Jeremaia 42:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ E kamaghsua, Ikiavɨra Itir God, nɨn God, tuavir manamɨn e mangam, ko bizir tizir e damuamim, an e mɨkemegh.”

Jeremaia 42:3 ပူးပေါင်းရင်းမြစ်များ

Aghuzir Akaba 3:6

Bizir nɨ bar amiba, nɨ Ikiavɨra Itir Godra nɨghnɨgh egh dar amu, eghtɨ a tuavir aghuir nɨ mangamimra nɨn akagham.

Onger Akaba 86:11

Ikiavɨra Itir God, arazir kɨ gɨn mangasa nɨ ifongeziba, nɨ deravɨra dar nan sure damigh. Eghtɨ kɨ darara nɨghnɨgh, zurara dar gɨn mangɨ nɨn ziam fam.

Maika 4:2

Kantrin avɨribar gumazamiziba izɨ suam, “Ia izɨ, e Saionɨn Mɨghsɨamɨn mavanangam, a Ikiavɨra Itir Godɨn mɨghsɨam. Kar Jekopɨn Godɨn Dɨpenim. E mangɨtɨ a uan arazir a ifongezibar en sure damuam. Egh a uabɨ mɨsevezir tuavim, e an gɨn mangam.” E fo, Moses Osirizir Araziba, Saionɨn Mɨghsɨamɨn ikegh mangɨtɨ gumazamiziba a iniam. Guizbangɨra, Jerusalemɨn nguibam, kar danganir Ikiavɨra Itir God uan akam isɨ, uan gumazamizibar anɨngamim, eghtɨ me azenan mangɨ an akam akunam.

Jeremaia 6:16

Ikiavɨra Itir God uan gumazamizibav gɨa ghaze: “Ia tuavir akamɨn mɨtɨgh nɨghnigh, ia tuavir manam mangɨsɨ ifuegh, an mangɨ. Ia tuavir aghuir ian inazir afeziaba faragha ghuezim bagh gan an apigh an mangɨ. Ia tuavir kamɨn mangɨtɨ, bizitam osɨmtɨzim ia danɨngan koghtɨ, ian naviba purama amɨraghɨrɨgh nɨmɨra ikiam.” Ezɨ Israelia a ikaragha ghaze, “Ti puvatɨgham, E tuavir mamɨn gɨn mangan aghua.”

Esra 8:21

E Ahavan Fanemɨn boroghɨn ikiava, kɨ kamaghɨn gumazamizibav gei, “E dagheba ateghɨva uan Godɨn damazimɨn uari abɨnigham. Egh e Jerusalemɨn mangamin dughiamɨn, e uarir akuraghsɨ an azaraghtɨ, an e ko en boriba ko en bizibar ganam.”

Aisaia 2:3

Kantrin avɨribar gumazamiziba izɨ suam, “Ia izɨ e Saionɨn Mɨghsɨamɨn mavanangam, a Ikiavɨra Itir Godɨn mɨghsɨam. Kar Jekopɨn Godɨn Dɨpenim. E mangɨtɨ a uan arazir a ifongezibar en sure damuam. Egh a uabɨ mɨsevezir tuavim, e an gɨn mangam.” Moses Osirizir Araziba, Saionɨn Mɨghsɨamɨn ikegh mangɨtɨ gumazamiziba a iniam. Guizbangɨra, Jerusalemɨn nguibam, kar danganir Ikiavɨra Itir God uan akam isɨ uan gumazamizibar anɨngamim, eghtɨ me azenan mangɨ an akam akunam.

1 Atriviba 8:36

nɨ uan Nguibamɨn ikɨ, e Israelia, nɨn ingangarir gumazamiziba, en azangsɨziba baragh, en arazir kuraba gɨn amang. Egh nɨ uan arazir aghuibar en sure damu. Egh amozim amadaghtɨ a nguazir nɨ fomɨra e ganɨngizim girɨ.

Godɨn Araziba 5:29

Nan ifongiam, me zurara nɨghnɨzir kamra ikɨ nan apengan ikɨ zurara nan Akar Gavgavibar gɨn mangɨ. Eghtɨ men ingangariba deraghtɨ, men ovavir boriba, zurara deraghvɨra ikiam.

Godɨn Araziba 5:26

Nguazir kamɨn gumazitam ti Ikiavɨra Itir Godɨn tiarim barazi an avimɨn aven ikia mɨkemezɨ, an angamɨra en mɨn ikiavɨra ikez ti?

Onger Akaba 27:11

O Ikiavɨra Itir God, kɨ damuasa nɨ ifongezir araziba, nɨ dar nan sure damu. Kɨ apanir avɨriba iti, kamaghɨn nɨ tuavir aghuimra nan akaghtɨ kɨ an mangam.