Jeremaia 4:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Eghtɨ apaniba izamin dughiamɨn, Ikiavɨra Itir God kamaghɨn Judaba ko Jerusalemia mɨkɨm suam, “Amɨnir fefem nguazir mɨghsɨar gumazamiziba puvatɨzibar ikegh dɨkavigh, nan gumazamiziba iti naghɨn vang izam. Amɨnir kam nɨmɨra izɨ arazir kuraba batoghasa puvatɨ, mati amɨnim nɨmɨra iza witɨn ovɨzibar mɨsevibagh ivavamadi mokɨn. Puvatɨ.

Jeremaia 4:11 ပူးပေါင်းရင်းမြစ်များ

Hosea 13:15

“Efraimia bar avɨrasemegha Israelian anabar igharazibagh afira. Ezɨ kɨ aruem anadi naghɨn amɨnir fefem amadagham, eghtɨ a men mozir dɨpabar amutɨ da dakegham. Egh men bizir aghuiba bar da inigh mangɨgham.

Esekiel 17:10

Nɨ oragh! Me wainɨn ikarɨzir kam nguazir aghuimɨn an opari. Eghtɨ a deraghvɨra ikɨva aghungam, o? Ti puvatɨgham. Aruem anadi naghɨn ikezir amɨnim izɨ a givangtɨ, a imuigham. A danganir a faragha aghuimra, ikɨ bar mɨsigham.”

Luk Osirizir Akar Aghuim 3:17

Witba mɨsevir savol an dafarimɨn iti, eghtɨ a uan witba mɨsɨva dar daghebar arɨghɨva, witba mɨsevir dɨpenimɨn witɨn mɨseviba aviva, dar mɨseviba avir munger puvatɨzimɨn da akuntɨma, da isiam.”

Matyu 3:12

A witba mɨsevir savol an agharimɨn iti, eghtɨ a uan witba mɨsɨva dar daghebar arɨghɨva, witba mɨsevir dɨpenimɨn witɨn mɨseviba aviva, egh dar mɨseviba avir munger puvatɨzimɨn da akuntɨma, da isiam.”

Hosea 13:3

Kamaghɨn amizɨ, gumazamizir kaba mɨzarazimɨn ghuariamɨn mɨn pura gɨvagham. Me dɨmagarimɨn ghuariamɨn mɨn iti, eghtɨ aruem anangtɨ, ghuariam zuamɨra mɨsɨngigham. Me raizɨn mɨsevibar mɨn amɨnim dagh ivangtɨ, da pura tintinibar mangam. Egh me avir mɨgharimɨn mɨn pɨn ghuavanang pura gɨvagham.

Esekiel 19:12

Ezɨ gumazir an anɨngagheziba biba saram anesigha a isa nguazim mɨkɨni. Ezɨ amɨnir bar puvɨra ivaim aruem anadi naghɨn ikegha iza an ovɨzibagh ivarazi, da kuaraghɨregha mɨsɨngi. Ezɨ an agharir gavgavim mɨsɨngizɨ, me a gaborozɨ a isi.

Jeremaia 23:19

Ia gan! Ikiavɨra Itir Godɨn anɨngagharim amɨnir gavgavim ko amozimɨn mɨn gumazir kuraba bativam, mati amɨnir bar gavgavir kuram, men dapaniba dɨkabɨnam.

Jeremaia 14:17

“Jeremaia, nɨ gumazamizibar apangkuvamin akamɨn me mɨkɨm. Nɨ kamaghɨn mɨkɨm, ‘Kɨ Jeremaia, kɨ arueba ko dɨmagaribar azivɨra ikɨtɨ, nan damazimning temeriba dagh izɨvagh mamaghɨra ikiam. Nan gumazamiziba, guivir kɨ bar ifongezimɨn mɨn, kɨ bar deravɨra men gari. Ezɨ apaniba nan gumazamiziba puvɨra me mɨsoagharɨghizɨ, me bar moghɨra ikufi, mati me duar dafar kuraba iti.

Jeremaia 9:7

Kamaghɨn, Ikiavɨra Itir Godɨn Gavgaviba Bar Itim mɨgɨa ghaze: “Kɨ uan gumazamizibar araziba tuisɨgh, mɨzazim me danɨngɨva men gan me gɨfofogham, mati gumazim silva isa avimɨn a tua, an mɨneziba mɨsɨva da batozɨ mokɨn. Kɨ gumazamizir kabar arazir kuraba bagh damuamin tuavitam ua itir puvatɨ. Bar puvatɨ.

Jeremaia 9:1

Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.

Jeremaia 8:19

Mevzika, nan adarazi nguazir oteviba bar adar ikia egha ara kamaghɨn dei, ‘Ikiavɨra Itir God ua Saionɨn nguibamɨn atrivimɨn itir puvatɨghama, a? Egha a manmaghsua en akurazir puvatɨ?’ ” Ezɨ Ikiavɨra Itir God kamaghɨn akam ikaragha ghaze: “Manmaghsua ia nan gumazamiziba kantrin igharazibar asebar nedazibar ingara egha dar ziaba fe? Ian arazir kam na gamima, kɨ bar ian anɨngaghe.”

Aisaia 64:6

E nɨn damazimɨn arazir kurabagh amigha, bar mɨze. E amir arazir kaba e ghaze, da ti derazɨ e dagh ami, arazir kaba nɨn damazimɨn bar ikuvigha, mati inir avɨzir bar pughpurizim. En arazir kurar kabara e gamima, e amɨnim ter afarir mɨdiaribagh ivarazɨ da ghuezɨ moghɨn, e bar mɨsigha atam ariaghire.

Aisaia 41:16

Ia osɨmtɨzir kaba isɨ pɨn da akunam, mati gumazim nguazir mɨnezim ruegha pɨn anekunizɨ, amɨnim a givaragha ghu. Egh ia Ikiavɨra Itir God bagh bar akuegham. Egh ia Israelian Godɨn Bar Zuezimɨn ziam fam.

Aisaia 27:8

Ikiavɨra Itir God uan gumazamiziba amadazɨ, me kalabuziamɨn zuir dughiamɨn, a puv me gami. A men anɨngaghegha uan amɨnir gavgavim amadazɨma, a iza me avigha ghu, mati amɨnir gavgavim aruem anadi naghɨn ikegha iza, men biziba avigha ghu.

Aisaia 22:4

Kamaghɨn kɨ ia mɨgei, Ia nan navim damutɨ, a nɨmɨra ikɨsɨ damuan markɨ. Nan navim bar ikuvizɨ kɨ azia iti, kamaghɨn amizɨ, ia na ateghtɨ kɨ uabɨra ikiam. Nan gumazamiziba bar ikufi, ezɨ kɨ me ginɨghnɨghav arai.

Onger Akaba 11:6

An avir bar puvɨra isia feim gumazir kurabagh inge. Kar a men ivezir kuram ikarvazima, men mɨkarziba bar puvɨra men feima me mɨzazir kuram isi.

Jeremaia 4:12

Amɨnir kam bar gavgavigh izɨ, bar me gasɨghasigham. Kɨ uabɨ gumazamizir kaba isa kot gatɨgha gɨfa, egha kɨ ivezir kuram me danɨngasava ami. Kamaghɨn amizɨ, kɨ uabɨ mɨkemezɨ apaniba izi, mati amɨnir kuram izi.”

Jeremaia 13:24

O Jerusalem, kɨ nɨn arazir kurar kam bangɨn amɨnim gumazamiziba puvatɨzir danganimɨn ikegha iza, witɨn afezibagh ivai da zui moghɨn, kɨ nɨn gumazamiziba batuegham.

Habakuk 1:6

Ia oragh! Kɨ Babilonia damightɨ me gumazamizir bar gavgavibar otivigham. Gumazamizir kaba, me gumazamizir bar kuraba, me uaghan mɨsozir gumazamiziba. Egha me datɨrɨghɨn pura tintinibar kantribar ghua, gumazamizir igharazibar dɨpeniba isa, me dɨkabɨri.

Habakuk 1:11

Me mɨdorozim zuamɨram anegɨvagha, ivegha zuamɨra danganir igharazimɨn ghue, mati amɨnim va iza zui. Gumazir kaba, me godɨn tamɨn gɨntɨzir puvatɨ. Me uari fa uan ifongiam ko, gavgavimɨn gɨntɨsi, egha me bar osɨmtɨzir dafam iti.”

Hosea 4:19

Ia oragh! Kɨ amɨnir gavgavim bizibagh ivai da zui moghɨn, kɨ me inigh mangɨtɨ me ikuvigham. Eghtɨ me ofan asebagh amizibagh nɨghnɨgh, bar aghumsigham.”