Jeremaia 39:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Kɨ deraghvɨra nɨn akurvagh nɨn ganam, eghtɨ me nɨ mɨsueghtɨ nɨ aremeghan kogham. Nɨ nɨghnɨzir gavgavim nan iti, kamaghɨn nɨ aremeghan kogham. Kɨ Ikiavɨra Itir God, kɨ mɨkemegha gɨfa.”

Jeremaia 39:18 ပူးပေါင်းရင်းမြစ်များ

Onger Akaba 34:22

Ikiavɨra Itir Godɨn ingangarir gumazamiziba, a ua me iniam. Egh gumazamizir a bagha ghua an aven modiba, a deragh men gantɨ, me ovengan kogham.

Jeremaia 21:9

Eghtɨ gumazamizir nguibar ekiar kamɨn aven itiba, me arɨmɨghiregham. Apaniba izɨ me mɨsogham, eghtɨ tarazi dagheba men puvatɨghtɨ me arɨmɨghiregham, eghtɨ tarazi arɨmariar kuram me gasɨghasightɨ, me arɨmɨghiregham. Eghtɨ gumazamizir angamɨra ikiasa ifongeziba, me nguibar ekiar kam ategh mangɨ pura uari isɨ, Babilonian dɨvazimɨn azenan ikia mɨsoghasa garir darazi pura uari isɨ me danigh, men gɨn mangɨ, angamɨra ikɨ mati apaniba mɨdorozim gafiragha suirazir pura ingangarir gumazamizibar kɨnibar mɨn ikiam.

Efesus 1:12

E Judaba, e faraghavɨra Krais mɨzuava an gɨn zuir gumazamiziba, e Godɨn ziar ekiam bar a pɨrafam.

Onger Akaba 84:12

O Ikiavɨra Itir Godɨn Gavgaviba Bar Itim, gumazamizir nɨghnɨzir gavgavim nɨn itiba, me zurara bar akuegham.

Onger Akaba 147:11

A gumazamizir an atiatiava, nɨghnɨzir gavgavim an apangkuvir arazimɨn itiba, a me baghavɨra bar akonge.

1 Eghaghaniba 5:20

Ezɨ mɨdorozimɨn dughiamɨn, Israelia uarir akurvaghasa Godɨn diagha an azai. Ezɨ God men akurazɨ me uan apanir kaba abɨra. Me bar uarir akurvaghasa nɨghnɨzir gavgavir ekiam Godɨn itima, God men akura.

Onger Akaba 37:3

Nɨ nɨghnɨzir gavgavim Ikiavɨra Itir Godɨn ikɨ, egh arazir aghuibar amu. Egh nɨ nguazir kamɨn ikɨ deragh ikiam.

Onger Akaba 33:18

Ia oragh! Gumazamizir Ikiavɨra Itir Godɨn atiatia an apengan itiba, an damazim men iti. Gumazamizir kaba, me nɨghnɨzir gavgavim an apangkuvir arazimɨn iti.

1 Pita 1:21

A ian akurazɨma ia nɨghnɨzir gavgavim Godɨn iti. God a gamizɨma a uam ovevemɨn dɨkafi, ezɨma God bar Krais isa bar pɨn anetɨ. Kamaghɨn amizɨ ia nɨghnɨzir gavgavim Godɨn ikɨ, egh ia a mɨkemezir bizir ia fogha iniamiba baghvɨra mɨzuam ikɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 2:12

Kantrin Igharazibar Gumazamiziba, Moses Osirizir Araziba men puvatɨ. Egha arazir kuram gamigha, Moses Osirizir Arazibar saghon ikia me ovenge. Ezɨ Judaba Moses Osirizir Araziba ikia dagh fo. Egha arazir kuram gamizɨ, God men gara Moses Osirizir Arazibar aven itir akamɨn gɨn ghua men araziba tuisɨsi.

Aisaia 26:3

O Ikiavɨra Itir God, gumazamizir nɨn apengan itiba, me zurara nɨ baghavɨra iti. Kamaghɨn amizɨ, nɨ me gamima, navir amɨrizimɨn arazim me gizɨfa.

Onger Akaba 2:12

Ia uari amɨragh teviba apɨrigh magɨrɨ, an dagarimningɨn tor. Puvatɨghtɨ, an adarim zuamɨrama otoghtɨ ia arɨmɨghiregham. Guizbangɨra, an anɨngagheghtɨ an anɨngagharim zuamɨrama otogham. Eghtɨ gumazitam God bagh izɨ an aven modogh, nɨghnɨzir gavgavim an ikɨ bar akuegham.

Jopɨn Akɨnafarim 5:20

Eghtɨ mɨtiriar ekiamɨn dughiamɨn, a dagheba nɨ danɨngtɨ, nɨ deraghvɨra ikiam. Egh mɨdorozimɨn dughiamɨn a nɨ geghuvtɨ, nɨn apaniba nɨ mɨsueghtɨ nɨ aremeghan kogham.

Onger Akaba 91:7

Gumazir 1,000pla nɨn boroghɨn arɨmɨghireghtɨ, 10,000pla nɨn agharir guvimɨn arɨghiregham, eghtɨ nɨ deragham. Bizir kuratam nɨn boroghɨn izan kogham.