Jeremaia 41:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Me nguibar ekiamɨn aven ghuezɨ, Ismael uan adarazi ko me gumazir avɨrir kabav suegha, men kuaba akunizɨ me mozir dɨpar ekiar mam giraghue.

Jeremaia 41:7 ပူးပေါင်းရင်းမြစ်များ

Esekiel 22:27

“Ian gumazir aruaba, mati afiar atiaba asɨzim mɨsuegha uarir tongɨn an kuam getuima, a dɨghoraghire. Me bizir avɨriba ikiasa gumazibav suagharɨgha, egha ifara pura men biziba isi.

Aisaia 59:7

Ia zuraram arazir kuram damuasa bar ifonge. Egha ia zurara atamra ghua gumazamizir arazir kurabagh amir puvatɨzibav sozi, me ariaghiri. Ia bizir kurabara damuasa nɨghnɨsi. Egha ia gumazamizibar ikɨrɨmɨrim gasɨghasɨghasava arua bizibagh ami.

Onger Akaba 55:23

O God, gumazir gumazibav sozi me ariaghɨriba ko, gumazir ifariba, me uan igiabara ikɨvɨra ikɨtɨ, nɨ me batueghtɨ me mozir bar konimɨn magɨrɨgh bar ovengegh. Eghtɨ kɨ uabɨ nɨghnɨzir gavgavim nɨn ikɨ mamaghɨra ikiam.

Akɨnafarir Pol Romɨn Nguibar Ekiamɨn Itir Sios Bagha Osirizim 3:15

Me zurara atamra ghua gumazamizir arazir kurabagh amir puvatɨzibav sozi, me ariaghiri.

Aghuzir Akaba 1:16

Kamagh garir gumaziba zurara arazir kurabar amuasa bar ifonge. Egha zurara gumazibav soghtɨ me arɨghirasava ami.

2 Atriviba 15:25

Ezɨ Pekahian mɨdorozir gumazibar garir gumazir mam, an ziam Peka, a Remalian otarim. A Gileatɨn Distrighɨn 50plan gumaziba ko, Pekahia mɨsueghtɨ an aremeghasa akam akɨri. Dughiar kamɨn, Pekahia Samarian ikia uan atrivir dɨpenimɨn aven itir danganir gavgavim itima, gumazir kaba danganir kamɨn aven ghua, a mɨsoghezɨ, an areme. Egha me uaghan Argop ko Arie mɨsoghezɨ, aning areme. Ezɨ Peka, Atrivim Pekahian danganim inigha atrivimɨn oto.

Aisaia 14:19

Ezɨ nɨ puvatɨ. Nɨn kuam mati, gumazim temer aguam kurasa an anetugha anekunizɨ moghɨn, me nɨn kuam akunizɨma a mozim giraghu. Nɨn kuam tuavimɨn gumazir igharazir mɨdorozimɨn ovengezibar kuabar pozimɨn apengan iti. Ezɨ gumazamiziba a dɨka ivemara mangɨ izegh gami. Men duaba bar moghɨra, gumazir ovegha gɨvazibar mozimɨn, bar vɨn mar magɨram.