Jeremaia 4:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Jeremaia 4:22 ပူးပေါင်းရင်းမြစ်များ

1 Korin 14:20

Nan adarasi, ia aghɨribar mɨn nɨghnɨgh ikian markɨ. Ia borir iririvibar mɨn arazir kurabagh ami puvatɨzɨ moghɨn ikɨ. Eghtɨ ian nɨghnɨziba, da gumazamizir aruabar nɨghnɨzibar mɨn ikɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 16:19

Gumazamiziba bar kamaghɨn oraki, ia Akar Aghuim inigha deravɨra an gɨn zui. Kamaghɨn amizɨ, kɨ ia bagha bar akonge. Kɨ kamaghɨn ifonge, ia arazir aghuiba bar adagh fogh, egh arazir kurabar amuamin fofoziba puvatɨgham.

Jeremaia 5:21

Ia gumazamizir nɨghnɨzir aghuiba ko foziba puvatɨziba. Ia damaziba ikia, bizibar garir puvatɨ. Egha ia kuariba ikia, biziba barazir puvatɨ. Ia datɨrɨghɨn kuariba arigh deraghvɨra nan akaba baragh.

Akɨnafarir Pol Romɨn Nguibar Ekiamɨn Itir Sios Bagha Osirizim 3:11

Gumazitam fofozir aghuim itir puvatɨ. Gumazitam God buri puvatɨ.

Hosea 4:6

Nan gumazamiziba nan akamɨn gɨn zuir puvatɨ. Kamaghɨn amizɨ, me ikuvigham. Ia ofa gamir gumaziba uaghan, nan gɨn zuir puvatɨ, egha nan fofozim batuegha gɨfa. Kamaghɨn amizɨ, kɨ ia batuegham. Egh ian otariba ateghtɨ, me nan ofa gamir gumazibar ikian kogham.

Akɨnafarir Pol Romɨn Nguibar Ekiamɨn Itir Sios Bagha Osirizim 1:22

Me ghaze, me fofozir aghuim iti. Me guizbangɨra puvatɨgha, ongani.

Hosea 5:4

Israelia uan God ategha asebar ziaba fema, men arazir kam tuavir amizimɨn arazibar mɨn iti. Arazir kam me gativagha, pamten men nɨghnɨziba ikiagharɨsi, eghtɨ me uamategh uan God bagh izeghan kogham.

Jon Osirizir Akar Aghuim 16:3

Me Afeziam gɨfozir puvatɨgha, uaghan na gɨfozir puvatɨ. Kamaghɨn me arazir kabar amuam.

Maika 2:1

Ia gumazir dɨmagaribar akui puvatɨgha, arazir kurabar amuasa nɨghnɨgha itiba, amɨnim tirazɨ arazir kurar kam damuamin tuavim otozɨ, ia zuamɨrama a gami. Ia kamaghɨn amir gumazamiziba iavzika! Ia bar ikuvigham.

Godɨn Araziba 32:28

“Israelian gumazamiziba, nɨghnɨzir aghuiba men itir puvatɨ. Men nɨghnɨziba otevezɨ me bar ongani.

Akɨnafarir Pol Romɨn Nguibar Ekiamɨn Itir Sios Bagha Osirizim 1:28

Me Godɨn guizɨn fofozim suiragh a gɨnɨghnɨghan aghua, kamaghɨn God me ataghizɨ, me uan nɨghnɨzir kurar mɨzɨrɨzibar gɨn ghua arazir bar kurar e damuan koghamibagh amua, nɨghnɨziba bar ikufi.

Jeremaia 13:23

Eghtɨ Itiopian kantrin gumazamiziba, men mɨkarzir pɨziba, mɨkarzir ghurghuribar otivam, ti puvatɨ. Eghtɨ kaziar atiam, me a dɨbora ghaze, lepat, a ti uan mɨkarzir dighdiriba itiba giragham, a? Bar puvatɨ. Kamaghɨra, arazir kurar kam, nɨn arazimra, ezɨ nɨ aneteghan kogham.

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Aisaia 1:3

Bulmakauba uan ghuavibagh fo. Ezɨ donkiba men ghuaviba dagheba me ganɨdi me apir danganibagh fo. Ezɨ nan gumazamiziba, Israelia, me kamaghɨn na gɨfozir puvatɨ, kɨ me geghufi. Ezɨ bulmakauba ko donkiba, dar fofozim bar men fofozim gafira.”

Jeremaia 5:4

Ezɨ kɨ ghaze, Gumazamizir kaba, pura onganarazibagh amir gumazamizibar mɨn ikia, egha fofoziba bar men puvatɨ. Egha me Ikiavɨra Itir God, men God, a me damuasa ifongezir araziba, me deravɨra dagh fozir puvatɨ. Kamaghɨn, me arazir onganibagh ami.

Luk Osirizir Akar Aghuim 16:8

“Nguazir kamɨn gumazamiziba me amir ingangariba me bar dagh fo. Egha angazangarimɨn itir gumazamiziba bar me gafira. Ezɨ kamaghɨn gumazir ekiam gumazir dapanim amizir arazim gɨfogha, gumazir dapanir kurar kamɨn ziam fe. A gumazir nɨghnɨzir aghuim itimɨn arazim gami.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Godɨn Araziba 32:6

Ia bar onganigha fofozitam tong ian dapanibar itir puvatɨ. Ikiavɨra Itir God, a ian afeziam. A ian ingarizɨ ia otivigha datɨrɨghɨn ikɨzir mamɨn mɨn oto. Ezɨ kar ti ia an arazir aghuiba ikarvaghasa, arazir kurar kamɨn a gami.

2 Samuel 13:3

Egha Amnon namakar mam iti, an ziam Jonadap. A Devitɨn avebam Saman otarim, a bizibav kɨmtɨ, dar dagheba guizbangɨrama otivamin fofozir ekiam iti.

Onger Akaba 36:3

Men akatoribar akaba ikuvizɨ, me zurara bizibagh ifari. Egha arazir aghuibara amuamin fofozir aghuitam itir puvatɨ.

Onger Akaba 53:4

God kamaghɨn mɨgɨa ghaze, “Gumazamizir arazir kuram gamiba, nɨghnɨzir aghuitam men itir puvatɨ. Me bret apava anegevi moghɨn, me nan gumazamiziba a gefi. Egha me tong na ko mɨgeir puvatɨ.”

Onger Akaba 82:5

“Me nɨghnɨzir aghuitam men itir puvatɨzɨ, me bizitam gɨfozir puvatɨ. Me mɨtatemɨn nguazir kam garua, arazir aghuitam gumazamizibar akurvaghasa a gamir puvatɨ.

Jeremaia 2:8

Ezɨ nan ofa gamir gumaziba uaghan na gɨnɨghnɨzir puvatɨ. Ezɨ Moses Osirizir Arazibagh fozir gumaziba, me uaghan na gɨfozir puvatɨ. Ezɨ ian atriviba, me akɨrim ragha na gasara. Ezɨ ian akam inigha izir gumazamiziba me asem, Bal, an ziamɨn gun mɨgei. Me bar moghɨra bizir kɨnir men akurvaghan koghamibar ziaba fe.”

Jeremaia 4:21

Eghtɨ dughiar manatamra apaniba e ategh ua uan nguibabar mangam. Egh me manadɨzoghɨn sɨgham givia, nir avɨzim ghufer arazim ategham? Kɨ arazir kamra ikia ghua bar amɨra!”

Jeremaia 9:3

Ikiavɨra Itir God na ikaragha ghaze: “Mati gumazim pir baribar asɨva amangasa ami moghɨn, ifavarim nan gumazamizibar akatoribar otiv mangasava ami. Egha men ifavarir arazim, men kantrin bar ekefe. Ezɨ nan gɨn zuir guizɨn arazim a itir puvatɨ. Akar ifavarim bar ekefe. Ezɨ me nɨghnɨzir gavgavim nan itir puvatɨ.”

Esekiel 16:30

“Kɨ Ikiavɨra Itir Godɨn Ekiam, kɨ kamaghɨn mɨgei, Nɨ uan ifongiamɨn gɨn ghua, aghumsɨzir puvatɨgha tuavimɨn amizimɨn mɨn ami. Mati, nɨn navir averiamɨn aven, arɨmariar ekiam an iti.

Amos 3:10

Ikiavɨra Itir God kamaghɨn mɨgei, “Samarian gumazamiziba okɨmakɨar arazim ko mɨdorozir arazim gamua, pura bizir avɨriba isa ghua uan dɨpenir gavgavibagh arɨzi, da bar izefe. Me guizbangɨn arazir aghuibar amuan fofoziba bar puvatɨ.”

Jenesis 39:16

Egha Potifarɨn amuim Josepɨn saketɨn suira. A ikɨtɨ an pam izɨ dɨpenimɨn otoghtɨ, an an akagham.

Onger Akaba 36:4

Me uan mɨsiabagh irav ikia arazir kurabara damuasa nɨghnɨsi. Me zurara tuavir kuramɨn nɨghnɨzibar gɨn mangasavɨra nɨghnɨsi. Egha tong akɨrim ragha arazir kuratam gasarazir puvatɨ.

Aghuzir Akaba 28:5

Gumazamizir arazir kurabagh amiba, me arazir aghuiba deragha da tuisɨgha fozir puvatɨ. Ezɨ gumazamizir Ikiavɨra Itir Godɨn gɨn mangasa ifongeziba, me arazir aghuim tuisɨgha bar a gɨfo.

Jeremaia 9:2

Kamaghɨn deragham, kɨ ti gumazamiziba puvatɨzir danganitamɨn mangɨ tuavir mɨriamɨn averpenir gumaziba daru dakuamin tamɨn ingarigh, an aven ikiam. Nan gumazamiziba bar, Godɨn itir nɨghnɨzir gavgavimɨn arazim anetegha, asebar gɨn ghua arazir mɨzɨrɨzibagh ami. Kamaghɨn amizɨ, kɨ ti me ategh mangɨ saghon ikiam.

Jeremaia 9:5

Gumazamiziba bar moghɨra uan adarazigh ifara, egha guizɨn bizitam mɨgeir puvatɨ. Men mɨzeba ifavarir arazim bar a gɨfozɨ, me arazir kurar kam gamua ghuavɨra iti. Me uarigh ifarir arazir kam, uarira uarir akakasi. Egha me uan navibagh iraghan aghua.

Maika 7:3

Gumazamizir bar arazir kurabagh fogha dagh amiba, me zuraram arazir kurabagh ami. Gavmanɨn ingarir gumaziba ko, jasba kotɨn dughiamɨn, me gumazamizibar azangsɨzima, me moga dagɨabar me giveza me gakaghorima, me paza kotiaba barasi. Gumazir ziar ekiaba itiba pura uan ifongiabar jasbav geima, jasba guizɨn arazim ategha pura gumazir kurar kabar ifongiabar gɨn zui.