Jeremaia 38:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ezɨ irebar kamɨn kɨ Babilonian garima, me amizir nɨn dɨpenimɨn ikiavɨra itiba, me inigha men akua Babilonɨn atrivimɨn gumazir dapaniba bagha ghue. Ezɨ kɨ amizir kaba barazi me kamaghɨn mɨgei: “ ‘O Atrivim Sedekaia, nɨ namakabar akam baraki, me nɨ gifaragha nɨ dɨkabɨra. Datɨrɨghɨn dughiar kuram nɨ bato, mati nɨn dagarimning nguazir beghneazim giraghu. Ezɨ namakaba anetaki.’

Jeremaia 38:22 ပူးပေါင်းရင်းမြစ်များ

Maika 7:5

Eghtɨ dughiar kamɨn otariba dɨbovir akabar uan afeziabav kɨmtɨ, guiviba uan amebabar akaba batogham. Eghtɨ paba itir amiziba, uan ivozir amebaba ko akabar uari adogham. Gumazamizibar anababa uari, men apanim ikɨva, men ikuvigham. Kamaghɨn amizɨ, nɨ uan namakam ko roroamɨn akaba, nɨghnɨzir gavgavim dar ikian markɨ. Egh nɨ uaghan uan amuim o uan pam mɨkɨmsɨ deraghvɨra nɨghnɨgh a mɨkɨm.

Jeremaia 41:10

Ezɨ gɨn, Ismael Mispan itir gumazamizir igharaziba inigha, Mispa ategha, men akua Amonɨn kantrin zui. Babilonɨn mɨdorozir gumazibar dapanim Nebusaradan, a faragha gumazamizir kaba, Mispan nguibamɨn me ataghizɨ me itima, a men ganasa Gedalia amɨsefe. Ezɨ Judan atrivimɨn guiviba uaghan men tongɨn iti.

Jeremaia 38:19

Ezɨ Sedekaia kamaghɨn Jeremaia mɨgei, “Kɨ Judan ara ghua Babilonia ko itir darazir marazir atiatingi. Kamaghɨn Babilonia ti na isɨ Judan kabar dafarim datɨghtɨ, me pazɨvɨra na damigham.”

Jeremaia 20:10

Kɨ orazi, gumazamiziba bar nɨmɨra uarira uariv gɨa ghaze, Jeremaia, a ghaze, bizir kurar kam bar danganibar iti, an e damutɨ e atiatingam. Kamaghɨn e a isɨ kotiam datɨka. E datɨrɨghɨrama a isɨ gumazir ekiabar damazimɨn kotiam darɨgham. Nan namakaba kamaghsua ifonge, bizir kurar na bativir kaba na dɨkabɨragham. Me ghaze, “E ti a gifaragh a dɨkabɨraghɨva, an arazir kuram ikarvagham.”

Jeremaia 6:12

Kɨ Ikiavɨra Itir God, kɨ kantrin kamɨn itir gumazamiziba uan gavgavir ekiamɨn bar me gasɨghasigham. Egh igharaz darazir amamangatɨghtɨ, me izɨ men dɨpeniba ko nguaziba ko men amuiba iniam.

Aisaia 42:17

Gumazamiziba marvir guabar ziaba fa nɨghnɨzir gavgavim dar ikia ghaze, da men guizɨn godba. Ezɨ kɨ bar gumazamizir kaba batuegh me damutɨ, me bar aghumsigh uan nɨghnɨzibagh iragham.”

Onger Akaba 69:14

Nɨ beghneazir kamɨn aven ua na inightɨ, kɨ an aven mangɨ ovengan kogham. Nɨ deragh na geghuv nan gantɨ, nan apaniba na gasɨghasɨghan kogham. Eghtɨ osɨmtɨzir kam, dɨpar konimɨn mɨn na avaraghan kogham.

Onger Akaba 69:2

Kɨ beghneazim itir dɨpamɨn suegha uaghiri. Kɨ tugh gavgavighamin nguazir gavgaviba puvatɨ. Kɨ dɨpar konimɨn arua zuima, dɨpam bar na avaraghasava ami.

Onger Akaba 41:9

Nan roroar aghuim, kɨ nɨghnɨzir gavgavim an iti. Gumazir na ko dagheba apim, nan apanimɨn oto.

Jeremaia 46:21

Ezɨ igharaz darazir gumaziba, Isipia uan mɨdorozir gumazibar ikiasa me givese. Egha Isipia bar deraghavɨra men gari, ezɨ me bar deraghavɨra iti, mati bulmakaun mɨkarzim saram aghungiziba. Egha apaniba otivizir dughiamɨn, gumazir kaba mɨdorozim ategha are. Ezɨ Isipɨn mɨdorozir gumaziba uaghan kamaghɨn ami. Ezɨ mɨdorozimɨn aven, dughiar bar kuram me batozɨ, me bar ikufi. Kamaghɨn amizɨ, me mɨdorozim bagha tuivigha gavgavizir puvatɨ. Ezɨ dughiar kamɨn me arazir kurar me amiziba bagha ivezir kuram isi.

Jeremaia 46:5

Ezɨ datɨrɨghɨn manmaghɨn ami? Kɨ Ikiavɨra Itir God, kɨ Isipian garima, me bar puvɨram atiatigha ara uamategha ize. Apaniba men mɨdorozir gumazir gavgaviba dɨkabɨra, ezɨ Isipia mɨdorozim ategha zuamɨra ua ize. Me atiatir biziba da tintinibar iti. Kamaghɨn me ua ikɨgha gɨrakɨrangɨn garir puvatɨ.

Jeremaia 8:10

“Men gumazir ziaba itiba ko ziaba puvatɨziba sara arazir kurar kam gami. Ezɨ men ofa gamir gumaziba ko akam inigha izir gumaziba uaghan gumazamizibagh ifari. Kamaghɨn, kɨ men azeniba ko amuiba isɨ azenan itir gumazir igharazibar anigam.

Jeremaia 13:21

Eghtɨ gumazir nɨ namakabagh amigha akurvaghiziba, me izɨ nɨ dɨkabɨragh nɨ gativam. Eghtɨ nɨ manmaghɨn me mɨkɨmam? Nɨ amizim otasa mɨzazim isi moghɨn, nɨ ti mɨzazir bar kuram baragham.

Jeremaia 38:21

Egh nɨ Babilonia ateghtɨ me nɨ inighan koghtɨ, bizir kurataba nɨ bativigham. Ikiavɨra Itir God irebamɨn mɨn garir bizir mamɨn aven, bizir kam nan aka.

Jopɨn Akɨnafarim 6:15

Kɨ garima, ia nan namakaba ia bar deraghavɨra na gifari. Ia mati amozim izi puvatɨzɨ daghuriba dake.

Jeremaia 27:14

Ia fo, akam inigha izir ifavarir gumaziba ghaze, ia Babilonɨn atrivimɨn apengan ikian kogham. Puvatɨ, me pura ia gifari. Ia men akaba baraghan markɨ.

Jeremaia 27:15

Kɨ Ikiavɨra Itir God, kɨ guizbangɨra mɨgei, kɨ me amadazir puvatɨ. Me nan ziamɨn akar ifavarim akuri. Ia men akaba nɨghnɨzir gavgavimɨn dar ikɨtɨ, kɨ ia batueghtɨ, ia uan nguibam ategh bar ikuvigham. Ezɨ akam inigha izir ifavarir gumazir akaba ia mɨkɨriba, me uaghan bar ikuvigham.”