Jeremaia 4:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ikiavɨra Itir God, Judaba ko Jerusalemia akam me mɨkɨnasa kamaghɨn na mɨkeme. An akam kamakɨn: “Ia kantrin danganiba bar dar mangɨ sɨgham givi. Egh gumazamizibar dɨm me mɨkɨm suam, ‘Ia izɨ bar moghɨra uari akuvagh, egh mangɨ dɨvazir gavgaviba itir nguibabar aven mangɨ uari mongegh.’

Jeremaia 4:5 ပူးပေါင်းရင်းမြစ်များ

Jeremaia 8:14

Eghtɨ Judaba kamaghɨn mɨkɨmam: “Manmaghɨn amizɨ e puram apia? E uari akuvagh mangɨ nguibar ekiar dɨvazir gavgaviba itibar aven mongam. Egh e nguibar kabar aven arɨghiram. E arazir kuramɨn Ikiavɨra Itir God gami, a en God. Ezɨ a ghaze, e ovengam. A ivezir kuram e danɨngam, mati gumazir mam marasinɨn kurar gumazibagh asɨghasɨzim me danɨngtɨ me aneremam.

Jeremaia 6:1

Ia Benjaminɨn anabamɨn adarasi, ia Jerusalem ategh arɨ mangɨ. Puvatɨghtɨ, ia bar ikuvigham. Ia Tekoan nguibamɨn aven sɨghabagh ivi mangɨ, Bet Hakeremɨn nguibamɨn avim atɨghtɨ an mɨgharim mavanangam, eghtɨ gumazamiziba an ganigh fogh arɨ mangam. Bizir kurar ia gasɨghasɨghamim notɨn amadaghan dɨkavigha, bar roghɨra izi.

Josua 10:20

Ezɨ Josua Israelia ko men agɨntɨgha me mɨsogha, bar moghɨra me agevima, men varazira zuamɨra ara ghua uan nguibar ekiabar aven mongeghav iti.

Hosea 8:1

Egha Ikiavɨra Itir God kamaghɨn mɨgei: “Ia mɨdorozim damusɨ sɨgham givi. Apaniba atamra izɨ nan Dɨpenim mɨsoghasava ami, mati kuarazir isam asɨzim iniasa zuamɨra mɨghegha nguazimɨn izaghiri. Guizbangɨra, nan gumazamiziba Akar Dɨkɨrɨzir Gavgavir kɨ me ko amizim abɨki, egha nan akam batoke.

Amos 3:8

Gumazim laion baraghtɨ, a pamten dazertɨ, a ti atiatingam, o? Eghtɨ Ikiavɨra Itir Godɨn Ekiam uan akam gumazitam danightɨ, an anekunan kogham o? Puvatɨ, an an gun mɨkɨmam.

Amos 3:6

Eghtɨ mɨdorozim nguibatamɨn aven otivsɨ, gumazamiziba fofoghsɨ me sɨgham giviam. Ezɨ ia manmaghɨn nɨghnɨsi, gumazamiziba atiatingam, o? Ezɨ kamaghɨra, nguibar ekiatam asɨghasɨzim a batogham. Ezɨ ia manmaghɨn nɨghnɨsi, Ikiavɨra Itir God ti asɨghasɨzir kam amadaz, o?

Jeremaia 35:11

Ezɨ dughiar Babilonɨn Atrivim Nebukatnesar iza nguibar ekiar kam ko mɨsozima, e Kaldia ko Sirian mɨdorozir gumazibar atiatingi, egha e Jerusalemɨn ikiasa akam mɨsoke. Kamaghɨn amizɨ, e datɨrɨghɨn Jerusalemɨn ikiavɨra iti.”

Jeremaia 11:2

“Nɨ deraghvɨra nan Akar Dɨkɨrɨzir Gavgavimɨn akaba baregh mangɨ Judaba ko Jerusalemɨn gumazamizibav kemegh:

Jeremaia 9:12

Ezɨ kɨ Jeremaia kamaghɨn Ikiavɨra Itir God mɨgei, “Nguazir kam tizim bagha ikuvigha gɨfa, egha gumazamiziba puvatɨzir danganimɨn mɨn iti? Gumazir manatam Ikiavɨra Itir God nɨghnɨzim a danightɨ, a bizir kamɨn mɨngarimɨn gumazamizibav kɨmam?”

Jeremaia 5:20

Ikiavɨra Itir God, kamaghɨn mɨgɨa ghaze, Nɨ akar kam isɨ Jekopɨn ovavir boriba ko Judan nguazimɨn itiba me danɨngigh:

Dɨboboniba 10:3

Ia dughiar ruarimɨn sɨghamning uaghara aning givitɨ, gumazamiziba bar izɨ na bativamin Purirpenimɨn tiar akamɨn uari akufagh.

Esekiel 7:14

Nan anɨngagharim gumazamizir kaba bar men iti. Kamaghɨn amizɨ, me mɨdorozim damusɨ sɨgham givi biziba akɨrɨva, men gumazitam mɨdorozim bagh mangan kogham.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.

Dɨboboniba 10:2

“Ia silvan taba inigh, haman dav sueghɨva, sɨghar pumuningɨn ingarigh. Egh gɨn dughiar gumazamiziba uari akuvamim, o dughiar ia danganim ategh igharagh mangamimɨn, ia aning giviam.

Aisaia 28:19

Dughiar kurar kaba ia ateghan kogham. Puvatɨ. Da dɨmagariba ko aruebar zurara ia bativ mamaghɨra ikiam, mati amizim bɨzimɨn uan dɨpenim zurara aneviavɨra iti.” Egh ia guizbangɨra Godɨn akar kabar mɨngaribagh foghɨva, puv atiating nɨgham.