Jeremaia 4:30 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁰ O Jerusalem, nɨ ikuvighamin dughiamɨn, nɨ manmaghɨn damuam? Nɨn gumazir fomɨra bar nɨ gifongegha nɨ ko akuir kaba, me datɨrɨghɨn nɨn aghuagha, nɨ mɨsueghtɨ nɨ aremeghasava ami. Kamaghɨn amizɨ, nɨ pura korotiar aghevir aghuibar aghuan markɨ, egh me golɨn ingarizir kurkazibar uabɨn kurkian markɨ, egh uan damazimning aghɨvan markɨ. Kurkazir kaba tong nɨn akuraghan kogham.

Jeremaia 4:30 ပူးပေါင်းရင်းမြစ်များ

2 Atriviba 9:30

Ezɨ Jehu uan adarazi ko me Ahasian agɨntigha gɨvagha, ua Jesrilɨn ize. Atrivir Amizim Jesebel danganir kamɨn ikiava, kamaghɨn akam baraki, Joram areme. Ezɨ Jesebel uan damaziba aghɨva uan dapanir arɨzim adɨi, egha atrivimɨn dɨpenimɨn aven tughav ikia, winduan beragha tuavimɨn gari.

Aisaia 10:3

God ian arazir kurar ia amir kaba ikarvagh, ia gasɨghasightɨ, ia manmaghɨn damuam? Dughiar kam, a kantrin saghon itimɨn gumaziba inigh izɨtɨ, me amɨnir gavgavimɨn mɨn izɨ ian bizibagh asɨghasɨghtɨ, ia manmaghɨn damuam? Ia ti ivegh mangɨ tina dama akurvazim iniam? Ian ziar ekiam ko bizir avɨrir ia iniziba, ia ti managh dar arɨghtɨ, da deraghvɨra ikiam? Bar puvatɨgham!

Esekiel 28:13

Nɨ mati Idenɨn azenimɨn iti, kar Godɨn azenir aghuim. Egha nɨ dagɨar guar avɨrir igharagha garir bar pɨn koziba uabɨn kurti. Me golɨn diriba inigha dagɨabar suizir golɨn kurkazibar ingari. Dagɨar kabar kara, rubi, topas, daimon, beril, kanilian, jaspa, sapaia, emeral koma ganet. Nɨ nguazimɨn otozir dughiamɨn, kɨ nɨ bagha dagɨar kaba bar dar ingari.

Jeremaia 13:21

Eghtɨ gumazir nɨ namakabagh amigha akurvaghiziba, me izɨ nɨ dɨkabɨragh nɨ gativam. Eghtɨ nɨ manmaghɨn me mɨkɨmam? Nɨ amizim otasa mɨzazim isi moghɨn, nɨ ti mɨzazir bar kuram baragham.

Aisaia 20:6

Dughiar kamɨn, Filistian gumazamizir ongarir mɨriamɨn itiba, me kamaghɨn uarira uariv kɨmam, ‘Maia! E kantrin gavgavir kamning, en akurvaghasa, e aningɨn azaragha ghaze, me en akuraghtɨma, Asiriaba ua izɨ e gasɨghasighan kogham. Ezɨ ia gan, kantrin kamningra datɨrɨghɨn ikufi. Ezɨ e Asirian mɨdorozir afuziba gitavɨraghan tuaviba ua puvatɨ.’ ”

Akar Mogomem 17:13

Atrivir kaba nɨghnɨzir vamɨra ikiam, egh uan gavgaviba ko ziar ekiaba isɨ asɨzir atiamra danɨngam.

Akar Mogomem 17:4

Amizir kam korotiar aghuibaram aghui, dar ganganim aghevim ko pɨghaghevim. Ezɨ golɨn dɨgɨrir bar aghuiba ko, me dagɨar aghuibar ingarizir dɨgɨriba ko, manmaniar ghurghurir dagɨaba pɨn koziba, amizir kamɨn mɨkarzim gizɨfa. Egha a uan dafarimɨn golɨn kavɨn mam suirazɨ, kavɨn kamɨn aven bar kurigha mughazir araziba ko, gumazamiziba tintinibar uari bakɨa amir arazir bar mɨzɨrɨzir kuraba, a gizɨfa.

Akar Mogomem 17:2

Nguazimɨn atriviba arazir mɨzɨrɨzir bar kurar avɨriba amizir kam ko dagh ami. Ezɨ nguazimɨn gumazamiziba uaghan a ko arazir bar mɨzɨrɨzibagh amua, mati gumazim wainɨn avɨrim amezɨ moghɨn ongani.”

Hibru 2:3

Ezɨ datɨrɨghɨn, God en akurazir arazim, a bizir bar ekiam. E akɨrim ragh Godɨn akurvazir arazim gasaraghɨva, e manmaghɨn arazir kuramɨn ivezim gitagham. Bar puvatɨgham. Ekiam uabɨ faragha en akurvaghasa mɨkeme, ezɨ gumazamiziba an akam baraki. Ezɨ me kamaghɨn mɨgɨa en aka, akar kamnagh a guizbangɨra.

Esekiel 28:9

Me izɨ nɨ mɨsoghamin dughiamɨn, nɨ ti kamaghɨn me mɨkɨm suam, kɨ godɨn mam. Nɨ mɨsoghamin adarazi izɨtɨ, nɨ men guamɨn gumazir kɨnimɨn otogh aremegh uam angamɨra ikian kogham. Dughiar kamɨn nɨ fogh suam, nɨ pura nguazir kamɨn gumazir kɨnim! Nɨ god puvatɨ.

Jeremaia 5:31

Kɨ garima, akam inigha izir gumaziba, uari uan akaba akuri, egha gumazamizibagh ifari. Ezɨ ofa gamir gumaziba, gumazamizibagh ativagha akam inigha izir gumazibar akar ifavarir kabar gɨn zui. Ezɨ nan gumazamiziba arazir kam bar a gifonge. Kɨ mɨzazir kuram ia gaseghtɨ ian arazir kurar kam gɨvagham. Eghtɨ dughiar kamɨn men tinara ian akuragham?”

Aisaia 33:14

Saionɨn itir gumazamizir arazir kurabagh amua Godɨn damazimɨn mɨzeziba, me bar atiatighava agoi. Egha me kamaghɨn mɨgei, “Ikiavɨra Itir Godɨn anɨngagharim, an avir bar gavgavimɨn mɨn isiava, biziba bar da gefi. An ofa gamir dakozimɨn itir avim zurara isia mamaghɨra iti. Ezɨ en tongɨn tinara a ko ikiam?”

Aghuzir Akaba 6:25

Nɨ amizir munamɨn mɨkarzir ganganir aghuimɨn ganɨva a gakongan markɨ. A nɨn ganɨva nɨ gekuightɨ nɨ a bagh mangan markɨ.

Aghuzir Akaba 7:10

Ezɨ amizir kam tuavimɨn amizimɨn mɨn kurukegha, gumazir kam gekuigh uabɨ mɨkɨnasa. Egha amizim ghuava a bato.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 30:14

Ia arazir kurar avɨribagh amigha osɨmtɨzir ekiam iti. Kamaghɨn amizɨ, kɨ ia gasɨghasɨki, mati gumazim uan apanimɨn apangkuvir puvatɨgha, a gasɨghasɨki. Kamaghɨn amizɨ, iavzika, gumazir fomɨra ian namakabagh amiziba, me ia gɨn amadagha gɨfa, egha me ua ia gɨnɨghnɨzir puvatɨ.

Obadia 1:7

Eghtɨ kantrin ia ko uari isa bizibagh amiba, me ia gifaram. Me ia batueghtɨma, ia uan kantrin ategh mangam. Eghtɨ kantrin deragha ia ko apiav itiba, me mɨdorozim ia ko a damuva ia abɨnam. Eghtɨ ian namakar aghuir ia koma apiba, me itarim giragh asɨzibar suizir azuazimɨn mɨn ia bagh aneguraghtɨ a ian suiragham, eghtɨ me suam, ‘Idomian fofozim managh iti.’ ”