Jeremaia 4:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Ezɨ kɨ mɨghsɨabar garima, mɨkɨmkɨzim adagh nuabima, dar ghuaba mangɨgh zeghi gami.

Jeremaia 4:24 ပူးပေါင်းရင်းမြစ်များ

Esekiel 38:20

Ongarimɨn itir osiriba, ko overiamɨn itir kuaraziba, ko nguazimɨn itir asɨzir ekiaba ko doziba, ko gumazamizir nguazir kamɨn itiba, da bar nan damazimɨn puvɨra akongɨva atiatingam. Mɨghsɨaba irɨtɨ danganir kuraba bɨghiram, eghtɨ nguibar ekiaba avɨnizir dɨvaziba akarighiram.

Jeremaia 10:10

Ezɨ Ikiavɨra Itir God, a guizbangɨra God. A Godɨn zurara ikia mamaghɨra itim, egh atrivimɨn ikɨ mamaghɨra ikiam. Ezɨ an anɨngagharim nguazim gamima, a ivazvasi, eghtɨ gumazamiziba deraghvɨra ikian kogham.

Aisaia 5:25

Ikiavɨra Itir God uan gumazamizibar anɨngaghe. Egha datɨrɨghɨn uan agharim ghufegha me gasɨghasɨghasa gara iti. A dughiar vamɨran agharim akunightɨ, mɨkɨmkɨzim otoghtɨ, mɨghsɨaba ivazvaghtɨ, gumazamizir bar avɨrim arɨghiregham. Eghtɨ men kuaba nguibar ekiamɨn tuavibar buarir pozibar mɨn pura tintinibar ireghɨv ikiam. Ikiavɨra Itir God kamaghɨn damuam, eghtɨ bizir kam an anɨngagharim agɨvaghan kogham. Puvatɨ. A ivezir kuram isɨ me danɨngvɨra ikiam.

Maika 1:4

Eghtɨ mɨghsɨaba an suemningɨn apengan dɨpabar mɨn otivigham, mati kendel isia amera izaghira dɨpamɨn mɨn emɨri. Mɨghsɨar kaba, irɨ danganir zaribar otivigham, eghtɨ dagɨaba poghpogh izighirɨ, mati dɨpam mɨghsɨabar ikegha ivemara izaghiri.

Onger Akaba 97:4

An onɨmaribar angazangaribagh ami, da nguazimɨn taghtazima, nguazim nɨghava agoi.

Onger Akaba 18:7

Kamaghɨn amizɨ, a nan apanibar atari. Egha mɨkɨmkɨzim gamizɨ an otogha, mɨghsɨabagh inobaghnobasi.

1 Atriviba 19:11

Ezɨ Ikiavɨra Itir God a mɨgɨa ghaze, “Kɨ Ikiavɨra Itir God, kɨ mɨghsɨamɨn boroghɨra izɨ mangam, kamaghɨn amizɨ, nɨ azenan mangɨva mɨghsɨamɨn pɨn nan damazimɨn tugh.” Ezɨ Elaija garima, Ame! Ikiavɨra Itir God iza zui! Ezɨ amɨnir bar gavgavir mam, iva iza Ikiavɨra Itir Godɨn guamɨn mɨghsɨaba ko dagɨaba abɨagharɨsi. Ezɨ Ikiavɨra Itir God amɨnir kamɨn aven itir puvatɨ. Amɨnim iva iza ghugha gɨvazɨ, mɨkɨmkɨzim oto. Ezɨ Ikiavɨra Itir God, mɨkɨmkɨzir kamɨn aven itir puvatɨ.

Habakuk 3:6

A ghua tuzɨ dughiamɨn, nguazim bar moghɨra ivazvasi. Egha a ghua kantribar gumazamizibar garir dughiamɨn, me atiatiava agoa puvɨra nɨsi. Egha a fomɨra itir mɨghsɨar ekiar bar gavgavibagh amizɨ, da pura dɨpɨra uaghiri. Egha a mɨghsɨar muziarir a fomɨra isɨn aruizibagh amizɨ, da isɨvagha uaghiri.

Jeremaia 8:16

Ezɨ apaniba notɨn amadaghan, Danɨn anabamɨn adarazir nguazimɨn otivigha gɨfa, ezɨ e hoziaba barazi me bar puv avɨghagha pamtemɨn arai. Ezɨ hoziar kaba araima, en nguazir oteviba ivazvazima, e bar puvɨrama atiati. E fo, apaniba Jerusalemɨn nguibam ko an tir gumazamiziba ko, bar en nguazimɨn itir biziba bar dagh gasɨghasɨghasa izi.”

Onger Akaba 77:18

Nɨn arariba amɨnir ekiamɨn tongɨn dagarvasi. Ezɨ onɨmariba taghtagha bar nguazim gisɨsi, ezɨ nguazim mozorogha sɨvaghsɨvasi.

Akar Mogomem 6:14

Overiam mati, akɨnafarir bar dafam me a righa anetɨzɨ moghɨn, a uan danganim ataki. Ezɨ mɨghsɨaba ko arighatɨziba bar uan danganiba ategha, sɨvagha ghue.

Ua Me Ini 19:18

Ezɨ Ikiavɨra Itir God avimɨn aven ikia, egha izaghira Sainain Mɨghsɨamɨn iti, ezɨ mɨgharir ekiam mɨghsɨam bar anevara. Mɨgharir kam ghuavanaga, mati avir ekiamɨn mɨgharim ghuavanadi. Ezɨ mɨkɨmkɨzir ekiam mɨghsɨamɨn oto.

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Aisaia 13:13

Dughiar kamɨn, kɨ Ikiavɨra Itir Godɨn Gavgaviba Bar Itim, uan anɨngagharir bar dafam sara izam. Egh kɨ overiam ko nguazim damightɨ, aning nɨgham, eghtɨ nguazim isɨvagh uan danganim ategham.”

Aisaia 24:20

Nguazim ivazvagh, mati gumazim wainɨn dɨpam apava onganigha mangɨn izegh gami. Egh mati averpenir muziarimɨn mɨn, amɨnir gavgavim a givaima, a mangɨn izegh damuam. Gumazamizibar arazir kuramɨn osɨmtɨzim, bar osemezɨ nguazim an ateran ibura. Kamaghɨn amizɨ, nguazim irɨgh, ua dɨkavighan iburagham.”