Jeremaia 40:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ dughiar kamɨn Judan marazi Moap ko, Amon ko, Idom ko kantrin igharazibar iti. Me kamaghɨn akam baraki, Babilonɨn atrivim gumazamizir varazira ataghizɨ me Judan nguazimɨn itima, ezɨ atrivim me gativagh men ganasa, Gedalia amɨsefe, a Ahikamɨn otarim, egha Safanɨn igiavotarim.

Jeremaia 40:11 ပူးပေါင်းရင်းမြစ်များ

Aisaia 16:4

E uari, e Moapian gumazamizir aragharuiba, ia e ateghtɨ, e izɨ ian tongɨn ian nguazimɨn ikiam. Eghtɨ ia en ganɨva e mueghtɨ, en apaniba e gasɨghasɨghan kogham! “E fo, osɨmtɨzir datɨrɨghɨn e bativir kaba gɨvaghtɨ, en apaniba en kantri ategh mangɨ ua pazɨ e damuan kogh,

Esekiel 35:15

Nan gumazamiziba, Israelɨn ikɨzim, ikuvigha itir dughiamɨn ia bar akonge. Kamaghɨra, ia Idomia, kɨ datɨrɨghɨn me batozir osɨmtɨzimɨn mɨrara bar moghɨra ia gasɨghasigham. Eghtɨ Seirɨn Mɨghsɨam ko ian kantrin danganiba, da danganir bar ikuvizibar mɨn otogham. Eghtɨ Israelia kamaghɨn fogh suam, kɨrara, kɨ Ikiavɨra Itir God.”

Esekiel 35:5

“Ia Idomia fomɨra Israelian apanim gami, egha kɨ ivezir kuram me ganɨdir dughiamɨn, apaniba iza me mɨsozima, ia apanibar akuragha Israelia mɨsoghezɨ me ariaghire.

Esekiel 25:12

Ikiavɨra Itir Godɨn Ekiam kamaghɨn mɨgei, “Idomia ikarvazir arazim gamua, egha bar arazir kurabar Judan ikɨzim gamizɨ, arazir kurar kam bar ekefe. Me osɨmtɨzir ekiam uari gatɨ.

Esekiel 25:8

Ikiavɨra Itir Godɨn Ekiam kamaghɨn mɨgɨa ghaze, “Ia Moapia ko Seiria ghaze, Ia gan! Judan ikɨzim, me mati kantrin igharazibar mɨrara iti.

Esekiel 25:6

“Kɨ Ikiavɨra Itir Godɨn Ekiam, kɨ kamaghɨn mɨgei: Ia Israelɨn nguazim bar an aghuagha, uan dafaribav sogha bar akuegha uari fa uari akuri.

Esekiel 25:2

“O nguazir kamɨn gumazim, nɨ Amonian nguazimɨn gan akam me gasɨ me mɨkɨm suam, me ikuvigham.

Esekiel 5:12

Kɨ ia isɨ 3plan okoruabar ia arigham. Eghtɨ namba 1ɨn okoruam, mɨtiriar ekiam ian aghɨtɨ arɨmariaba ia damutɨ ia nguibar ekiamɨn aven arɨghiregham. Eghtɨ namba 2ɨn okoruam, apaniba izɨ nguibar ekiamɨn azenan mɨdorozir sababar me mɨsoghtɨ me arɨghiregham. Eghtɨ namba 3ɨn okoruam, kɨ me aghamsigh tintinimɨn me amangightɨ me nguazimɨn danganiba bar dar mangeghtɨ, kɨ apanibar amamangatɨghtɨ me uan mɨdorozir sababa inigh men agɨntɨgh mangɨ me mɨsoghɨrarɨgham.

Esekiel 5:3

Egh nɨ arɨzir vabara ateghtɨ da ikɨtɨ, nɨ da inigh uan azenan itir korotiamɨn mɨriam gitorogh da isamigh.

Jeremaia 24:9

Eghtɨ Kantrin Igharazibar Gumazamiziba, kɨ Judan amizir biziba baregh, dɨgavir kuram damigh, egh bar atiatigham. Guizbangɨra, kɨ apaniba ameghtɨ me izɨ Judan gumazamizir ikiavɨra itibav sueghtɨ me arɨghiregham, eghtɨ tarazi dagheba puvatɨgh arɨghiram, eghtɨ arɨmariar kuram tarazigh asɨghasightɨ me arɨmɨghiram. Kɨ me batueghtɨ me tintinibar mangegham. Eghtɨ arazir kamɨn, kɨ nguazir ia ko ian ovavibagh anɨngizir kamɨn aven, kɨ bar ia agɨvagham. Eghtɨ kantrin igharazir kabar gumazamiziba, kɨ Judaba batoghezɨ me dar ghueziba, me pazɨvɨra me damuva me dɨpovam. Egh gumazamizir kaba uan apanibar atar akar kurabar me mɨkɨm suam, ‘Ia Judaba ikuvizɨ moghɨn, ia ikuvigham.’ ”

1 Samuel 12:12

“Dughiar kaba bar, Ikiavɨra Itir God, ian God, a uabɨra ian atrivimɨn ti. Egha ia garima, Amonian Atrivim Nahas iza ia ko mɨsoghasa. Ia Ikiavɨra Itir God ian atrivimɨn ikiasa ia ifongezir puvatɨ, egha ia kamaghɨn na mɨgei, ‘Markɨ, Nɨ e bagh atrivitam amɨsɨvasa e ifonge.’

1 Samuel 11:1

Ezɨ Amonian Atrivim Nahas, gɨn uan mɨdorozir gumaziba inigha Israelɨn itir Distrik Gileatɨn aven ize. Nahasɨn mɨdorozir gumaziba Jabesɨn nguibar ekiam koro, kamagh amizɨma Jabesɨn gumazamiziba kamaghɨn a mɨgei, “Nɨ mɨgɨrɨgɨatam e ko anekɨrightɨ, e nɨn apengan ikiam.”

Dɨboboniba 25:1

Israelia Sitimɨn danganir zarimɨn ikia, men gumazir maba ghuava, Moapian amiziba ko arazir kurabagh ami.

Dɨboboniba 22:1

Egha Israelia dɨkavigha danganir kam ategha ghua Moapɨn danganir zaribar otivigha, danganim aghuigha apia. Kar, Jordanɨn Fanemɨn aruem anadi naghɨn itir danganim, ezɨ nguibar ekiam Jeriko, Jordanɨn Fanemɨn vongɨn amadaghan iti.

Jenesis 36:8

Kamaghɨn, Iso ghua Seirɨn Mɨghsɨabar nguibamɨn apera. Idom, kar Ison ziar igharazim.

Dɨboboniba 25:2

Amizir kaba, Israelian gumaziba bagha akaba amaga ghaze, me izɨ me koma Moapian asebar ziaba famin ofabar amuam. Ezɨ Israelia ghua me ko asebar ziaba fava, ofabagh amua dar tuziba api.

Aisaia 11:14

Aning uaning inigh mangɨ aruem uaghiri naghɨn itir Filistiaba ko mɨsogham. Egh aning mɨsoghɨva aruem anadi naghɨn itir gumazamizibar bizir aghuiba iniam. Aning kantri Idom ko Moap ko, Amonɨn gumazamiziba dɨkabɨragh, kantrin kaba gativaghtɨ, me men apengan ikiam.

Jeremaia 9:26

Ia nguibar kabar gumaziba, kar Isipia, Judaba, Idomia, Amonia, Moapia ko gumazir pura gumazamiziba puvatɨzir danganimɨn ikia uan dapanir dakurir arɨzibagh isezɨ da oteveziba, gumazamizir kaba me gumazir God gɨfozir puvatɨziba. Ezɨ Israelia uaghan men arazibar gɨn zui. Israelian gumaziba uan mɨkarzir mogomer iniba aghoregha, uan navir averiabagh irazir puvatɨ. Egha me mati gumazir uan mɨkarzir mogomer iniba aghorezir puvatɨziba.”

Jeremaia 41:10

Ezɨ gɨn, Ismael Mispan itir gumazamizir igharaziba inigha, Mispa ategha, men akua Amonɨn kantrin zui. Babilonɨn mɨdorozir gumazibar dapanim Nebusaradan, a faragha gumazamizir kaba, Mispan nguibamɨn me ataghizɨ me itima, a men ganasa Gedalia amɨsefe. Ezɨ Judan atrivimɨn guiviba uaghan men tongɨn iti.

Jeremaia 43:5

Karean otarim Johanan uan gumazir dapaniba ko, me dɨkavigha, Judan gumazamizir ikiavɨra itir varazira, bar moghɨra me inigha zui. Gumazir kaba, ko amiziba ko boriba, apaniba fomɨra me batoghezɨ me kantrin igharazibar ghueziba, me fomɨra uamategha Judan nguazimɨn ize. Ezɨ datɨrɨghɨn Johanan uaghan, Judan atrivimɨn guiviba ko gumazamizir igharaziba ini. Kar Nebusaradan, Babilonɨn mɨdorozir gumazibar gumazir faragha zuim, me gativagh men ganasa Gedalia amɨsefe. Ezɨ datɨrɨghɨn Johanan ko gumazir dapaniba, Judan gumazamizir kaba ko, Godɨn akam inigha izir gumazim Jeremaia ko Nerian otarim Baruk, bar me inigha zui.

Esekiel 34:6

Nan sipsipba tintinibar arua mɨghsɨabar ghuavanadi. Egha pura tintinibar nguazir kamɨn danganiba bar dar zui. Ezɨ tav me bagha gara me burir puvatɨ.