Jeremaia 38:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

^1-3 Jeremaia kamaghɨn akam gumazamizibav mɨkɨri, “Ikiavɨra Itir God ghaze: Gumazamizir nguibar ekiar kamɨn itiba, me arɨghiram. Apaniba taraziv sueghtɨ me arɨmɨghiregham, tarazi dagheba puvatɨgh arɨghiram, tarazi arɨmariar kuram pazɨ me damightɨ me arɨmɨghiregham. Kamaghɨn amizɨ, me angamɨra ikɨsɨ, me nguibar ekiam ategh Babilonɨn mɨdorozir gumaziba bagh mangɨ. Egh me Babilonia ateghtɨ me men suiraghtɨ, me arɨmɨghireghan kogham. Ikiavɨra Itir God uaghan kamaghɨn mɨgei, ‘Kɨ Babilonɨn atrivimɨn mɨdorozir gumaziba ateghtɨ me nguibar ekiar kam iniam.’ ” Ezɨ atrivimɨn gumazir dapanir maba, Jeremaian akar kam baraki. Men ziabar kara: Matan otarim Sefatia ko, Pasurɨn otarim Gedalia ko, Selemian otarim Jehukal ko, Malkian otarim Pasur.

Jeremaia 38:1 ပူးပေါင်းရင်းမြစ်များ

Aposel 5:28

Ezɨ ofa gamir gumazibar dapanim kamaghɨn me mɨgei, “E akar gavgavim ia ganɨga ghaze, ia Iesusɨn ziamɨn gumazamizibar sure damuan markɨ! Ezɨ ia orazir puvatɨgha men sure gamima ian suren mɨgɨrɨgɨaba Jerusalem bar a garui. Egha ia ghaze, e Iesus mɨsoghezɨ an areme.”

Nehemia 11:12

Me bar moghɨra 822plan gumaziba, me Godɨn Dɨpenimɨn ingangarim gami. Gumazir dapanim Adaia, a Jerohamɨn otarim, ezɨ Jeroham a Pelalian otarim, ezɨ Pelalia a Amsin otarim, ezɨ Amsi a Sekaraian otarim, ezɨ Sekaraia a Pasurɨn otarim, ezɨ Pasur, a Malkian otarim.

Esra 2:3

Parosɨn ovavir boribar gumaziba, men dɨbobonim 2,172ɨn tu. Ezɨ Sefatian ovavir boribar gumaziba, 372. Ezɨ Aran ovavir boribar gumaziba, 775. Ezɨ Pahatmoapɨn ovavir boribar gumaziba, 2,812. (Me Jesua ko Joapɨn ikɨzimningɨn ovavir boriba.) Ezɨ Elamɨn ovavir boribar gumaziba, 1,254. Ezɨ Satun ovavir boribar gumaziba, 945. Ezɨ Sakain ovavir boribar gumaziba, 760. Ezɨ Banin ovavir boribar gumaziba, 642. Ezɨ Bebain ovavir boribar gumaziba, 623. Ezɨ Asgatɨn ovavir boribar gumaziba, 1,222. Ezɨ Adonikamɨn ovavir boribar gumaziba, 666. Ezɨ Bikvain ovavir boribar gumaziba, 2,056. Ezɨ Adinɨn ovavir boribar gumaziba, 454. Ezɨ Aterɨn ovavir boribar gumaziba, 98. (An ziar mam. Hesekia.) Ezɨ Besain ovavir boribar gumaziba, 323, Ezɨ Joran ovavir boribar gumaziba, 112. Ezɨ Hasumɨn ovavir boribar gumaziba, 223. Ezɨ Gibarɨn ovavir boribar gumaziba, 95.

1 Eghaghaniba 9:12

Ezɨ gumazir dapanir igharazir mam, Adaia. Adaia, a Jerohamɨn otarim, ezɨ Jeroham, a Pasurɨn otarim, ezɨ Pasur, a Malkian otarim. Ezɨ ua gumazir dapanir igharazir mam, Masai. Masai, a Adielɨn otarim, ezɨ Adiel, a Jaseran otarim, ezɨ Jasera, a Mesulamɨn otarim, ezɨ Mesulam, a Mesilemitɨn otarim, ezɨ Mesilemit, a Imerɨn otarim.

1 Eghaghaniba 6:40

ezɨ Simea, a Maikelɨn otarim, ezɨ Maikel, a Basean otarim, ezɨ Basea, a Malkian otarim,

Jeremaia 25:2

Ezɨ Godɨn akam inigha izir gumazim Jeremaia akar kam Judaba ko Jerusalemia mɨkɨri. A kamaghɨn me mɨkeme:

Jeremaia 39:17

Kɨ Ikiavɨra Itir God, kɨ mɨkemes, Kɨ bizir kam damuamin dughiam, kɨ nɨn akuraghtɨ, me nɨ isɨ gumazir nɨ atiatibar dafaribar atɨghan kogham.