Jeremaia 4:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ kɨ Jeremaia, kɨ Ikiavɨra Itir Godɨn akamɨn, kamaghɨn gumazamizibav gei, “Ia gan! Apaniba ghuariar pɨzimɨn mɨn pɨghatome, men mɨdorozir gumazibar karisba, mati amɨnir bizibagh asɨghasɨzim pamten iza tɨngagha nɨdi, ezɨ men hoziaba mati kuarazir bagabar mɨn akɨzɨrɨgha bar puvɨra izi. Evzika! E datɨrɨghɨn bar ikuvigha gɨfa.

Jeremaia 4:13 ပူးပေါင်းရင်းမြစ်များ

Aisaia 19:1

Isipia bar ikuvighasa, Ikiavɨra Itir God akar kam me bagha an anɨngi. “Ia gan! Ikiavɨra Itir God ghuariam gisɨn aperaghav ikia, ivegha akɨgha Isipɨn kantrin izi. A izɨ otoghamin dughiamɨn, Isipian aseba, bar puvɨra nɨghtɨ, Isipian gumazamiziba bar puvɨram atiatingɨva, gavgaviba amɨragh magɨrɨgh bar gɨvagham.”

Aisaia 66:15

Ia gan! Ikiavɨra Itir God avim sara izam, mati a uan karis daperagh amɨnir bar gavgavimɨn mɨn bar puv akɨgh izam. Eghtɨ an anɨngagharimɨn avivzariaba, an apanibar isitɨ, a ivezir kuram me danɨng, bar me agɨvagham.

Habakuk 1:8

“Men hoziaba bar puvɨra ivemari, egha me asɨzir atiar ruarimɨn ikia puvɨra ivemaribagh afira. Egha hoziar kaba bar puvɨra mɨsosi, ezɨ me mɨsozir arazim, afiar atiabar mɨdorozir arazim gafira. Hoziar kaba uari fa, uari akuri, ezɨ mɨsoghamin gumaziba, me hoziar kabagh apiagha, nguibar bar saghon itibar ikegha, mɨdorozim foreghasa izi. Me bar puvɨram akɨgh izam, mati kuarazir isam nguazim gisɨn uan asɨzimɨn apigha a mɨsuegh anemasa, pura tuigha iraghu.

Aisaia 5:28

Men bariba bar ghumizɨ, me pibar afegha, egha asasavɨra gara iti. Men hoziaba bar gavgafi, ezɨ men hoziabar dagarir puziba mati dagɨar bar gavgaviba egh bɨghiran kogham. Men karisba bar puvɨram akɨzɨrɨsi, ezɨ dar wilba amɨnir ekiamɨn mɨn ivemari.

Nahum 1:3

Ikiavɨra Itir God a zuamɨram atarir puvatɨ. A Godɨn Gavgavir Ekiaba Itim, egha a zurara arazir kurabagh amir gumazamiziba mɨzazim me gasi. Ikiavɨra Itir God, danganir manamɨn mangɨtɨ, amɨnir ekiam ko amozim otivam, eghtɨ ghuariaba mati an dagarimning nguazim dɨtima, nguazim mɨneziba mɨzi.

Aisaia 13:5

Me kantrin bar saghon itimɨn ikegha ize, egha me mati Ikiavɨra Itir Godɨn piba ko bariba. A bar anɨngaghegha, me akuvagh me damutɨ, me nguazir kamɨn itir kantribagh asɨghasɨgh, bar me agɨvagham.

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Akar Mogomem 1:7

Ia gan, a ghuariabar tongɨn izaghirasava ami, eghtɨ gumazamiziba bar uari uan damazibar an ganam. Gumazir a giniviziba, me bar uaghan an ganam. Eghtɨ nguazir kamɨn kantriba bar, dar gumazamiziba a gɨnɨghnɨgh azi naviba bar me basemegham. Are, bizir kam otivam. Guizbangɨra.

Matyu 24:30

“Eghtɨ, Gumazamizibar Otarim Izamin Dughiam, an arazarazim overiamɨn otivtɨma, nguazimɨn itir nguibaba bar aziam. Dughiar kamɨn gumazamiziba gantɨ, Gumazamizibar Otarim ghuariabagh isɨn ikɨ, uan gavgavir ekiam koma angazangarir ekiam sara izam.

Hosea 8:1

Egha Ikiavɨra Itir God kamaghɨn mɨgei: “Ia mɨdorozim damusɨ sɨgham givi. Apaniba atamra izɨ nan Dɨpenim mɨsoghasava ami, mati kuarazir isam asɨzim iniasa zuamɨra mɨghegha nguazimɨn izaghiri. Guizbangɨra, nan gumazamiziba Akar Dɨkɨrɨzir Gavgavir kɨ me ko amizim abɨki, egha nan akam batoke.

Daniel 7:4

Ezɨ farazim laionɨn mɨn gara, avɨzimning ikia taragiar ekiamɨn mɨn gari. Kɨ garavɨra itima me an avɨzimning asigha an suemning asarazɨ a gumazim mɨn tughav iti. Ezɨ me gumazibar nɨghnɨzim a ganɨngi.

Jeremaia 10:19

Eghtɨ Jerusalemia kamaghɨn mɨkɨmam: “Maia, e ikuvigha gɨfa. Osɨmtɨzir ekiam e batogha duamɨn mɨn bar ekevegha mɨsɨngizir puvatɨ. Ezɨ markɨ, osɨmtɨzir kam e batogha gɨvazɨ e aneteram.”

2 Samuel 1:23

Gumazamiziba bar Sol ko Jonatan gifonge. Aning gumazir bar aghuimning. Aning zurara roroamningɨn mɨn uaningɨn poroghav ikia, kamaghɨra ikia ghuava areme. Aning pamtemɨn uan apanibar agɨntɨsi, egha aning kuarazir isaba asɨzibar agɨntɨzir ivemarir arazim gafira. Egha aning gavgavir ekiam ikia laionɨn gavgavim gafira.

Aisaia 3:8

Jerusalem ko Juda, men mɨgɨrɨgɨaba ko ingangariba, Ikiavɨra Itir God dɨkabɨrava, an ziar ekiam gasɨghasɨsi. Egha me arazir kurar kaba an damazimɨn dagh ami. Kamaghɨn amizɨ, dughiar kuram me batozɨma, me akuiaghirɨgha uaghiri.

Jeremaia 4:12

Amɨnir kam bar gavgavigh izɨ, bar me gasɨghasigham. Kɨ uabɨ gumazamizir kaba isa kot gatɨgha gɨfa, egha kɨ ivezir kuram me danɨngasava ami. Kamaghɨn amizɨ, kɨ uabɨ mɨkemezɨ apaniba izi, mati amɨnir kuram izi.”

Jeremaia 9:19

Guizbangɨra, Saionɨn nguibar ekiamɨn aven, gumazamiziba kamaghɨn ara egha azirakar ighiabagh amua ghaze, ‘Aio! E bar ikufi! Apaniba en dɨpenibagh asɨghasigha gɨfa. Ezɨ e uan nguazim ategham. Kamaghɨn e bar aghumsɨki.’ ”

Jeremaia 49:22

Ia gan! Apaniba Bosran nguibam gasɨghasɨghasa puvɨra izi, mati isam mɨghegha pɨn ghuavanabogha, tuigha izaghira asɨzim iniasa avɨziba one. Eghtɨ dughiar kamɨn, Idomɨn mɨdorozir gumaziba atiatigh okam nɨghnɨgham, mati amiziba boriba batasa mɨzaziba barasi.”

Esekiel 26:10

An hoziaba bar avɨrasemegh ivemar izɨ nguazim dɨkɨtɨ, nguazir mɨneziba dɨkav bar ia avaragham. Eghtɨ men mɨdorozir gumazir hoziabagh apiaziba ko, dar wilba, ko dar karisba, pamtem ivemar izɨ, nguibar ekiamɨn tiar akabar mangɨgh zegh damuam. Eghtɨ hoziar kaba nɨgɨnir bar ekiam damutɨ ian dɨvaziba vazvagham.

Esekiel 38:9

Nɨ uan mɨdorozir gumaziba ko, kantrin igharazibar mɨdorozir gumaziba, ia nguazir kamɨn gumazamizir kabav soghsɨ mangam. Ia amozir ekiam ko ghuariam mɨtarmegha izi moghɨn, men nguazim avaragham.

Daniel 11:40

“Eghtɨ dughiar abuananam roghɨra izɨtɨ, Isipɨn atrivim izɨ a ko aning uaning mɨsogham. Eghtɨ Sirian atrivim karisba ko hoziaba ko kuriba inigh, zuamɨra mangɨ Isipɨn atrivim ko pamtem mɨsogham. Egh kantrin avɨriba aperiar dafamɨn mɨn otogh me arigham.

Maika 2:4

Ia bativamin bizir kaba otivtɨ, gumazamiziba ia geghan akam ia gasɨ ia mɨkɨmam. Egh me kamaghɨn azirakar ighiar amɨrizibar amuam: ‘E bar moghɨra bar ikufi. Ikiavɨra Itir God, en nguazim inigha en apanir igharazibagh anɨngi. Gumazir kaba e inigha ghua nguazir igharazimɨn e isa kalabus gatɨ. Maia! A datɨrɨghɨn manmaghɨn en nguazir, e da inizim ikarvagh e damuam?’ ”

Jeremaia 6:23

O Saion, nɨ mati guivir dirim! Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra gan ikiam.”

Jeremaia 46:18

Ezɨ atrivimɨn ziar bar guizbangɨram atrivimɨn itim, a Ikiavɨra Itir Godɨn Gavgaviba Bar Itim. A kamaghɨn mɨkeme, “Kɨ zurara angamɨra iti, kɨ guizbangɨra mɨgei: Gumazitam izam. Eghtɨ an gavgavim bar gumazir igharazibar gavgavim gafiragham, mati Taborɨn Mɨghsɨam bar ruaragha, mɨghsɨar mabagh afira. Egha mati Karmelɨn Mɨghsɨam ongarir dadarimɨn ikia, bar pɨn mar iti.

Jeremaia 48:40

Ikiavɨra Itir God kamaghɨn mɨgei: “Ia gan. Apaniba Moap gasɨghasɨghasa bar puvɨra izi, mati kuarazir isam asɨzim iniasa, uan avɨzimning onegha tuigha iraghu.

Sekaraia 6:1

Kɨ gɨn ua kogha irebamɨn mɨn bizir mamɨn garima, karisɨn 4pla iti, me brasɨn mɨghsɨar pumuningɨn tɨzimɨn iza, azenan oto.