Jeremaia 42:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Puvatɨ. E Isipɨn mangam. E Isipra ikɨtɨ, apaniba e mɨsueghan kogham. Eghtɨ gumazamiziba mɨsoghsɨ sɨghabagh iviva, en dɨman kogham. Eghtɨ e daghebar oteveghan kogham. E pura Isipɨn ikiam.’

Jeremaia 42:14 ပူးပေါင်းရင်းမြစ်များ

Jeremaia 41:17

Johanan men aku Isipɨn mangasava ami. Ezɨ me fo, Ismael Gedalia mɨsoghezɨ an areme, gumazir kam Babilonɨn atrivim Judan nguazim gativagh an ganasa anemɨsefe. Egha me atiatia nɨghnɨsi, Kaldiaba ti men otivizir biziba baregham, egh izɨ me gasɨghasigham. Kamaghɨn amizɨ, me Isipɨn mangasa ifonge. Egha me Betlehemɨn nguibamɨn boroghɨra, Gerut Kimhamɨn nguibamɨn otivigha iti.

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Jeremaia 4:21

Eghtɨ dughiar manatamra apaniba e ategh ua uan nguibabar mangam. Egh me manadɨzoghɨn sɨgham givia, nir avɨzim ghufer arazim ategham? Kɨ arazir kamra ikia ghua bar amɨra!”

Aisaia 31:1

Ia abuir gumaziba, ia kantri Isipɨn ghuava uarir akurvaghasa, men azangsɨsi, iavzika! Ia bar ikuvigham. Ia Isipian hoziaba ko men karisɨn avɨriba ko karisɨn suizir gumazir bar gavgaviba, ia nɨghnɨzir gavgavim dar iti. Ia ti ghaze, Isipia ian akuragham. Egha ia Israelian Godɨn Bar Zuezim, nɨghnɨzir gavgavim an itir puvatɨ. Egha ia uarir akurvaghasa Ikiavɨra Itir Godɨn azangsɨzir puvatɨ. Kamaghɨn amizɨ, ia bar ikuvigham. Iavzika!

Ua Me Ini 16:3

Me kamaghɨn aning mɨgei, “Kamaghɨn deraghai, Ikiavɨra Itir God, Isipra e mɨsueghtɨ e arɨmɨghiregh. E Isipɨn kantrin ikia dagher guar igharagha gariba uan ifongiabar da api. E mɨtiriaba sara ikɨ aremeghasa gua ifonge. Egha e inigha gumazamiziba puvatɨzir danganir kamɨn ize.”

Jeremaia 43:7

Egha me men akua bar Isipɨn ghu. Egha arazir kamɨn me Ikiavɨra Itir Godɨn akam batoke. Egha me ghua nguibam Tapanesɨn otifi, kar Isipɨn kantrin nguibar mam.

Aisaia 30:16

Egha ia ghaze, “Puvatɨ! E hoziabar apiagh puv arɨ mangam.” Ezɨ God ghaze, “Guizbangɨra, ia arɨ mangɨ!” Ia ghaze, “En hoziaba puvɨra ivemaram.” Ezɨ God ghaze, “Ian apanibar hoziaba bar puvɨra ivemar ian gɨntɨgham.”

Godɨn Araziba 29:19

Ia deraghvɨram oragh! Gumazitam kagh tughɨv ikɨ akar dɨkɨrɨzir kɨ ia ganɨdir kam baraghan aghuagh suam, a deraghvɨra iti, biziba puvatɨ. Eghtɨ ian tav akam batueghtɨ, an arazir kuram bar pazɨ ia damightɨ, gumazir kuraba ko aghuiba sara ikuvigham.

Dɨboboniba 16:13

Nɨ e mɨsueghtɨ e aremeghasa, nɨ Isipɨn nguazir aghuir biziba bar deragha aghuimɨn aven, e inigha gumazamiziba puvatɨzir danganir kamɨn ize. Egha nɨ datɨrɨghɨn ifaghata uabɨ amɨsevegha e gativaghasava ami.

Ua Me Ini 17:3

Ezɨ gumazamiziba dɨpam bagha kuariba bar me mɨsɨngizɨ, me mɨgɨrɨgɨar avɨribar Moses gimoba ghuavɨra iti. Egha me kamaghɨn a mɨgei, “Nɨ tizim bagha Isipɨn kantrin aven e inigha azenan ize? Nɨ ti kamaghɨn ifonge, e uan boriba ko asɨziba, e damamin dɨpaba puvatɨgh, kagh arɨghiregham, a?”

Dɨboboniba 14:3

Tizim bagha, Ikiavɨra Itir God e inigha Kenanɨn zui? Me en taraziv sueghtɨ, e arɨmɨghiregham. Me ti en amuiba ko boriba inightɨ, me men ingangarir gumazamizir kɨnibar mɨn otivigham. E ti uamategh Isipɨn mangɨtɨ deragham.”

Dɨboboniba 14:4

Egha me uariv gɨa ghaze, “E uari bagh gumazir dapanitam amɨseveghtɨ, an e inigh uamategh Isipɨn mangam.”

Godɨn Araziba 17:16

Ikiavɨra Itir God, ghaze, an gumazamiziba ua Isipɨn mangan an aghua. Kamaghɨn, atrivim uan mɨdorozir gumaziba ameghtɨ, me uam hoziar avɨribagh ivesɨ Isipɨn mangan markɨ.

Aisaia 30:2

Me Isipia ko akam akɨrasa nan nɨghnɨzim bagha nan azarazir puvatɨ, eghtɨ Isipian atrivim men akuragh men gantɨ, apaniba me gasɨghasighan kogham.