Jeremaia 4:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

^27-28 Egha Ikiavɨra Itir God, kamaghɨn mɨgɨa ghaze, “Kɨ bizir kabar amightɨ da otivasa uan nɨghnɨzim gamigha gɨfa. Egh kɨ ua uan nɨghnɨzim giraghan kogham. Nguazir kam, kɨ a damightɨ a mangɨ bar danganir kɨnimɨn otogham. Egh kɨ bar a gasɨghasighan kogham. Eghtɨ bizir mɨngarir kam bagh, nguazim azirakar onger akabar amutɨ, overiam pɨn pɨghatomegham.”

Jeremaia 4:27 ပူးပေါင်းရင်းမြစ်များ

Jeremaia 46:28

Kɨ Ikiavɨra Itir God, kɨ kamaghɨn mɨgei: Kɨ ia ko ikɨ ian akurvagham. Kamaghɨn amizɨ, Ia Israelia, ia nan adarasi, ia nan ingangarir gumazamiziba, ia atiatingan markɨ. Kɨ ia batoghezɨ, ia ghua kantrin igharazibar tongɨn iti. Eghtɨ kɨ kantrin kaba bar me agevegham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Jeremaia 5:18

Egha Ikiavɨra Itir God, dughiar kamɨn ua kamaghɨn na mɨgei, “Apaniba dughiar kamɨn izɨ, egh Israelia bar me gasɨghasighan kogham.

Jeremaia 5:10

“Ia Israelian apaniba, ia mangɨ men wainɨn azenibar aruva dagh asɨghasɨgh. Egh bar dagh asɨghasɨghan markɨ. Purama adar aghariba aghoregh. Wainɨn ikarɨzir agharir kaba, da nan biziba puvatɨ. Kamaghɨn amizɨ, ia dar aghariba aghoregh.

Jeremaia 30:11

Kɨ Ikiavɨra Itir God, kɨ ia ko ikɨ ian akurvagham. Kɨ ia batoghezɨ, ia ghua kantrin igharazibar tongɨn itiba, kɨ bar me agɨvagham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Esekiel 11:13

Kɨ Godɨn akamɨn me mɨgɨavɨra itima, Benaian otarim Pelatia irɨgha maghɨrama areme. Ezɨ kɨ tevimning apɨrigha guam nguazim girɨgha pamten kamaghɨn dɨa mɨgei, “O Ikiavɨra Itir Godɨn Ekiam, manmaghɨn ami? Nɨ ti Israelian gumazamizir ikiavɨra itir varazira nɨ bar me kuvarɨmasa o?”

Ofa Gami 26:44

Egh ia apanibar nguazimɨn ikɨtɨ, kɨ bar ia ateghan kogh, bar ia gasɨghasɨghan kogham. Bar puvatɨ. Kɨ fo, kɨ kamaghɨn damightɨ, Akar Dɨkɨrɨzir Gavgavir kɨ ia ko amizir kam, a gɨvagham. Kɨ Ikiavɨra Itir God, ian God, kɨ arazir katam damighan kogham.

Esekiel 33:28

Kɨ nguazir kam damightɨ a ikuvightɨ gumazamiziba ko biziba an puvatɨgham. Egh kɨ me damightɨ, me uari fava amir ifaghatir arazim, a bar gɨvagham. Eghtɨ Israelɨn mɨghsɨaba bar ruaribagh avagh, mɨtemeghtɨ me dar aruan aghuagham.

Esekiel 6:14

Kɨ uan agharim men nguazimɨn anemadaghtɨ a bar moghɨra ikuvigham. Kɨ notɨn amadaghan Diplan nguibamɨn ikegh mangɨ gumazamiziba puvatɨzir danganir sautɨn itimɨn otogh, men nguaziba bar dar amightɨ, da gumazamiziba puvatɨzir danganibar mɨn ikiam. Kɨ men nguibatam ateghtɨ a ikian kogham. Da danganir kɨnibar mɨn ikiam. Eghtɨ gumazamiziba deravɨra na gɨfogh suam, kɨ uabɨ kɨ Ikiavɨra Itir God.”

Jeremaia 18:16

Kamaghɨn, men nguazim ikuvigha pura danganir kɨnimɨn mɨn iti. Eghtɨ Kantrin Igharazibar Gumazamiziba danganir kamɨn izɨ an ganigh, dapaniba rongɨva dɨbovir akabar me damuva mɨsoribar anɨngɨva, dɨgavir kuram damigh bar atiatigham.

Jeremaia 7:34

Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”

Aisaia 24:1

Ia deravɨram oragh! Ikiavɨra Itir God nguazim bar a gasɨghasɨghtɨ, a bar nguazir kɨnimɨn otoghtɨ gumazamiziba puvatɨgham. A nguazim dɨkaragh a rɨghɨrigham. Egh a gumazamizibar amightɨ, me arɨ tintinibar mangegham.

2 Eghaghaniba 36:21

Israelia fomɨra uan nguazimɨn ikia, egha 7plan azenibar vaghvagha dar aven azenir vamɨra avughsazim nguazim ganɨngizir puvatɨ. Kamaghɨn amizɨ, Ikiavɨra Itir God faragha Jeremaian akam garugha mɨkemezir akam, guizbangɨram otivasa, Israelia ghua 70plan azenibar Babilonɨn kalabuziabar mɨn iti. Ezɨ men nguazim puram avughsa iti.

Nehemia 9:31

Ezɨ nɨn apangkuvim bar ekefe, kamaghɨn nɨ akɨrim me gasarazir puvatɨgha, me ataghizɨ me bar ikuvizir puvatɨ. O God, nɨ bar en apangkufi, egha bar e gifonge!

Jeremaia 4:20

Kɨ garima, me kantrin aven itir danganiba bar dar gumazamiziba paza me gamua me gasɨghasɨzima, biziba bar moghɨra ikufi. Kɨ garima, me zuamɨra en purirpenibagh asɨghasɨki.

Jeremaia 9:11

Ezɨ Ikiavɨra Itir God na mɨgɨa ghaze, “Kɨ Jerusalem gasɨghasightɨ a irɨgh dagɨar pozim mɨtɨgham. Egh afiar atiabar danganimɨn otogham. Eghtɨ kɨ Judan nguibar igharazibagh asɨghasightɨ, nguibaba pura ikɨtɨ gumazamiziba dar ikian kogham.”

Jeremaia 25:11

Eghtɨ nguazir kam bar ikuvigh danganir kɨnim otogham. Eghtɨ 70plan azenibar, nan gumazamizir kaba, Babilonɨn atrivimɨn ingangarir gumazir kɨnibar ikiam.

Jeremaia 44:6

Kamaghɨn amizɨ, kɨ bar men anɨngaghegha, Judan nguibaba ko Jerusalemɨn tuaviba bar pazavɨra dagh amua dagh asɨghasɨki. Ezɨ me ikuvigha kamaghɨra iti.

Esekiel 20:17

“Egha kɨ men apangkuvigha, gumazamiziba puvatɨzir danganimɨn me gasɨghasɨzir puvatɨ.

Ofa Gami 26:31

Kɨ ian nguibar ekiaba ko dɨpenir ia asebar ziaba febagh asɨghasɨgh, ian ofabagh ifueghan kogham.

Aisaia 17:6

Egha me mati, temer oliv, gumazim aghorim inigha a mɨsogha olivɨn ovɨzir avɨriba ini, ezɨ datɨrɨghɨn olivɨn ovɨzir puningra an ghuamɨn itima, ovɨzir vaghvaziba an aguabar iti. Kɨ Ikiavɨra Itir God, Israelian God, kɨ mɨkemegha gɨfa.”

Sefanaia 1:18

Dughiar kamɨn, Ikiavɨra Itir God uan anɨngagharim akagham, eghtɨ men gol ko silva tong bar men akuraghan kogham. Bar puvatɨgham. An anɨngagharim, avimɨn mɨn otogh nguazimɨn ruaghateviba bar dar isigham. A zuamɨram otogh, nguazimɨn gumazamiziba bar me agɨvagham.