Jeremaia 40:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Egha me kamaghɨn a mɨgei, “Amonɨn kantrin Atrivim Balis, nɨ mɨsueghtɨ nɨ aremeghasa, Netanian otarim Ismael amadazɨ, a ize. Nɨ bizir kam gɨfo, o puvatɨ?” Ezɨ Gedalia men akam nɨghnɨzir gavgavim an itir puvatɨ.

Jeremaia 40:14 ပူးပေါင်းရင်းမြစ်များ

Jeremaia 41:10

Ezɨ gɨn, Ismael Mispan itir gumazamizir igharaziba inigha, Mispa ategha, men akua Amonɨn kantrin zui. Babilonɨn mɨdorozir gumazibar dapanim Nebusaradan, a faragha gumazamizir kaba, Mispan nguibamɨn me ataghizɨ me itima, a men ganasa Gedalia amɨsefe. Ezɨ Judan atrivimɨn guiviba uaghan men tongɨn iti.

Jeremaia 25:21

Ezɨ kɨ wainɨn kavɨn kam inigha ghua, Idomɨn kantri ko, Moapɨn kantri ko, Amonia ko,

Maika 7:5

Eghtɨ dughiar kamɨn otariba dɨbovir akabar uan afeziabav kɨmtɨ, guiviba uan amebabar akaba batogham. Eghtɨ paba itir amiziba, uan ivozir amebaba ko akabar uari adogham. Gumazamizibar anababa uari, men apanim ikɨva, men ikuvigham. Kamaghɨn amizɨ, nɨ uan namakam ko roroamɨn akaba, nɨghnɨzir gavgavim dar ikian markɨ. Egh nɨ uaghan uan amuim o uan pam mɨkɨmsɨ deraghvɨra nɨghnɨgh a mɨkɨm.

Jeremaia 40:8

Ezɨ gumazir dapanir kaba uan mɨdorozir gumaziba inigha, me Gedalian ganasa Mispan ghue. Gumazir dapanir kabar ziabar kara: Netanian otarim Ismael ko, Karean otarimning Johanan ko Jonatan, ko Tanhumetɨn otarim Seraia ko, Netofan nguibamɨn gumazim Efain otariba ko, Makan nguazimɨn gumazim Jesania.

Aisaia 26:10

Eghtɨ nɨ gumazamizibar araziba tuisɨgh gumazamizir kurabar apangkuvightɨ, me ti nɨn arazir derazibar fofozim inighan kogham. Egh me gumazamizir nɨn damazimɨn derazibar nguazimɨn ikɨva, me arazir kurar kabar amu mamaghɨra ikiam. Egh me Ikiavɨra Itir Godɨn ziar ekiam ko gavgavim gɨnɨghnɨghan koghɨva, an apengan ikian kogham.

Jeremaia 40:13

Ezɨ dughiar mamɨn, Karean otarim Johanan ko, Judan mɨdorozir gumazibar, gumazir dapaniba, me kantrin danganir mabar ikegha Gedalia bagha Mispan ize.

Jeremaia 41:1

Ismael a Netanian otarim, egha a Elisaman igiavotarim, egha a Judan atrivimɨn ikɨzir mam. An atrivimɨn gumazir dapanir faragha zuir mamɨn ike. Babilonɨn atrivim Judan gavmanɨn faragha zuir gumazimɨn ikiasa Gedalia amɨsefe, ezɨ azenir kamɨn, an namba 7ɨn iakɨnim otozɨ, Ismael 10plan gumaziba inigha, Gedalian ganasa Mispan ize. Egha me Gedalia ko apiagha apir dughiamɨn, Ismael 10plan gumaziba ko me dɨkavigha, uan mɨdorozir sababa inigha Gedalia mɨsoghezɨ an areme.