Jeremaia 4:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ia Judaba ko Jerusalemia, ia na bagha uan mɨkarzir mogomebar inibar ghoregha na ko akam akɨrizɨ moghɨn, kamaghɨra ia na baghvɨra ikɨ uari isɨ na danɨng. Ia kamaghɨn damighan koghtɨ, nan anɨngagharim avir ekiamɨn mɨn otogh, ia amizir arazir kuram bagh ian isitɨ, gumazitam anemungueghan kogham.”

Jeremaia 4:4 ပူးပေါင်းရင်းမြစ်များ

Godɨn Araziba 10:16

Kamaghɨn amizɨ, ia uan navir averiabar aven akaba batozir arazim atugh a batokegh, mati gumaziba mɨkarzir mogomebar inibar ghori.

Kolosi 2:11

Ezɨ ia Kraisɨn poroghav ikia, mati ia uan mɨkarzir mogomebar inibar ghorir arazim ini. Ezɨ arazir kam, gumazitam uan dafarimɨn a gamizɨ an otozir pu. Puvatɨ. Krais uabɨ mɨkarzir mogomebar inibar ghorir arazir kam atɨ. Kraisɨn arazir kamɨn e, navir ghurimɨn gavgavir e ikiagharɨghɨzim, anetughavkɨnigha, a gɨn amadagha fɨriaghɨrɨ. Kar guizbangɨra mɨkarzir mogomebar iniba aghorir arazim.

Godɨn Araziba 30:6

“Egh Ikiavɨra Itir God, ian God, ia ko ian ovavir boribar amightɨ, men naviba zuegham, mati me gumazimɨn mɨkarzir mogomemɨn inim atuzɨ moghɨn, God arazir kuraba ian navir averiabar dar ghoregham. Eghtɨ ia Ikiavɨra Itir God, ian God, uan navir averiaba ko duaba sara bar a gifuegham. Egh kamaghɨn, ia nguazir kam dughiar ruarimɨn an ikiam.

Jeremaia 9:26

Ia nguibar kabar gumaziba, kar Isipia, Judaba, Idomia, Amonia, Moapia ko gumazir pura gumazamiziba puvatɨzir danganimɨn ikia uan dapanir dakurir arɨzibagh isezɨ da oteveziba, gumazamizir kaba me gumazir God gɨfozir puvatɨziba. Ezɨ Israelia uaghan men arazibar gɨn zui. Israelian gumaziba uan mɨkarzir mogomer iniba aghoregha, uan navir averiabagh irazir puvatɨ. Egha me mati gumazir uan mɨkarzir mogomer iniba aghorezir puvatɨziba.”

Amos 5:6

“Ia uamategh izɨ Ikiavɨra Itir God baghvɨra ikɨ, egh dabirabir aghuim iniam. Puvatɨghtɨma, a ian atarɨva avir mɨzariamɨn mɨn isi izighirɨ, ia Josepɨn ovavir boriba bar ian isigham. Avir kamra Betelɨn nguibam bar an isigham. Eghtɨ avir mɨzariar isir kam amungamin gumaziba puvatɨgham.”

Sefanaia 2:2

Puvatɨghtɨ, Ikiavɨra Itir God uan anɨngagharim akaghtɨ, ia ikuvigham mati akɨmariba mɨdɨi. Puvatɨghtɨ, Ikiavɨra Itir God ian ataram, eghtɨ an adarim avimɨn mɨn ian isiam.

Esekiel 20:33

Kɨ Ikiavɨra Itir Godɨn Ekiam, kɨ zurara angamɨra ikia mamaghɨra iti, kɨ uan ziamɨn bar guizbangɨra ia mɨgei, kɨ uan gavgavimɨn uan agharim ian amadagh uan anɨngagharim isɨ ia gingam, egh ian atrivimɨn ikiam.

Esekiel 24:13

O Jerusalem, mɨner kamɨn itir mɨneziba, da nɨn arazir mɨzɨrɨzibar ababanim gami. Kɨ zueghasa nɨ gamima, nɨ mɨzeghvɨra iti. Nɨ zueghan kogh ikɨ mangɨ dughiar nan anɨngagharim gɨvaghamimɨn tugham.

Esekiel 24:8

Kɨrara, kɨ ghuzim gamizɨ a dagɨar azenan itim gisɨn ikia mamaghɨra itima, kɨ an gari. Eghtɨ me modoghan kogham. Kamaghɨn amizɨ, kɨ men arazir kuram gɨnɨghnɨgh, puvɨram atarɨva a ikarvagham.

Esekiel 16:38

Nɨn arazir poroghamiba uari bakeir arazim ko gumazibav soagharɨzir arazim bangɨn, kɨ ivezir kuram nɨ danɨngam. Egh gumazibar ghuziba irezir bizir kurar kam ikarvagh, uan anɨngagharim akagh pazavɨra nɨ damightɨ, nɨ ovengam.

Esekiel 8:18

Kamaghɨn amizɨ, kɨ bar pazɨvɨra me damigham. Egh uan anɨngagharim anegɨvagham. Kɨ tong men apangkuv men asughasughan kogham. Me pamtem nan dɨmɨva arangam, eghtɨ kɨ bar me bareghan kogham.”

Esekiel 6:12

Men tarazi saghon ikɨ arɨmariaba bangɨn arɨmighiram. Eghtɨ tarazi roghɨra ikɨtɨ apaniba izɨ me mɨsoghtɨ me arɨmighiram. Eghtɨ angamɨra ikiavɨra iti darasi, mɨtiriar ekiam men aghɨtɨ me arɨmɨghiregham. Kamaghɨra, kɨ men anɨngaghegh bar ivezir kuram me danɨngam.

Jeremaia 36:7

Ikiavɨra Itir God atara bar gumazamizir kaba bar men anɨngaghe, egha bizir kuratamɨn me damuasa mɨgei. Eghtɨ gumazamiziba ti uan arazir kurar me amiba ategh, Ikiavɨra Itir God ko mɨkɨmtɨ, a men dɨmdiam baragham.”

Jeremaia 23:19

Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.

Jeremaia 21:5

Kɨ uabɨ bar ian anɨngaghegh ian atarɨva uan gavgavim sara ia mɨsogh bar ia gasɨghasigham.

Aisaia 51:17

O Jerusalemia, ia dɨkafigh. Ia dɨkavigh uamategh tugh gavgafigh. Ikiavɨra Itir Godɨn anɨngagharim, mati wainɨn kap a ia ganɨngi, egha a ia gamizɨ, ia bar anepava anegɨvagha, bar ongani.

Ofa Gami 26:28

kɨ bar anɨngaghegh, ian arazir kuraba bangɨn, dughiar bar avɨribar osɨmtɨzir bar ekiaba ua ia darɨgham.

Esekiel 21:17

Kɨ uaghan uan dafaribav sogh mamaghɨra ikɨ mangɨtɨ, nan anɨngagharim gɨvagham. Kɨ Ikiavɨra Itir God, kɨ mɨkemegha gɨfa.”

Esekiel 18:31

Arazir kurar ia amiba, ia bar ada atakigh. Egh nɨghnɨzir igiam ko navir igiam inigh. O Israelɨn ikɨzim, ia manmaghsuava ovengasava ami?

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

Akɨnafarir Pol Romɨn Nguibar Ekiamɨn Itir Sios Bagha Osirizim 2:25

Ia guizbangɨra Moses Osirizir Arazibar gɨn mangɨtɨ, ian arazir mɨkarzir mogomemɨn inim aghorim a dera. Egh ia Moses Osirizir Arazibar gɨn mangan koghtɨ, ian mɨkarzir mogomemɨn inim aghorir arazim pura bizimɨn oto.

Ofa Gami 26:41

Guizbangɨra, ia akɨrim ragha na gasarazɨ, kɨ osɨmtɨzim ia ganigha, ian apanibar nguazimɨn ia amada. Eghtɨ ian adarazi uan arazir akaba batozim ateghɨva, uari abɨnigh, egh uan arazir kurabar ivezir kuram inigh gɨvaghtɨ,

Aisaia 10:17

Ekiam, a Israelian Godɨn Bar Zuezim, a Israelian gumazamizibar angazangarimɨn mɨn iti. Egh Asiriaba, an avir bar dafamɨn mɨn otogh, men kantri daboroghtɨ, a isigham. Egh dughiar vamɨran, a Asirian oghevsevir kurabar apueghtɨ, da bar isigham.

Aisaia 30:33

Me Asirian atrivimɨn kuam tuasa avim arɨghasa mozir mam gɨkuigha gɨfa. Egha me mozir kam gɨtuima a bar vɨn mar iraghugha bar aroke, ezɨ me dazir avɨribar kuegha dar pozim mɨkɨni. Eghtɨ Ikiavɨra Itir God, an anɨngagharim pamtem otogh, mati amɨnim pamtemɨn avim giveraghtɨ, a bar puvɨra isigham.

Jeremaia 9:25

“Ikiavɨra Itir God ghaze, Gumazir uan mɨkarzir mogomebar iniba aghorezir kaba, men araziba azenan paza zui, egha me nan akamɨn gɨn zuir puvatɨ. Gumazir kaba, dughiam izɨtɨ kɨ puv me damigham.

Jeremaia 44:22

Ia arazir bar kuribagh ami, ezɨ gɨn Ikiavɨra Itir God ian arazir kurar kam bar a giporpore. Bizir kam bangɨn, a ian nguazim gamizɨ, a ikuvigha nguazir kɨnimɨn oto. Ezɨ gumazitam an itir puvatɨgha iza datɨrɨghɨn tu. Kamaghɨn amizɨ, Kantrin Igharazibar Gumazamiziba akar kurabar uan apanibav kɨmasa kamaghɨn mɨgei, ‘Ia Juda ikuvizɨ moghɨn, ia ikuvigham.’

Esekiel 44:7

Ia na bagha ofabagh amua asɨzir aghuiba ko, oviba ko, ghuziba na ganɨdir dughiabar, ia Kantrin Igharazibar Gumazamizibar amamangatɨzɨ me nan Dɨpenimɨn aven ize. Me uan mɨkarzir mogomebar iniba aghorezir puvatɨ, egha uan navir averiabar aven nɨghnɨzir gavgavim nan itir puvatɨ. Me nan Dɨpenimɨn aven ize, ezɨ tuavir kamɨn ia nan Dɨpenim gamizɨ, a nan damazimɨn mɨze. Ia arazir kurar kɨ bar aghuazir avɨribagh ami. Kamaghɨn amizɨ, ia nan Akar Dɨkɨrɨzir Gavgavim abɨki.

2 Eghaghaniba 34:25

Gumazamizir akɨrim ragha na gasarazir kaba, me asebar marvir guabar ofabagh ami. Ezɨ men arazir kurar kam na gamizɨma, kɨ puvɨram atari. Kɨ Jerusalemia bar men anɨngaghe, ezɨ nan anɨngagharir kam, a gɨvaghan kogham.

Jeremaia 15:14

Egh kɨ ian apanibar amightɨ me ia inightɨ ia pura men ingangarir gumazir kɨnibar ikɨ, nguazir ia fozir puvatɨzimɨn mangam. Nan anɨngagharir ian itim, kɨ a damightɨ an avim mɨn bar puvɨra ian isi ikɨ kamaghɨra ikiam.”