeremaia 51:11

Ia Babilonɨn apaniba, ia mɨdorozim bagh mangɨsɨ uan afuziba amɨnɨva, oraba ini. Ikiavɨra Itir God ghaze, Babilonia an Dɨpenim gasɨghasɨki, ezɨ a ivezir kuramɨn me ikarvaghasa. Egh a Midian atrivibar nɨghnɨziba feghtɨ, me Babilonia mɨsogham. A tuavir kamra, bar Babilon gasɨghasigham.

Esekiel 30:4

Dughiar kamɨn apaniba izɨ Isipia mɨsogham. Eghtɨ Itiopiaba osɨmtɨzir ekiam iniam. Eghtɨ Isipɨn gumazamizir avɨrim arɨghiram. Apaniba bar a gasɨghasigh anekararightɨ a ikuvigh ikɨtɨ, me an itir bizir aghuiba bar da inigh mangegham.

Esekiel 30:5

“Mɨdorozimɨn aven, Itiopian gumazamiziba ko, Putɨn gumazamiziba ko, Lidian gumazamiziba ko, Libian gumazamiziba ko, nan gumazamiziba uaghan arɨmɨghiregham.