Jeremaia 4:31 - Godɨn Eghaghanim: Akar Gavgavir Dɨkɨrɨzir Ghurim ko Igiam

³¹ Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Jeremaia 4:31 ပူးပေါင်းရင်းမြစ်များ

Aisaia 1:15

“Egh ia uan dafariba fegh na ko mɨkɨmtɨ, kɨ ian ganan kogham. Egh ia dughiar avɨribar na ko mɨkɨmtɨ, kɨ uan kuarimning mɨgorogham. Guizbangɨra, gumazir ia mɨsoghezir ariaghireziba, men ghuziba ian dafaribar pueghavɨra iti.

Jeremaia 13:21

Eghtɨ gumazir nɨ namakabagh amigha akurvaghiziba, me izɨ nɨ dɨkabɨragh nɨ gativam. Eghtɨ nɨ manmaghɨn me mɨkɨmam? Nɨ amizim otasa mɨzazim isi moghɨn, nɨ ti mɨzazir bar kuram baragham.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

1 Korin 9:16

Kɨ Akar Aghuim akunɨva, uabɨ uan ziam fɨ bar akongeghan kogham. Puvatɨ. Akar aghuim akurir ingangarim, kar Ekiam na ganɨngizir ingangarim. Kɨ Akar Aghuim akunan kogh bar ikuvigham.

Matyu 21:5

“Nɨ akar kam isɨva Saionɨn nguibar ekiamɨn itir gumazamizibav kemegh. Ia gan, ian atrivimra mara, ia bagha izi! A gumazir kɨnir ziaba puvatɨzir mamɨn mɨn donkin mam gaperagha izi, kar donkin amebamɨn nguzir asem.”

Maika 7:1

Maia! Kɨ uabɨn apangkufi. Kɨ ti ovengam. Gumazamiziba mɨtiriaba men azi moghɨn, mɨtiriam nan azi, ezɨ kɨ temer ovɨzitam amasa da bagha tememɨn garima, da puvatɨ. Temer fighɨn ovɨziba ko, wainɨn ovɨziba, me bar ada inigha gɨfa.

Hosea 13:13

Israelia deravɨra ikian fɨrɨn, me onganigha egha aghua. Men arazir kam, mati borim amebamɨn navimɨn itima, amebam a batasava amima, an azenan otivan aghua.

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Jeremaia 49:24

Damaskusɨn gumazamiziba ua gavgaviba puvatɨ. Me mati amizir mam arasa atiatim a gamima an aran ibura. Me mɨzazir ekiam ko osɨmtɨzim iti, mati amizim borim batasa mɨzazim isi.

Jeremaia 49:22

Ia gan! Apaniba Bosran nguibam gasɨghasɨghasa puvɨra izi, mati isam mɨghegha pɨn ghuavanabogha, tuigha izaghira asɨzim iniasa avɨziba one. Eghtɨ dughiar kamɨn, Idomɨn mɨdorozir gumaziba atiatigh okam nɨghnɨgham, mati amiziba boriba batasa mɨzaziba barasi.”

Jeremaia 48:41

Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Jeremaia 45:2

“Baruk, nɨ oragh. Nɨ kamaghɨn mɨkeme, ‘Aio! Kɨ osɨmtɨzir avɨriba ko mɨzazir avɨriba iti, ezɨ Ikiavɨra Itir God ua nan osɨmtɨzibagh isɨvagha ghu. Kɨ ikiavɨra ikia, ghua bar iporpore. Nan osɨmtɨziba da gevir puvatɨ. Da kamaghɨra itima, kɨ bar amɨragha avughsaziba puvatɨ.’ Ezɨ Baruk, nɨ oragh. Ikiavɨra Itir God, Israelian God, nɨ mɨkɨmasa kamaghɨn na mɨkeme, ‘Kɨ Ikiavɨra Itir God, kɨ guizbangɨra mɨgei. Kɨ datɨrɨghɨn bizir kɨ ingariziba abɨsi. Ezɨ kɨ oparizir biziba, kɨ da asiam. Bizir kɨ bɨghɨva asiamin kaba, da bar nguazir kamɨn gumazamiziba bar me bativam.

Jeremaia 30:6

Manmaghɨn ami? Gumaziba ti boriba bati, a? Puvatɨgham. Ezɨ manmaghsua, kɨ gumazibar garima, me vaghvagha dafariba isa uan navibagh arɨki, mati amizim borim batasa mɨzazir ekiam isi moghɨn arai. Manmaghsua, men guaba igharagha otivigha gari, mati gumazim bar puvɨram atiati.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 18:21

Ezɨ datɨrɨkɨn, nɨ men boribar amutɨ, me dagheba puvatɨgh arɨghiregham. Egh apaniba ateghtɨ, me izɨ gumazitabav sueghtɨ me arɨghiregh. Eghtɨ gumazitaba arɨmariar kurataba ini arɨghirɨ. Eghtɨ gumazir igiaba mɨdorozimɨn arɨghirɨ. Kamaghɨn, men amuiba boriba ko paba puvatɨgham.

Jeremaia 15:18

Manmagh amizɨ mɨzazir kam nan ikiavɨra iti? Egha manmagh amizɨ, me osɨmtɨzim na ganɨgavɨra iti, mati duaba nan mɨkarzimɨn ikiavɨra ikia mɨdir puvatɨ? Kɨ garima, nɨ nan akurazir puvatɨ, mati gumazim mozir pam bagha ghua garima, a dakezɨ a tam amezir puvatɨ.”

Jeremaia 14:18

Kɨ nguibar ekiamɨn azenan ghua gari, mɨdorozimɨn ariaghirezir gumazibar kuaba irav iti. Egha nguibar ekiamɨn tuavibar aven arua gumazir dagheba otevezibar gari, me arɨava men mɨkarziba ikuvigha aghariba guni. Kɨ arua garima, akam inigha izir gumaziba ko ofa gamir gumaziba purama arua bizitam gɨfozir puvatɨ.’ ”

Jeremaia 10:19

Eghtɨ Jerusalemia kamaghɨn mɨkɨmam: “Maia, e ikuvigha gɨfa. Osɨmtɨzir ekiam e batogha duamɨn mɨn bar ekevegha mɨsɨngizir puvatɨ. Ezɨ markɨ, osɨmtɨzir kam e batogha gɨvazɨ e aneteram.”

Jeremaia 6:2

Saionɨn nguibar ekiam, mati guivir bar dirir mam, a nguibar ekiar bar aghuim. Ezɨ Ikiavɨra Itir God nguibar ekiar kam bar moghɨrama, a gasɨghasigh anegɨvagham.

Aisaia 42:14

Ikiavɨra Itir God ghaze, “Kɨ dughiar ruarimɨn uabɨn asugha aghumra ikia, bizitam gamizir puvatɨ. Datɨrɨghɨn, kɨ amizim navim asegha otasa mɨzazim isa arai moghɨn, kɨ pamten diava arai. Egha bar avɨghaghegha, nan akam ko nan atinim pamten amɨnim gekua aven ghua azenan izi.

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Aisaia 6:5

Ezɨ kɨ atiatigha ghaze, “Maia, kɨ ikuvigha gɨfa. Nan mɨzem zurara akar kurabav gɨavɨra iti, ezɨ kɨ gumazamizir mɨzer akar kurabav geiba ko iti. Kɨ arazir kurabagh amir gumazim, egha datɨrɨghɨn kɨ Atrivimɨn ganigha gɨfa, a Ikiavɨra Itir Godɨn Gavgaviba Bar Itim. Kɨ uan damazimningɨn an ganigha gɨfa, kamaghɨn amizɨ, kɨ aremegham.”

Onger Akaba 120:5

Maia! Kɨ uabɨn apangkufi! Kɨ Mesekia ko Kedarian tongɨn pazava aperazɨ moghɨn, ian tongɨn datɨrɨghɨn pazava apera.

Jopɨn Akɨnafarim 10:1

Jop ua kamaghɨn mɨgei: “Kɨ angamɨra ikian bar aghua. Kɨ aremeghtɨ deragham. Kamaghɨn kɨ uan navir averiamɨn aven itir osɨmtɨzir ekiar kamɨn gun mɨkɨmvɨra ikiam.

Jenesis 27:46

Ezɨ Rebeka Aisak mɨgɨa ghaze, “Kɨ Hitian amizir Ison itir kamningɨn aghua. Egh kɨ ti oveghtɨ Jekop uaghan Hitian amizir roghɨra itir katamɨn ikɨtɨ deragham.”

Aisaia 26:17

O Ikiavɨra Itir God, e mati amizim borim batasa mɨzazim isa pamtemɨn arai moghɨn, e nɨn damazimɨn mɨzazim isi.

Maika 4:9

Jerusalem, nɨ manmaghsua pamten arai? Nɨ tizim bagha amizim borim batasa mɨzazim isi moghɨn uabɨ barasi? Nɨ ti atriviba puvatɨ, a? Ezɨ nɨn fofozir gumaziba ti ariaghire, a?

Maika 4:10

Ia Jerusalemia, ia dɨmɨva arang, mati amizim borim batasa mɨzazim baragha, uabɨ gɨghavkɨravɨra iti. Ia datɨrɨghɨn nguibam ategh graziba itir danganimɨn mangɨ. Eghtɨ me ia inigh Babilonɨn mangam. Eghtɨ gɨn Ikiavɨra Itir God, ian apaniba da ua ia inigham.